恆達油渣麵

营业中

休息中

看了MM YouTube channel的介紹食評。趁有空和女朋友一起去試試。去到舖面好細等咗20分鐘先有位入去坐。坐低店員同我講推介食花甲同蒸蟹。滿心歡喜食完隻蟹鉗，發現粉絲面上有一隻曱甴。同店員反映後同我講話佢地冇計，話佢地D蟹擺咗一個禮拜加上未杜蟲。急急腳食完影張相報食環算。

這間座落在果欄附近的小店好多街坊熟客幫襯，新客第一次到幸運不用等位，店家爽手抹乾淨檯面就熱情招呼入座小妹在這類老店最鍾意留意客人點餐，早就門口探頭探腦時就八卦問等外賣的客人點了什麼，被告知湯品一流，其中要數禮拜四先有的豬肺湯最為聞名。今日是禮拜一，落場幫手的年輕人主動告知今日有魚翅邊煲雞湯。沒有名物豬肺湯也沒有所謂，我相信其他湯也不會差。除湯之外，還點了潤腸糯米飯和一份牛腩湯麵（麵底是油渣麵）不一會兒功夫後生仔就端上三碗，賣相看上去簡單但很有食慾。第一次食油渣麵，比較軟身，食落有油香味。要大讚蘿蔔牛腩，蘿蔔清甜沒有渣，牛腩本身肉質就不錯，調味比較克制不會太重口味，很好地中和了麵底的油膩。糯米飯用的潤腸沒有太多肥肉，油潤之餘仍有咬口。滲透豉油和臘味油的糯米飯十分香口惹味，還有花生和蔥花點綴，一點也不敷衍。魚翅邊煲雞湯卻食到大大塊豬骨，難怪湯這麼清甜，飲完就理解客人會為這一碗捨得放料的湯一再回訪幫襯。這間小店，招牌寫著油渣麵，其實內有乾坤。有粥有麵有飯有湯，食小菜又得，想食海鮮又有，好似回到家同阿媽講我今日想食什麼，阿媽就會從廚房變出來一樣，是家的味道。掌勺「阿媽」從廚房出來經過，問我牛腩

早兩日happy Friday 去咗食呢間油麻地家族經營嘅小店間鋪細細地，最多都係坐到20人左右排隊果陣見到老闆不斷同客人傾計已經知道係一間充滿人情味小店排咗大概十五分鐘左右中間無停過外賣老闆都會好熱情介紹有咩好食一入到去就叫咗兩碗湯果日例湯係雞骨草煲豬橫脷好足料大大碗好好飲！臘味煲仔飯，我鍾意啲乾身啲嘅，所以覺得呢個濕咗少少。跟住就叫咗豉椒炒蜆，好鮮甜好大隻。東風螺，好多但略嫌唔夠鮮味，下次就未必再叫了。蛋炒豆苗，呢個好好食，好食到相都唔記得影最後埋單兩個人五百幾蚊，食到好飽，下次會想星期四嚟試下佢豬肺湯

油麻地廣東道呢間恆達油渣麵絕對可以秉承國產007的風筒、千祈唔好俾佢個名呃到以為專食油渣麵、其實入邊包羅萬有、應有盡有、港式面壁一蘭坐法是日靚湯名為魚翅豬骨、價錢實惠、用料認真、屋企冇靚湯飲嘅朋友絕對可以嚟呢度充飢老闆娘炒花甲：即叫老闆娘即炒，120 - 碟、花甲質素好、炒到剛剛遍地開花，不會過韌，沒有死鹹、加上自家白胡椒磨成的胡椒粉、美味抵食也生菜鯪魚肉： 滑溜溜的、有些人鍾意食粉，有些人不喜歡再來一個細豬油渣麵，恕我直言、呢碗可能係一個風筒，不如叫其他鬚刨吧😂😂😂食物質素絕對對得起價錢、街坊生意、富有人情味、總比那些不三不四韓國麵館放幾件韓國人收天價蠶食我們香港人的金錢和quota記得太子曾經在訪問講過冇錢連頭髮都冇時間剪，現在車水馬龍係時候剪個Buzzcut

