恆香老餅家 (已搬遷)

恆香老餅家有很多分店，但本地團總會來元朗總店，而且可以參觀生產工場。老婆餅 $47/6件老婆餅的整體比其他品牌的老婆餅為厚。雖然外皮較為厚，有點硬，不夠鬆脆，但中間冬瓜蓉份量很多，很足料，一口咬下去的口感比薄的好，而且煙韌彈牙。不過冬瓜蓉很甜，吃完一件會有一點點飽，一人一件已經足夠。蜂巢雞蛋卷 $40400g裝蛋卷，大約21條，先吃了老婆餅再吃蛋卷，吃下去感覺沒老婆餅那麼甜。職員說蛋卷已經是機做，不是手做的了，但仍很鬆化，蛋味亦很香。…查看更多

每次去親元朗，都必定去恆香老餅家買老婆餅。一來因為恆香在九龍區不容易找到，二來自己一直對它的老婆餅有個情意結。我認為恆香元朗總店的老婆餅是最好吃的，老婆餅外皮酥脆，內裏的冬瓜蓉分量豐富，清甜而不膩，整體的口感鬆化美味。簡單來說，就是「皮薄餡靚」！真的不枉我千里迢迢走入元朗啊！…查看更多

今次去了一天團參觀廠房，當然要買老婆餅食下啦～香港製造！真係好正！廠房環境衛生，個個都戴哂口罩（參觀都要），態度友善，仲要d老婆餅真係好好食！！皮薄冬瓜饀多，平時出面麵包鋪整既真係無得比！食完一件其實好想再食！但又怕肥唯有忍下口！但個斑蘭蛋卷就較遜色！唔太特別，不過蛋味好濃～其實係剛入口有少少斑蘭味only,因價錢較貴，就覺得唔太值lo,所以就唔太推介了，仲有南乳餅，較硬、唔係想像中雞仔餅，所以都麻麻…查看更多

每次入元朗，我都一定會去恆香買番盒老婆餅做手信，因為我同屋企人都好鐘意佢出品既老婆餅老婆餅有分大同細size,我就揀左大既！食落口，外皮有啲硬，同以前食開既有少少分別未咬，成塊餅皮已經跌左落黎餅入面既糖冬瓜餡依然足料，但就冇以前食咁煙un 啦希望恆香保持番個品質啦，唔好令我失望啦…查看更多

恆香老餅家確是老字號，門面翻新了幾次，現在的格局更加新式，又有餅，又有綠茶製品，又有傳統老婆餅、皮蛋酥等等。這個老婆餅，原來體積挺大個，圓形大大國，鐵餅一樣，內裏的糖冬瓜餡非常之多；最近有些節目還在說，現在不一定以糖冬瓜做餡，可能以鮮冬瓜作餡料，如果吃一半或者以下，就不會覺得太甜；但是如果吃整個老婆餅，一定覺得太甜。外皮很不算太好，就像千層的酥皮一樣。味道不算極之特別，偶爾一試也可以，旺角、尖沙咀、銅鑼灣都有分店，不需專程進來買做手信。…查看更多

對上食恆香老婆餅已4-5年前, 今天剛巧經過買了半打, 價格上漲至$8.5一隻 , 都唔緊要, 仲要細隻左, 都唔緊要, 最重要好味,  點知一打開, 見到有隻甩哂皮,  , 味道還可以 , 但我可能近年食淡口味, 覺得老婆餅太甜,  可能食半隻會好D…查看更多

細佬間中會買美食跟家人分享！ 當日，他走到元朗，經過 <恆香老餅家> ，順道買老婆餅給我們！ 當我放工一返到屋企，便見到有盒老婆餅在枱面，給我驚喜呢！ 他們食剩一件留俾我！老婆餅 $7.5貫徹紅色的紙盒包裝，媽咪問細佬幾錢一件？聽完價錢基乎嚇親阿媽！ 勝在香港新鮮製造！打開盒蓋，散發那股誘人的香氣！單看賣相，外型已經縮水嘞！:(金黃色酥皮外層質感卻不及以前的那麼鬆化，冬瓜蓉軟密甜美，口 味不變！正如媽咪話，老婆餅又貴又失準！還叫細佬下次不要浪費金錢買！實在不太值得這個價位！…查看更多

