想甜嚐甜

营业中

休息中

有日同朋友食完晚餐未有飽意，我地就行左去大角咀去試呢間bookmark已久嘅甜品店😍🌟芒果丸子香蕉木船配乳酪雪糕🥭香蕉船🍌份量比預期大，芒果🥭丸子發揮正常，同平時港式糖水舖水平差唔多，都係有多多芒果粒、芒果汁同糯米丸子🍡 一隻船仔已包括兩球Froyo。而是日乳酪口味係季節限定白桃🍑+洋梨🍐味，我地緊係唔執輸，兩隻味各一球啦😝 兩款Froyo都非常清香冇冰粒，雖然食食下覺得有啲甜，但都係忍唔到口All Clear🤣 🌟開心果心太軟配乳酪雪糕🍦想甜嚐甜最吸引到👧🏻試嘅原因就係有不同創新口味嘅心太軟，除左開心果味，仲有奶醬多🥜、芫茜、麻辣味🌶 。不過以上口味👧🏻都唔食，所以都係乖乖哋食返開心果味啦☺️心太軟送上時其實已經有輕微裂痕，有些少朱古力漿已經流出，幸好情況不太嚴重，無損雅致。呢個甜品除咗有開心果心太軟，面頭仲蓋上一層芝士奶蓋+開心果碎+玄米粒，口感極豐富。伴碟嘅醬亦絕不馬虎，用上純開心果醬😍 簡直係幸福爆棚💚 同預期一樣，開心果味超級濃郁，食耐左都係偏甜少少，流心醬則偏杰身，蛋糕外殼質感岩岩好，唔會太濕潤👍🏻加上有Froyo一冷一熱，女仔自己K.O.一個其實唔難🤣 可惜當日冇原味乳酪雪

終於俾我試到想甜嚐甜啦🍨一場去到大角咀當然要試埋先走🤪心太軟食得最多都係朱古力或者抹茶味，開心果味我都係第一次試！呢度嘅開心果心太軟 ($62) 真係幾出色下，上枱熱辣辣，一切開啲開心果漿就流晒出嚟😍 心太軟食落都鬆軟，開心果味濃得嚟甜度亦剛剛好👍🏻好鍾意佢呢度係配乳酪雪糕，食落會冇咁滯亦冇咁大罪惡感🙈另外紫薯法式燉蛋 ($50)相對下就比較普通，個人覺得紫薯同法式燉蛋有啲唔夾，不過個燉蛋都滑嘅🤣

難得去到大角咀，又點會剩係食一餐 😌，食完晚餐之後，我地再去搵甜品食。😚上網搵到利奧坊有間「想甜嚐甜」。好彩朋友識行過去，如果我自己一個行會當失路🧐！我地3個人叫咗”朱古力布朗尼火焰忌廉泡芙雪山” + “椰芋” + “黑草” + “嚐甜椰露”。🤩朱古力布朗尼火焰忌廉泡芙雪山賣相好靚，真係好似一座火焰雪山咁，不過我仲以為有酒有火睇。味道ok，個底用雪糕泡芙同乳酪雪糕堆砌成。椰芋有煙韌芋圓、海底椰、紅豆、椰果、小丸子、西米、椰汁，口感唔錯，好足料。黑草有黑糖仙草、芋圓、大西米、小丸子，可以揀配花奶、忌廉或者咩都唔加，我地選擇咗花奶，都唔算好甜。嚐甜椰露有椰果、海底椰、西米，仲有又香又濃嘅椰汁，同椰芋好似。我地食緊期間見好多人係門口等位同買外賣走。😋

💛#黃店話說我好鍾意特登去大角咀食野因為嗰頭真係好多好西，今次再介紹呢間都幾出名有名氣嘅甜品店，款式比較偏新派但又好吸引，尤其佢哋嘅招牌心太軟！而且口味越出越多，例如有開心果、芫荽、麻辣、花生奶醬，而今次主力介紹咗心太軟先🤣👓開心果心太軟 伴乳酪雪糕 $64見到個價錢其實唔平，但好彩個心太軟好大個，係比平時出面嗰啲體質大，偏高身，同埋個外皮夠挺有脆，賣相亦靚靚，灑上開心果碎，旁邊有開心果醬，軟雪糕嘅形狀配上一個雪糕cone。切開中間當然有流心效果，其實開心果本身冇乜味，但認真食會食到有淡淡的堅果味，而且唔算太甜，其實個心太軟有啲漏不過有乳酪雪糕酸甜平衡返。雪糕方面其實+$5可以升級至特別口味-竹炭雪糕，不過味道冇乜特別，反而原本嘅乳酪雪糕味道酸酸甜甜好開胃好食好多，所以唔建議加錢升級😂評分：8.5/10👓海鹽拖肥花生煉乳心太軟 伴乳酪雪糕 $58見到個名再睇埋張相真係好邪惡😈面頭係煉奶同花生碎，見到底部有一少pat牛油，的確會加添左份牛油香不過好肥呀，旁邊仲有花生醬😫因為加咗錢升級所以係竹炭雪糕+cone。一切開就流哂花生醬汁，食落唔太覺海鹽味因為花生醬味太濃烈啦，真係好香花生醬味

