影片
个个星期都会有一晚同娘亲吃饭，喺石荫𠮶头食嚟食去都系𠮶几间茶餐厅，近排冲出石荫过咗去石离𠮶边 🤭🤭🤭早前试过间泰菜，又试过咖哩，呢间早排食过一次，娘亲对佢个蒸鱼头赞口不绝，所以一个内第二次帮衬。清蒸鱼头好新鲜，落咗小小辣椒好惹味，太子女话鱼头每日新鲜买，卖唔晒夜晚自己都会同样做法整嚟食。绍菜粉丝煲有惊喜，好香口，加咗虾干好入味。豉油王炒面上次咸咗啲，今次无咁咸啱啱好 👍👍份量够晒 3 个人，清晒所有碟 😂😂😂 咁啱星期三有大电视播跑马，无订位去到竟然要另外加台，讲真无谂过呢个地方会爆 😅😅
继续阅读