農曆新年期間有人買咗幾盒迷你杏仁餅俾我哋,包裝入面有一個透明膠盒,打開之後可以再扣緊,咁就可以保持新鮮.雖然如此,我都會習慣再用密實盒保存.每個迷你杏仁餅上面都印咗店名中嘅恆或香字,的的骰骰,就好似一個個五元硬幣咁,不過就比硬幣厚一啲啲.盒嘅背面就詳列咗有乜成份,分別係綠豆粉,砂糖,花生,食用豬油,杏仁,杏仁油等等.食落口感偏實,但總算香脆,杏仁味非常非常非常明顯,入面嘅花生同杏仁碎仲可以增強咬口.…查看更多

去到元朗唔食反個老婆餅和皮旦酥又豈能回來呢去到恆香總店當然要打卡啦！老婆餅$6～當然沒有老婆啦但冬瓜、蓮蓉鬆軟綿密又細緻，酥皮好薄，啖啖郁香皮薄餡靚皮旦酥$8～一口一個，這樣才能充斥整個口腔的味蕾和口感皮旦是糖心，同樣系招牌貨…查看更多

扭計一個月要食元朗旦卷，某人人如木頭零反應，教我哭笑不得。終於迫佢放假去買俾我食，大熱天時佢快去快回下，飛的士去買了回來。翌日就新鮮給了小妹，宵夜時份鯨吞整盒，旦卷分三層，同向來吃過較好吃的旦卷分別不大，也是蠻好吃嫁，旦黃色好吸引，而且幾鬆脆，食到停唔到口，但個人不覺得有什麼蜂蜜味。特別鳴謝：豬的愛…查看更多

講起老婆餅，如果系要買禮盒，唔一定要嚟元朗買，但系如果要即食，就一定嚟元朗呢見總店食。好少有機會入嚟元朗，無理由唔試下赫赫有名嘅老婆餅最中意恆香呢一種少少sticky又唔粘牙嘅感覺，仲有有甜味但一D都唔過分，三個字，啱啱好但唔系好好彩無食到新出爐嘅...下次有機會再嚟食！…查看更多

月餅是中秋必定會買食品，月餅年年由屋企人去買,屋企人今年透過工聯會買了幾張月餅卷,原來是恆香,恆香不用多作介紹，恆香是元朗老字號中式餅店，屋企人買了4盒,留了1盒給我,其他用來送禮，前天拎了1個出來吃，傳統月餅已經好耐冇吃過了，因為覺得傳統月餅會好甜,我對傳統月餅就麻麻,今次吃雙黃連容又是好甜,如果不是屋企人買恆香月餅，我未必買恆香,月餅品牌有這麼多揀選，未必揀恆香，我覺得恆香不是我杯茶，它的月餅真是好甜,它的甜味真的過甜,吃1/2已經甜味超標…查看更多

難得來到元朗，就一定要去恆香老餅家買老婆餅，皮蛋酥，紅豆酥，綠豆酥等懷舊小吃。其實這些小吃在元朗的幾間老餅家的價錢也是差不多，但個人覺得恆香的比較好吃 :)恆香老婆餅一個 ＄7， 皮蛋酥和紅豆酥等就是一個＄5.5這些懷舊小吃得風味就只有在元朗才可以吃到，在其他分店就總是覺得沒有那麼好吃。老婆餅在店鋪時還是暖暖的，即買即吃就是最佳。而且，恆香的老婆餅的酥皮也不會烤得太乾，餡料也不會太甜，簡直是皮薄餡靚。…查看更多

難得同老豆入元朗，佢話要買些老婆餅回家吃喎，我當然無所謂，結果買來了半打。外層鬆脆，冬瓜蓉香甜，不易黏牙，來三兩件作早餐，不錯。但，好似沒以芾的大隻呢?說起老婆餅，今天看到電視節目，澳門的出品，糯米作餡，幾吸引，下次過大海要買來吃。…查看更多

這間老字號的老婆餅一直都有幫襯開可以話習慣了這味道喜歡它的皮又香又脆內涵甜得來不太甜,適中的配搭.是一件美味的食品其他的產品也好吃,如蛋撻,唐餅等但我始終至愛食老婆餅呀…查看更多