- 開心果心太軟配乳酪雪糕 $64極少見呢個組合 但出到黎好夾好好食🤩心太軟熱辣辣夠鬆軟 一切開就係滿滿既開心果醬極流心！唔係流一陣就無晒 而且甜度岩岩好唔會膩上面有奶蓋之餘 側邊仲有nuts同開心果 成set好豐富😻 大部分既心太軟都可能係會配雪糕 但想講配Froyo先係無敵✨- 蜂蜜烤洛磯山棉花糖窩夫配乳酪雪糕🍯🧇 $68另外呢個好似比較少人介紹 但又係好高質男朋友食過一次返唔到轉頭 次次都要叫呢款會比較推介鍾意重甜既朋友仔！棉花糖有入口即溶既感覺 淋埋蜂蜜醬口感更加立體當然都更加甜更加邪惡🙊 窩夫亦都好脆🧇酸甜帶點清新既乳酪雪糕更加可以中和返佢既甜膩～兩間分店試過都係一樣高水準 feel到佢地真係用心製作希望大家都可以多多支持💛

大角咀出名既甜品店梗係要試下啦係下午茶時間去，人流唔算太多，可以直入就叫咗呢個白雪芒牛，睇個名都覺得吸引，係焗到好酥脆既牛角包🥐再加芒果，再加忌廉呢個組合無得輸，下次經過一定要試下👍🏻👍🏻👍🏻

甜品使我心癢 亦期待你 共我愉快分享❤️▪️▫️開心果心太軟配乳酪雪糕▫️▪️完全為佢而黎🤗無令我失望！！切開係好似湯咁流晒出黎，果種澎湃係現場見到hyper好多😍😍食到濃濃既開心果醬，加埋旁邊啲nuts呀，口感一流，乳酪雪糕少少帶酸👍🏻👍🏻間接中和到甜膩感，配搭恰到好處，一冷一熱刺激味蕾🤤🤤🤤好味道！！▫️▪️玉桂蘋果金寶配乳酪雪糕▪️▫️熱焫焫🤩香氣逼人！玉桂控認為肉桂可以再香啲！！蘋果可以唔洗切到咁大舊🤣🤣好似食緊薯仔咁，口感唔差，又唔會太甜，都係唔錯，當然心太軟最得我歡心啦🤪

.📍想甜嚐甜📍#饅頭去大角嘴 #饅頭食甜品 #饅頭的港味道------------------------------1️⃣阿華田心太軟配乳酪雪糕 ($52) 小編本來係想嗌開心果心太軟，但見佢哋呢款每日限量6份就果斷轉汰😂，結果都冇令小編失望。心太軟係即叫即焗，上枱已經聞到好香嘅阿華田甜味🤤，蛋糕外皮厚薄適中，焗得微暖香脆，入囗香軟唔會過濕，面層仲有脆脆增添口感。阿華田流心澎湃，一切開就幾乎流到滿1/3個碟♥️，質地似醬夠稠，暖暖哋唔會過甜，但阿華田味有少少淡，似偏甜嘅朱古力味多啲。至於乳酪雪糕就真係有啲酸，要靠流心嘅甜味平衡翻，香滑度適中，冰感十足❄️，甜筒香脆不硬，倒轉咁放令賣相變得有特色。雪糕同心太軟冷熱交融，整體味道層次豐富，小編下次會想試佢哋嘅開心果味心太軟😜。------------------------------🔸整體評分：7.9/10🔸小編回頭率：7/10

9 0 後 的 味 蕾 .📍#大角咀美食 #糖水.一間專登揸車🚗去食既甜品店，已經二訪過，準備三訪😂.🔸良心餐廳🔸心太軟味道獨家特別 🔸多款糖水質素高👍🏻.🪄積及橙朱古力心太軟最出色係個兩片橙，焦糖脆面，又脆又甜，又帶香橙味，心太軟一切即流.🪄開心果心太軟開心果醬比朱古力醬更加流心，估唔到開心果熱食都咁好味，必試！.每款心太軟都有個乳酪雪糕，又熱又凍，相當爽！.萬聖節🎃餐廳仲添加左裝修，增加氣氛，仲要推出風怪甜品🍮😋

