悅點居

营业中

休息中

這一晚上，隨便走走，到了西環附近，剛好見到這一家有點懷舊的點心店。應該是網紅介紹過吧！因此這天晚上，人也算挺多的吧！我們點了一份蝦餃，一份燒賣，一份鳳爪，一份棉花雞。蝦餃皮好薄！蝦🦐好新鮮，好好食😋！燒賣的蝦同樣新鮮，而且熱呼呼的，豬肉比例都不錯，不會有好多肥膏！都好好食😋！至於，鳳爪，可能不夠「林」的關係，我自己覺得一般，不過汁醬都是美味的！棉花雞的「棉花」（即是魚肚），沒想到好薄。。跟平時在外面吃的不大一樣。但魚肚雖然比較薄身，但味道及口感也是很好的！這裡的服務員態度和藹！很好！連這裡的食客都十分客氣！很窩心☺️的一家店！

古舊茶居feel，雖然座枱環境狹窄，但係食物質素上乘，甚至比起某些出名連鎖集團酒樓更加出色大路點心例如燒賣&蝦餃較普通，冷門d既點心反而有驚喜，鯪魚球好難做到有魚味得黎又唔腥，價錢又相宜，值得推，仲有佢既羅漢齋腸比起我上次去某間大集團酒樓好食多了，人地唔係一味塞雲耳充數就話係羅漢齋腸，鹹魚肉餅飯夠大碗,肉餅唔係死死實實，個飯蒸得啱啱好，唔乾唔濕,本來黎到都有d晏，唔係食到好多嘢，下次黎會再試下其他嘢，而且茶錢只係$5蚊一位，又無加一，絕對抵食👍

老實講如果唔係長老推薦我應該唔會試「悅點居」，因為平時只見到老友記出入，不過長老話事喇😉✨🥢鮮蝦餃皇$32: 皮薄、蝦爽。✨🥢咖喱魷魚$28: 魷魚厚身入味。✨🥢韮黃鮮蝦腸$31: 雖然係雪蝦，但都大大隻有6隻，腸粉唔算滑，但可接受。✨🥢鮮蝦炸雲吞$27: 現在好多酒樓都無，懷吓舊先，熱騰騰大大隻，唔錯。✨🥢酥炸鯪魚球$26: 呢個有啲失望，唔係唔好食，係跟我小時候煮法不一樣，我唔係好鍾意那層炸粉。全日茗茶每位$5，不設加一服務費，這兩點去邊度搵呀！啲姐姐好熱情又勤力，茶壺加水快，眼見叫得出茶客名，一坐下就問係咪「照舊落單」，幾親切呀！

今日 去開睇戲, 又未夠鐘, 所以就去咗附近飲個靚 茶 hea下,估唔到有驚喜, 我就 叫咗 牛肉球,鳳爪 ,蝦腸,仲有甜品 薑汁糕, 佢都似係即叫即蒸, 唔錯, 蝦腸爽滑, 啲蝦都叫大粒彈牙, 鳳爪大大份， 味道 幾好， 牛肉球 三大粒， 不過 我覺得佢有啲 鯪魚球 味道而且好淺色， 可能牛肉份量唔多， 不過都明白， 依家街市廿蚊都買唔到牛肉， 薑汁糕煙韌有薑味， 唔錯唔錯， 薑汁糕做得出色， 好耐都未去過五蚊 茶錢 酒樓， 仲要無加一， 4籠點心 飽到飛起， 環境望落去都算乾淨企理， 整體感覺唔錯， 下次都會再嚟試下其他嘢食

想飲茶食點心但又懶得落街，咁唯有叫網上外賣平台😂碌個餐廳list,見到悅點居個menu再去OpenRice 睇下食評同相，見價錢唔貴（網上外賣平台仲要有折😂）comment 又唔差，今日就試試佢🤓2個人叫左：1️⃣蒸蘿蔔糕 2️⃣鹹魚肉餅飯 3️⃣鳳爪 4️⃣鮮竹卷5️⃣鹹水角6️⃣燒賣7️⃣素菜餃總結：樣樣都好好食同高水準，有驚喜。本人最鍾意食係蒸蘿蔔糕，因為食到蝦米同蘿蔔絲🤣。性價比都算高～無可挑剔，一定會再Encore💯