隱世家庭式大排檔，風味十足，沒有試油渣麵，卻吃到家的味道🫶🏻招牌醬汁炒蟹伊麵蟹的份量很大，帶來豐富的海鮮鮮味。醬汁濃郁惹味，伊麵完美掛汁，每一口都充滿了鮮美和香氣。蟹肉鮮嫩多汁，伊麵滑溜彈牙，整體口感豐富。豉椒炒蜆蜆肉厚實，帶有濃郁的豉椒香味，辣味和鮮味完美配搭蒜頭炒豆苗蒜頭帶來濃郁的蒜香，豆苗炒至剛好沒有草青味，加入雞蛋增添了特別的風味。海螺頭豬肉雞腳湯湯頭濃郁，帶有海螺的鮮味和豬肉的香味，融合雞腳的膠原蛋白，湯汁豐富且有營養。

呢一間真係真真正正嘅隱世小店，喺油麻地一個極小型嘅街邊檔街市入面，如果唔係有朋友極力推介嘅話，行過路過一定會錯過，呢度嘅豬油渣麵好出名，不過我自己就覺得佢嘅老火湯更加出色，仲要每日唔同款嗰下先至勁。40蚊一碗細size，睇下啲湯渣就知道真材實料，飲落去非常滋潤非常清甜，蜜棗紅棗龍眼肉杞子呢啲材料應該唔少得，慢火煲返幾個鐘令到碗湯好入味。入面嘅地方非常淺窄，得一張圓枱再加長邊嘅簡陋Bar枱位，不過性在食物質素高而且有人情味，偷聽入面夥記嘅對話估計應該係一家人一齊做。

呢間油麻地名物聽就聽咗好耐今次第一次幫襯，地方細得驚人，只有一張四人圓枱，再加長條枱類似吧檯位五至六個，不過佢入面啲餸就認真兼抽，除咗見到有大大隻嘅鹽焗蟹同花螺，當然仲有佢嘅招牌老火湯，聽講日日唔同款，足料到爆，今日呢一碗係花膠石崇魚豬骨湯，個湯又香又濃，材料足火候足，淨係睇啲湯渣就知啲料有幾堅，完全冇味精無添加，呢碗係細size，已35蚊一碗呢個價錢真係冇得輸。呢度另一個招牌菜係豬油渣麵，今日食咗嘢所以冇空間食多一碗麵，下次會嚟再試埋佢。

好多人都話呢一間油麻地非常唔顯眼嘅豬油渣麵好好食，今日終於有機會試到，感覺都係一般，可能期望太高啦，佢唔係唔好食嘅，不過以38蚊嚟講就畀想像中略為貴咗少少。食落去我覺得個上海粗麵畀豬油渣更加出色。另外我梗係有落到傳說中必食嘅辣菜脯啦，都真係幾辣，不過落咗之後碗面嘅味道有提升咗好多。

如果不是細佬極力推介，我根本唔會行既街道，因為晚上附近都比較多流鶯。聽講平時要排隊等位，因為入面非常簡陋，只有一張4人圓枱，而旁邊是面壁排櫈。如果坐出面就沒有枱，只能用椅子當枱吃飯，所以一團人最好不要多過4人。旺角自家小店地方細小簡陋，遊客及年青人生絕對不敢也不會去的地方但食評好評如潮，只因沒有落任何味精而且份量又大大碗。最好賣竟然係是日例湯。禽晚係雞骨草煲豬環脷，今晚係石頭魚花膠湯，我地連續都幫襯左2晚，另外蒸鱔，糯米飯，油渣麵，都係賣點。

一入去幾分鐘已經知道呢間係人情味小店，因為出出入入嘅客人都會同老闆娘吹水，好順口咁落單，人均最少都嗌碗湯，見佢都係30幾蚊住家老火湯，真係好平好良心🐽 招牌豬油渣麵(細) $3x第一次黎無胃口無食到，但見個個都會叫豬油渣，所以專程再黎多次。成碗麵都鋪滿豬油渣，好足料喎，同埋好淋，都幾爽口，有啲似食緊肉咁其實唔佢口感食落其實唔似食緊豬油肥膏，如果想食香脆口感嘅咁佢未必啱。配上海麵底，有啲似食緊扁烏冬但無咁濟咁飽，不自覺會食好多，老細話呢啲麵唔飽肚🥹，btw記得要配埋佢哋自製辣菜脯更加清新解油膩，辣得幾過癮🌶️（以前食過第二間豬油渣乾到硬，就算索左汁都會痴牙同埋好油，果次食到有陰影，但呢間完全顛覆咗我嘅壞印象🥰）🫁 豬肺湯 $3x佢話每日一個湯，逢星期四係豬肺湯，我諗佢嘅意思應該係唔係隨便嗌，就又要星期四去先至會有得食豬肺，因為我上次第一次去已經想飲豬肺㗎喇，今次去到直接嗌咗，原來係佢是日例湯黎，黐線真係超平囉$30一碗⋯好癲⋯完全係良心價，仲要勁乾淨勁淋好好食🥹，老闆娘話洗得好辛苦，要洗成個幾兩個鐘🐷 好多豬紅 $3x勁多粒豬紅，最鍾意豬紅出邊嗰層好似膜咁嘅東西，輕輕咬會咬唔開嘅口感，唔會

