影片
3分钟未够炒左个公仔面出泥 都知濑野 叫伙计叮热 态度好好既 但叮完都系热 食唔落去 ... 旧纸唔关事 系太嬲 掉落去 😂去冰室吃野唔应该有期望 唔讲味道 起麻都要热吧 ~ 个肉丁冻过出面城门河...食物的品质令人失望，炒公仔面的口感煮得过烂应该系一早煮好晒 ，成碗睇起来就系浆糊，煮定唔系问题 但控制下火候🙏🏽🙈另一个肉酱意粉 咁大间餐厅用锡纸兜悭皮我可以谅解。 但味道系淡过白烚 系连盐都想悭？ 每一啖都怀疑人生 冰室做到咁 直头去到肚饿都食唔晒既程度 堪称一绝。 5点未够 连跟餐既菠萝包都无货 ...咁样点做街坊生意 ...
继续阅读
叫左个麻辣口水鸡饭 冻央 收我 74蚊个餐牌同现实 有出入都算 唔好禁过份啊大佬 。问佢有冇黎错 佢话图片同现实不嬲都唔对 。食左两啖 真系搞唔掂 仲要难食 。 叫经理换 。都肯换…..
继续阅读
产检完咗之后就喺附近揾啲嘢食以下个肚近日发现恒香除咗饼店之外多了冰室， 当然要去试下。（5⭐️最高）葱油蒜香鸡扒爆蛋捞饭（5⭐️）鸡扒香嫩又滑，一切开鸡汁慢慢由扒中流出。香脆可口之余， 再配合埋鸡蛋捞饭🥰加上秘制酱油十分滋味。 恒香金沙炒饭（5⭐️）主要材料有腊肉、叉烧及鲜虾。每一粒饭都均匀地沾满了蛋香。最后上碟的时候，再加入咸蛋黄在面。所以 雪花奶黄流心西多（5⭐️）传统西多士中间的馅料是花生酱，但今次是选用了流心奶黄酱🤩。面上铺了一层糖霜🤤、加入传统的糖浆切开时， 奶黄浆慢慢由面包中渗出入口😬，虽然如此但食落，都不会唔输蚀传统做法❤️
继续阅读
久唔久都会去开❗️石门❗️, 一直都好想试下恒香冰室. 系呀, 今次恒香唔系单单卖老婆饼, 仲做埋香港人至爱嘅冰室, 好有香港本地特色❣️透明玻璃门面, 环境企理干净, 有好多卡位, 坐得舒服. 爸爸叫左个沙嗲牛肉公仔面配牛油多士, 真系要赞一赞个沙嗲牛肉底, 沙嗲味好好好浓郁, 啱晒爸爸呢个沙嗲牛肉超粉🫶🏻 妈妈就要左恒香招牌炒饭, 好足料, 有叉烧粒 / 虾仁 / 咸蛋黄碎同埋”恒香腊肠”, 唔怪之得咁惹味可口👍🏻另外仲试左集合左妈妈两个至爱 - 奶黄流心 + 西多士 = 雪花黄金奶黄流心西多士, 呢个西多系即叫即炸, 个馅都流心, 仲加埋幼粒咸蛋黄碎, 食完超级满足🥰走之前仲买埋老婆饼返屋企比公公婆婆😍😍😍💡特别提一提, 呢度店员好有礼貌, 笑容满面. 我地仲发现其中1位有金钥匙协会的会员徽章, 呢个系好高嘅认证, 全球80个地区有约4,000个会员, 香港就有大约100名会员👍🏻👍🏻
继续阅读
招牌浓汤沙嗲牛肉公仔面常餐配菠萝油，沙嗲浓浓香香，好浓郁嘅汤底，牛肉鲜嫩口感软腍！公仔面都煮得好爽口蛋，真系几好味！配埋炒蛋火腿同埋大大个菠萝油，都几饱肚恒香金沙炒饭大大碗好足料，包括有虾、腊肠粒、叉烧粒、葱粒等等，仲会有大量蛋同埋咸蛋黄一齐炒，炒饭粒粒分明，好香口惹味，又唔会太咸雪花奶黄流心西多外脆内软，外层口感酥脆，但切开之后就有有暖暖嘅流心奶黄流出黎！充满蛋香味同埋奶黄味，味道真系好夹，好有惊喜！3.6牛乳红豆冰，好香浓嘅牛奶配埋绵绵嘅红豆奶茶红豆冰，香滑嘅奶茶配埋红豆餐厅舒适宽敞，上菜速度好快！餐厅店员服务态度好友善，抵赞
继续阅读
您可能会有兴趣的...