影片
营业时间
今日营业
15:00 - 00:00
星期一至日
15:00 - 00:00
以上资料只供参考，请与餐厅确认详情
相关文章
與兩位好友聚會總是有聊不完的話題，之前在大角咀吃過晚飯仍然意猶未盡想續攤，就帶她們來到這區的人氣甜品店繼續我們未完的對話 桂花花釀丸子湯圓 $42養生的好友選來口味清甜的桂花花釀丸子湯圓，粒粒桂花及桂花糖煮成糖水基底再加入湯圓烹煮，淡淡的桂花香氣跟香甜的味道，湯圓煙韌好吃，整份甜品不會太甜反而帶種清新感覺～椰芋 $49自己就選了這個人氣之選：椰芋！一碗有齊芋圓、地瓜圓、紫薯圓、丸子、西米、紅豆、寒天跟海底椰加上椰漿，用料跟口感同樣豐富，而且每款配料都是各有特色，加熱後椰漿的椰香更重，三色圓煙韌Q彈，紅豆綿密，大大塊海底椰肉感覺有被滋潤到，冬日必食之選開心果心太軟配乳酪雪糕 $69愛吃開心果的好友就揀選了店家的最具人氣甜品，以開心果代表朱古力製成的心太軟，切開即如瀑布般流出開心果內餡流心，味道天然且香濃；面層加入白朱古力漿增添香甜感！旁邊帶酸甜的乳酪雪糕，交替著吃就不會感到膩，兩款味道非常配，難怪有這麼多人點這個！不過要留意一下這道甜品的心太軟是下單即焗製，所以等候時間也會較長啊～餐廳處於新樓盤旁邊，坦白說晚上這街道實在寧靜沒有多少人經過，但這店門內門外總是人頭湧湧的；裝潢以簡約工業風為主軸，牆上掛有不少插畫作點綴，採用落地玻璃以增加空間感；全店容納客人數量也接近三四十個，座位之間不算逼狹能好好跟三五知己或家人來邊吃邊聊已經到訪過店家兩次了，蠻喜歡這裡的因為吃過晚餐後走過幾條街就有一間味道很有質素而且環境不錯的甜品店，加上這裡的甜品種類非常多元化，中式西式台式的也有，而且每款賣相吸引又IGable，總有一款合心意的～
继续阅读
冇諗過外賣自取，點知攞到手剩係得半碗都冇，真係未見過有一間糖水舖會做到咁，應該唔會再有機會再食呢間垃圾，60幾蚊一碗，西米得幾粒咖啡凍得幾粒奶凍都係得一粒，冇諗過佢啲嘢做到咁垃圾，你唔同我講我以為嘔吐物一碗。。。
继续阅读
同朋友食完飯， 仍然以猶未盡，決定去大角咀人氣甜品店繼續我哋未完嘅說話😝 門外多人排隊，好彩我哋等咗10分鐘就可以入座。 我哋選咗爆谷芭菲杯， 荔枝玫瑰芭菲杯，朱古力窩夫格餅🧇配乳酪雪糕🍦和朱古力心太軟配乳酪雪糕。＊爆谷芭菲杯🍧除咗乳酪雪糕和迷你甜筒外，當然有香脆爆谷，更有海鹽焦糖脆脆和粟米片， 淋上焦糖醬， 多重口感堆疊，令人不能停下來，一啖一啖繼續食👍＊荔枝玫瑰芭菲杯🍧杯裏面有乳酪雪糕 和迷你甜筒外，仲有香甜嘅荔枝椰果和荔枝原粒， 仲有脆卜卜嘅粟米片， 口感豐富。最後淋上 香濃嘅荔枝玫瑰醬，美味可口。 由於乳酪雪糕甜甜酸酸，不會覺得甜膩。 不妨一試！＊朱古力窩夫格餅配乳酪雪糕窩夫格仔餅散發出香濃嘅朱古力味， 外脆內軟， 配上酸甜乳酪雪糕和淋上桂花蜜糖， 香甜清新。心太軟和乳酪雪糕一齊食， 一熱一冷 冰火交融， 冇得挑剔，好好味😍＊朱古力心太軟配乳酪雪糕心太軟系列，除咗最基本嘅朱古力外，仲有阿華田，開心果，紫薯味。 不過，朱古力控嘅我，當然揀返朱古力味心太軟。 熱辣辣嘅心太軟外脆內軟，切開朱古力醬好似瀑布慢慢流出，睇到都賞心樂事，朱古力味濃，入口即溶，甜度適中，唔會覺得甜膩，配埋酸甜乳酪雪糕，冷暖交融，更滋味😌
继续阅读
開心果心太軟完全無開心果味。得個甜。叫左兩個芋圓甜品，20分鐘還沒有送上。最後說煲緊芋圓，最終該兩個會員甜品夾埋唔夠10粒芋圓而芋圓還只是暖的。店員的態度是沒有問題的，只係喺食物方面可以再改善一下。
继续阅读
响大角咀附近食完韓燒，上網search見呢間多好評專登行幾條街過去，去到前面有幾個人排，我地就跟住排，入面其實有一排bar枱位唔知點解唔俾人入，等等下突然落好Q大雨，排前面有2個人入左去佢門口位有張2座椅好明顯係俾人等位坐嘅，但個態度照差嘅女人趕返果2個人出左要人响出面等，跟住佢門口位係有避雨位嘅，但佢都唔俾人企，個位係好闊落嘅，就算企2個人都不會阻礙出入(佢有借把摭俾我地嘅）。跟住有位喇，一開門就勁趕咁問我地食咩即刻落單先，落勁大雨拎住摭你又冇俾餐牌我，我地一定諗左食咩啦，跟住話入去坐低先，一坐低又即刻問，餐牌都未睇，跟住佢話有限時乜乜差差，已經聽唔入耳唔想理佢(當時出面係冇人等，係 冇 人 等).叫完之後，野開始黎，大約入坐10min 左右野未黎哂嘅時候，我地加個芒果冰，個女人再remind我地夠鐘要即刻起身(出面係冇人等，仲有吉枱嘅),如果呢個係老板，我真係祝你好生意呀！食物方面: 開心果綿綿冰係真材實料，好濃開心果味，冰都好綿，但$118 size係手掌咁大，性價比低，芒果冰 size就大好多，但係假芒果味。另外叫左蜜桃芭菲同爆谷芭菲，橙味朱古力心太軟，仙草芋圓正常ok的，佢配D乳酪雪糕ok好食。但絕對沒有出色的食物加極度惡劣嘅服務態度，如果好似我今日咁犯賤就去試下 (不吐不快)
继续阅读