真係差到要黎寫個食評！點解會有芒果皮係個糖水到？唔係無批好皮，唔係我食咗舊肉，係真係成塊皮掉落糖水度煮……🤨點解杯珍珠奶茶啲珍珠係好似提子咁一大秋？全部都係一大秋！真心差！………….………….………….………….………….………….………….………….………….………….………….………….………….………….………….………….………….………….………….………….………….………….………

其實呢間係本人飯後甜品愛店 位於大角咀隱蔽小小地方 第一次食都係誤打誤撞見到 於是試下 點知係好高質 加上係💛店 之後間唔中飯後都encore咗好幾次 支持💛前幾次我都係好鐘意叫「海鹽焦糖爆谷香蕉船」！今次我就見到新出左榴蓮+泡芙味 作為榴連粉既我 就試下新野！ 另外仲叫左杯炭焙鳥龍寒天奶茶🥤估唔到會比榴連果肉😍 濃郁榴連配埋乳酪雪糕🍦好好味 仲有燒完既香脆既香蕉🍌 杯鳥龍寒天都唔錯 甜度岩岩好 又可以中和返雪糕🍦甜味！推介！

呢晚同朋友食完晚飯過嚟食甜品，門口超級多人，大約都等咗成個鐘。真係排咁耐都值！棉花糖窩夫 外脆內軟 唔會太甜 個焦糖燉蛋唔會太甜我最欣賞係佢嗰個芭樂味乳酪雪糕下次黎都一定叫番🥰真係係香港食過最好食嘅甜品糖水鋪！

試過外賣一次 堂食一次外賣嗌左心太軟同乳酪雪糕 黎到都細杯 以為本身就係咁後尾去到堂食發覺原來可以好大杯 咁點解外賣要比貴咁多 跟住再細杯d尋日諗住叫多次外賣 落單之後打過去問個女店員雪糕可唔可以大杯d 佢話唔可以喔 外賣杯就係咁細杯 咁跟住我問佢 點解外賣貴左反而會細杯d？你用兩個杯咪可以做到正常size之後過左一陣 佢答我 其實個size係一樣既 不過個雪糕㩒實左😮 我聽到當堂嚇一嚇 你㩒實左個雪糕 咁個外賣杯都無滿呀 同埋你會唔會㩒實到d水😮我再諗返起上次去堂食都夜啦 同一個女店員提我地窩夫心太軟都無得嗌 因為製作需時 之後我地想嗌個泡芙 佢都話唔得 製作需要 😮哈？咁你一開始唔講既？我係咪要suppose知道你整呢d甜品要幾耐？

一直知好多人推薦呢間甜品舖，就趁下午茶時間唔算太多人就去試下。首先叫左黑糖芋圓仙草配滇紅碧螺原茶（$48），配料豐富，有芋圓、地瓜圓、紫薯圓、小丸子、珍珠、西米、黑糖條同仙草，黑糖汁底，花奶好貼心係分開上。每啖都食到唔同程度嘅煙韌口感，份量算大碗，都算OK。反而自己好鍾意杯滇紅碧螺春，茶味香濃，值得一試。另外點左70%可可牛角布朗尼（$46），要等一段時間先上，即叫即焗熱辣辣，外面鬆脆，牛角酥充滿牛油香，杏仁脆片好香口，朱古力微苦唔甜，brownie軟熟香濃，口感層次豐富，我同朋友都非常鍾意呢款甜品。

☆ 想甜嚐甜大角咀嘉善街18號利奧坊二期地下G703號舖✦ 榴槤飄香忌廉泡芙窩夫配乳酪雪糕 (葡萄柚味)窩夫幾好食，但唔算驚艷，成件事(榴槤、窩夫、泡芙)亦都唔算係好夾，好似只係咁岩將幾樣野放埋一齊黎食咁，不過個乳酪雪糕好味！好清甜又有葡萄柚嘅味，出面又少d有呢隻味。其實當日足足等左超過40分鐘先有得食，仲要我見到隔離枱遲過我入黎但一陣就有，所以呢到扣左少少分。✦ 奶醬多心太軟配乳酪雪糕 (原味)好得意，真係好似食緊奶醬多咁，但又有d諗起格仔餅，唔錯嘅！原味乳酪雪糕都好好味，佢d雪糕比起甜品好似更出色咁。PS：呢個都等左25分鐘左右，明白整呢d要焗嘅甜品係要d時間，但其實當晚都唔算full晒，如果好full個時要等幾耐呢？