想吃點心除了酒樓外，其實細間的點心店都會是不錯選擇。來到一個平時甚少去，位於港島西區的堅尼地城。原來這裡有頗多點心店而今次我去的是家人吃過又推薦的 悅點居星期六中午12點多來到已經看到門口站著不少人，但幸好大多是等外賣。不過堂食其實也不遑多讓，只是恰巧有位而已。見有不少老人家都像是熟客來用餐如果是星期一至五的午茶時段會免收茶錢，但我這天是星期六就收每位$5老實說這茶錢相對不少酒樓真的便宜很多。基本的點心都有，而且都是即叫即蒸的，大概要等15分鐘左右蟹子燒賣皇 ($28) & 山竹牛肉球 ($19) - 吃點心必點！前者豬肉部份的肥肉多一些，吃落彈牙又多汁。後者的牛肉質感十分滑嫩，當中混了適量的馬蹄增加口感！而且都幾大一球！潮州蒸粉果 ($15) & 鮮蝦菜苗餃 ($23) - 每籠都有3隻！而且雖然外皮較為厚身，但韌度很有嚼勁，而且內餡都十分飽滿，能見到鼓起的耶調味亦足夠，不用特地再沾辣油也很惹味。只略覺得菜苗不算很嫩口。香茜牛肉腸 ($20) - 腸粉同樣很厚身，不過都夠滑，所以還好。牛肉和牛肉球一樣滑嫩，而且整條腸粉都有均勻的牛肉，就香茜可以再多點就好最後還點了 千層羌汁糕 ($1

通常外賣拎走。熱辣辣。好食又抵食。keep住幫襯，一個禮拜都有一次。蒸飯，燒賣，牛肉，雞扎，叉燒包，鮮竹卷等等🔥大人老人家小朋友都鍾意！仲可以電話叫定，唔駛門口等咁耐。。

西環北街一帶有好幾間點心鋪，當中悅點居，平常我會為首選。佢哋既燒賣係比較出眾，好食還好食，服務態度或服務態度服務態度衰都唔會留得住啲客今日個收銀老細堅唔好禮貌。落單後發現佢哋落少咗一樣已即時叫提醒你地落少左。之後當中的服務態度不用多說⋯⋯我在考慮會否再幫襯

山長水遠去到堅島，當然係食包左又去睇下周圍有乜好嘢食，朋友話呢間點心好出名，所以食飽左嘢都要買反屋企食😬😬😬😬鳳爪——-食親點心多數都會叫鳳爪，因為鐘意食，炆得夠又入味，用芋頭墊底，索哂鳳爪味道仲好食😋😋😋😋😋😋糯米雞——-入面好多餡料，可惜我反到屋企掛住食，忘記打開食更時影，食到差不多食完先記得無影入面D材料😅😅😅😅😅糯米雞味道夠，口感一流，不枉我甘遠來回幾小時買回家吃，回到家還是熱的，下次再有機會去呢區，一於堂食😬😬😬😬😬

Good service attutides. Dim sims are fresh. I have seen that some westerners like to go this place. Price is reasonable. No 10% subcharge. It closes late, i.e. 2am - good for those people (like me) to enjoy late supper. ..………………………………………………………………………………

堅尼地城宜加得番一間酒樓, 可惜質素好一般, 但係2位老人家都係比較鐘意飲下茶食番個包過下日晨, 而堅尼地城越開越多點心舖, 今次帶佢地嚟試下其中一間好彩剛剛好唔洗等位, 坐低立即畫完點心紙係到等食流沙奶皇包: 做得唔錯, 皮薄得嚟又唔會裂開影響外觀, 而且流沙餡做到幾靚, 一撕開就流了出來, 食做陣唔好心急如果就會有機會燙親燒賣: 飲茶必叫野食第二位，咬落口味道不錯，蝦膠同蟹子蓋面，而下面豬肉部分唔會有一粒肥膏蝦餃：飲茶必叫野食第一位，粒粒都好圓潤，皮算做得唔厚，蝦肉爽口，而且價錢非常抵食鳳爪：老人家嘅最愛，分量唔少，鳳爪下有芋頭粒吸味蒸蝦腸：略為有點失望，腸粉皮拉得相對上比較厚，而且一夾即散，唯一可取地方係入面蝦大粒又爽口臘腸滑雞蒸飯：滑雞份量好多，味道不過不失咸水角： 一份有3粒，有老人家係到，叫店員為我地剪開，方便食。味道一般，食嘅時候會有痴牙情況出現舖頭生意不錯，不時有食客排隊等位。價錢比起酒樓嘅點心嚟講來得經濟實惠。

