恩記茶餐廳

营业中

休息中

到錦上路搵個朋友拎啲野。慳隧道選擇片返轉大山。尖咀出發落到山三十分鐘都未夠。早到了又未食飯。見呢到係四周最近有野食既地方。就泊低架車搵間坐低。人生路不熟梗係睇下邊間多人入邊間。可能係又播馬又播澳門賽車。呢間野竟然近乎滿座。招牌大大隻字寫住馳名七彩飯。咁唔洗諗就整個黎試下啦。餐。腿。紅腸。炸全翼。梅菜扣肉。咖喱雞(薯仔五舊加一舊雞）。再加隻太陽蛋。一次過滿足你七個願望。扣肉汁同咖哩汁係白飯殺手。扣肉炆得夠身。瘦肉吸收了肥肉的油份同梅菜既香氣。咖喱薯仔亦十分入味。咖喱汁唔太熒火光。丁點辣令白飯消失不見。炸翼唔係剛炸起但都有餘溫。餐。腿。紅腸。亦有用心。唔係白水加熱就算。有煎香過既痕跡更香。全肉餸絕對滿足到食肉獸既肉望。當然呢啲高鈉餐真係唔好日日食。加杯凍奶茶埋單五十有找，仲想要求D乜？

今日比朋友帶到依間餐廳前，佢不停講依到既七彩飯好出名，好好食。一到步，點個招牌七彩飯，第一眼見到，雞翅，梅菜，火腿，餐肉，雞蛋，紅腸，咖哩薯仔，真係色彩繽紛，味道方面，即煎火腿餐肉夠香口，太陽蛋夠juice，反而炸雞翅炸粉太多，而且唔似即叫即炸，似炸定，咖哩只係普通茶餐廳給數，梅菜，紅腸，無特別。就路邊檔而言，舒適有一定限度，地點都唔方便去到，食物方面幾好味，份量大，好滿足，不過對有d年紀既人真係超級唔健康

今日到上村,去了一間環境有特色的店.應該有三十年歷史,環境相當古舊.沒有裝修.告示牌也古老的.老閭鍾意足球同酒.四周也有這些擺設.古舊中有一點新就是電子相架,衛生相當一般,地下垃圾多.又濕,服務也很冷淡.紅豆涼粉冰.相當大杯,比起熱飲杯大3倍.但奶一定有加水.味道相當淡.紅豆也煲至全林無咬口.只是涼粉最多.達消暑效果.牛肉三文治16元:其實應該叫鹹牛肉更配合三文治.牛肉雖則熱辣辣.但經嚴重化學.味道全失.飽只要唔過期就無問題.軟綿.不過呢個三文治十分細碼...其實飯類相當大碟..但我試完一次..我不滿意.應該無回頭

是日，我同太太因為一些事，來了一個新田、元朗、錦田、上村一日遊。搞了一個上午，我們也開始餓了。駒著車子，又想就下太太食素。身在上村附近的我們，看見了八鄉廟有素盆菜，不知有沒有其他素食。一入去原來只做素盆菜同團體包餐。失望之下我們出返黎大馬路，就停在上村的巴士總站，這兒..大把野食。 其實在上村呢一頭，我心目中早已有心水餐廳想試。環境好的試了，這一次，黎試一間出過下名的小小茶餐廳。不過，因為地方比較舊，衛生情況其實只是一般，太太是黑住臉陪我入黎的。我要食的，是這兒的七彩飯。甚麼時七彩飯，只是一個大雜亂，乜都有的飯而已。有紅腸，梅菜豬肉，咖喱雞，炸雞翼，午餐肉，火腿同太陽蛋一隻。他們說的七彩原來就是七併飯的意思。雖不是特色，但總可以叫一餐，特別。堂食者，連一名80幾90既婆婆，一入黎，看也不看，就叫下了這一個七彩飯。味道上，不算是有什麼的來頭，不過一邊梅菜肉、另一邊咖喱，兩種有汁既餸分別的撈入飯內，一邊香辣，一邊咸香，有 Fusion的感覺。其他的種種肉類...太太開口的說，這一碟野，最啱就係俾地盤佬食。而且我們也看見，附近的地盤工人，他們的樣子是津津樂道的，因為這一個七彩飯又平又大份。

七彩蝦條細細個成日食，咁七彩飯呢？四月上旬(對，五個月前)，在網上討論區看到一篇關於香港木棉花攝影好地點的文章，驅使我專程坐了兩個小時車走入石崗軍營賞花，順道也看看附近有甚麼好東西吃。出發前google一下，被“恩記馳名七彩飯”這keyword吸引了眼球。這間開在山卡拉的茶餐廳原來也頗受歡迎的，平日午飯時間也差不多爆場，幫襯的大多是附近老街坊及地盤工友，有我這個80後女生來光顧算是異數。甫坐下伙計派了包紙巾給我，人人有份，永不落空。跟其他食客一樣點了七彩飯，加十多元轉了特飲，這兒的特飲是繼七彩飯後另一樣主打，因為精神不大好，在七彩繽紛的Menu中，棄喜歡的什果冰，選提神的咖啡涼粉。先上桌的七彩飯也真的大碟得過份吧！煎蛋、炸雞翼、紅腸、火腿、午餐肉、梅菜扣肉和咖哩雞。聽落平平無奇的材料料，湊成了這道七彩飯。紅腸、火腿、午餐肉煎得香脆。咖哩雞是港式咖哩，雞件及薯仔炆得非常入味。梅菜扣肉內那擁有幾層肥膏的五花腩，肥美得令人吃著有罪惡感。最教人驚喜的是那炸雞全翼，即叫即生炸，皮脆肉嫩，勁juicy！熱騰騰白飯配上蛋汁配上咖哩汁再配上梅菜扣肉的醬油，份量再大也能清碟。看上圖也知咖啡涼粉特飲又是大

恩記最出名就係七彩飯...年半前黎過...今次去完大帽山...當然去返轉喇...奶茶普通貨色...奶味淡左少少...火腿蛋太陽蛋最正就係可以點麵包食...太陽蛋半熟岩岩好...d蛋王流出黎...不過塊火腿閃令令...油得過火....火腿奄例蛋味好香...不過都係個句...太油...炸菜肉絲米粉份量出乎意料咁多...食到2/3已經好飽...仲有唔少份量ge菜...感覺上健康好多...讚!!!丁肉麵丁肉份量比一般多...麵都煮得唔錯...軟硬岩岩好...雖然唔係好就腳...有車人士不仿去試下喇...