影片
我食过好多差的食肆，未食过一间差到好似呢间咁，我愿意花时间打食评！7:30落单食火锅，纸上一堆汤底选择，但选完就样样都无，算！等左好耐都无上锅，三催四请，结果系个部长唔记得落单！算，重新再落，40分钟后仍然未有锅！火都黎埋，仲问我要咩汤底，再帮我落过，我话我唔理你有咩汤底，你起码俾个锅我！我心谂我落清水都好！落单落左已经一个钟，一碟菜都无上过，任食2个半钟，你俾我食5个钟都无用！唔止一枱系咁，枱枱都系咁！大家唔满意，同部长、职员讲，佢地仲要声大夹恶咁闹番转头，发唒脾气！完全没有服务态度可言！仲发D客脾气！最最最衰仲要系厄人！系厄人！真系劲想去消委会投诉！火锅108（每人送一碟肥牛），加多50可以升级，任食肥牛。我同家人加左50升级，黎左2次肥牛（每次都少）就无再黎过，催极都无！最后话厨房唔知点解切唔到肥牛！根本就没有任食！咁同108有咩分别？埋单系158再加一！找钱时又找错，2枱D数乱哂，有D客人都系计错钱，同佢理论劲耐！真心觉得唔单止无下次，连呢次都唔想有！
继续阅读
约左6点，等左成一个钟都冇嘢上，仲要全场得三围，完全唔知佢地做咁咩，中伏！行政又乱到七彩，book位个阿姐都超不耐烦，个个做嘢龟速，未试过食咁的放题，唔会再来了
继续阅读
朋友在团购买了海鲜蒸㶽+椰子鸡㶽四人餐，中伏位如下:~ 套餐包每人半只波士顿龙虾，经理话未返货 没有，叫我地食四只鲍鱼代替，点知比我揾到成萝龙虾向缸内游水，才黑面话: 我吾知返左货。~ 套餐包任食的贵价食物如:肥牛，海虾串，只提供过一次，催了三，四次也不再有补添。~ 套餐说的椰子鸡㶽，六时入埸话有，食完蒸海鲜叫佢上㶽时，女部长发脾气话冇(因当时起码有五枱客同时投诉) ，后我们顶吾顺发火男经理话有，不过当时己九时正，仲系椰子水烚鸡，不是图片说的椰子鸡汤。~ 只可说呢次系我地吾好彩。报告完毕！
继续阅读
今日行过见广告牌写住$98蚊2款小菜唔知真定假咁平，咪上去睇下，呢度见到有好多都系食火锅，得几台小菜，心谂会唔会中计，都上到黎咪试下啰，叫咗个开边蒸海生虾同烧鹅，比想像中好好多，啲海虾好新鲜弹牙粉丝超好味，烧鹅以为好细份，出黎都有1/4只，2个人黎食1个白饭14蚊，茶位10个，埋单都系145超低食
继续阅读
又系lunch，又去揾野食。听同事讲有单酒楼有啲好抵嘅双并饭加点心，好！就去睇下先😁的确有啲粥配点心，凤爪排骨配点心，等等~但我深深俾烧味吸引住😆系你喇烧味饭！$29 一盒双并烧味饭，仲有一包纸包饮品送，你仲想点？ 以为$29一盒一定好少？好难食？ 咁又错喇！系抵食好味又大件😆厚切叉烧，仲要系我爱嘅瘦叉😋 啲叉烧酱仲要好香😊 切鸡，系鸡脾位，又滑又嫩😋仲有两款纸包野饮拣❤最重要系我爱嘅姜蓉任落😍 要几多自己拣😍大大盒饭，结果盖唔住。个盒都烂埋😂最后，我既然食晒🙈🙈🙈
继续阅读