「恆達油渣麵」係由一家四口一同經營嘅油渣麵店，深受大眾街坊歡迎，有滿滿嘅人情味。 舖頭細細間，但係食品多選擇到嚇親大家！又有小炒、蒸品、湯品、糖水、粥品、粉麵等等……多到唔知點選擇😆此店沒有華麗嘅裝修，但有光芒嘅出品，佢個老火湯正是其中之一，係值得推介！此店老火湯每日不一，今日就係（魚翅豬骨湯）-魚翅味道非常出，飲出時間換來嘅精華。裡面應該還放咗魚落去熬製，入口鮮甜而帶骨香味，不過飲落去會有啲碎魚骨，大家小心。（豬大腸油渣麵）-記得加佢個菜脯，完全令到碗油渣麵提升了唔少精華。不過麵質冇想像中咁好食，但亦都唔難食嘅，油渣唔太乾身，大腸夠入味同淋，入口軟滑帶滷香味，配搭油渣麵是正確的😍下次一定要試埋佢個蒸魚同炒花甲！

快將凌晨才下班，同事一行幾個帶我去他們宵夜老地方，就是這家油渣麵！聽說所有小炒都是老闆娘落手煮，這個椰菜花炒雞肉超好食！推介的花甲更加是不能抗拒！醬汁直頭可以送好多碗白飯！最特別一定係一碗沒有味精的湯！ 太好飲的關係，離開之前更外賣一碗帶回家，因為每天的湯都是新鮮製作，差不多店家要休息，直接多送我一碗！ 實在太好了！

石崇魚花膠湯$30😳好飲。店舖雖小，五臟俱全。仲有鱷魚肉煲川貝$200。食物唔係叫好好味，不過不失吧😊會再去😋油渣麵普通啦！糯米飯好食👍🏻不過潤腸唔好食🤭有潔癖嘅人千其唔可以去😂

夜晚喺旺角飲完野又想食野，本身想去食果間已經 last order 左，行行下講起網上介紹過呢間 恆達油渣麵，於是就行過去睇下仲有冇得食， 好彩仲有， 好多年無食過 油渣麵 喇真係。一家小店坐位唔多，聽得出好多都係成日嚟嘅熟客，一坐低店員問飲唔飲湯，本身因為啱啱先飲完一輪酒都無意慾要飲湯，就同佢講聲唔好意思下次先試啦， 點知佢話：「飲啦，好正架，個個嚟都一定飲架～」，好！ 既然出呢招就試下，湯係「石崇魚煲花膠」又真係幾好飲，真係好似住家飯有碗湯飲嘅感覺。 佢個油渣麵，同之前食過果啲好唔同，佢唔係炸到好盡好乾好脆果種，係仲有咬口仲有味道，配合埋佢啲菜脯爽呀～ 佢亦可以兩拼其他食品，我地就揀左豬手，亦係好腍好入味，成碗野你話係咪美酒佳淆？老實講就真係唔係，但係作為街坊小店深宵食堂，的確係唔會輸。另外雖然佢招牌係油渣麵，但係見其他客人 好多都係食小菜客飯，似乎都係高手嚟，搵次要試下先。

幾年前～朋友帶過我地食恆達食海鮮黎之前 佢話預左有d迫既～我地唔介意 最重要好食🙊🙊🙊係門口望的確唔會留意加上佢個牌寫 食油渣麵～所以應該自己行過唔會入去因為朋友係熟客仔知有咩好食～叫左蜆～蝦～蟹～螺花膠湯( 最後仲送左幾碗比我地拎走❤️)蟹係老闆娘自家醬汁❤️好好食❤️