突然想吃黃金糕，香港不是很多地方有賣，而西環這間點心店有，便去飲啖茶食個包～餐廳面積不大，星期六的下午，坐滿了人，找到個位子快快坐下。點了一籠鮮蝦餃皇($27)、韮黃鮮蝦腸($23)、流沙奶皇包($15)、鮮蝦腐皮卷($20)，當然還有蜂巢黃金糕($12)！（真的很喜歡吃蝦，差不多是全蝦宴）之前也在這裡飲過茶，食物味道真的不錯，這次再來也沒有失望。流沙奶皇包一流，完全做到「流沙」，奶皇餡的份量十足，一咬開便流了出來，吃的時候小心不要被燙到，餡料的奶香和鹹蛋黃味十分濃郁，更有「起沙」的質感。鮮蝦腐皮卷外層脆卜卜，餡料除了有蝦膠外，也有原粒蝦肉，喼汁的酸味更消減了油膩感。黃金糕送上枱面時，姐姐提醒趁熱食會更美味，果然，黃金糕口感煙韌，帶有椰香味，入口甜而不膩，一人輕鬆吃掉一籠。等了三十分鐘，蝦餃和蝦腸還未到，問了發現是漏了單，姐姐馬上跟進，說了幾次「唔好意思」、「現在在蒸了」，禮貌和態度都好好。幾分鐘後蝦餃和蝦腸都出爐了～蝦餃皮薄餡靚，一隻蝦餃有2-3隻蝦，蝦肉彈牙爽口，也不會像酒樓的蝦餃有很多肥豬肉。一碟3條蝦腸，每條蝦腸都包著2隻大大的蝦，蝦肉同樣彈牙，不過這次的腸粉就不夠上一次吃的那

收銀服務態度差.一走入去叫外賣.佢就叫我叫野食.我都未知有咩野食.跟住我問佢有無外賣紙佢先指一指隔離堆野.我先見到.好啦咁我叫完佢話等15分鍾.因為鋪頭細我企左係對面公園等十五分鍾再入返去見到張枱巳經有外賣係度.但係晤知係晤係我既.但係我晤夠膽問.因為佢好寸.跟住我再等多15分鍾有個呀姐比外賣叧一個客先問埋我幾號.佢一睇見到巳經有.佢問收銀做咩晤比我.個收銀話.點知佢姐.佢又晤比張紙我睇.食物一般無話好食又無話晤好食.

This small dimsum restaurant in Kenny Town is a good place for a quick afternoon dimsum tea. They provide nice, promt and efficient service. The restaurant is usually full and packed with local elderly people. They all see enjoy the steam rice there and the price is of very good value. The dimsums are traditional and tasty. They also provide a variety of tea to choose from. *if you go there weekdays afternoon there will be no extra charge for tea! Otherwise it would be like a few extra dollars

要搵傳統的點心，西環係一個好去處。第1次去呢間點心專門店，意外見到出面坊間少見的點心。蜂巢黃金糕好彈牙，口感紮實，食落口甜而不膩，有少少似白糖糕的感覺，但較硬。羅漢齋好足料，布拉腸粉好滑又熱辣辣~香炸蓮藕餅超好味，蓮藕同肥豬肉的味道勁讚，超好食。鳳爪排骨飯的排骨好腍好好味，飯味索哂肉汁。鮮蝦腐皮卷脆卜卜，蝦膠足料！豆苗好嫩，蝦肉大大隻多汁。非常足料，飯粒好夠味！