思思茶丼

最近朋友仔話喺大角咀食得返佢細個食過肉燥飯嘅味道，仲要帶我哋去搵佢嘅童年回憶。去到先知，原來果度夜晚係Bar Pacific，日頭就變咗思思茶丼，真係一間隱世餐廳嚟，如果唔係朋友帶路，真係唔知酒吧都有咁嘅玩法！⭐香草蕃茄牛肉肉燥丼個飯一上枱，賣相幾靚，仲有粒開邊嘅溏心蛋😍因為我哋會嗌小食share，所以嗌咗個普通嘅肉燥飯就算。點知呢個肉燥飯真係癲覆咗我對肉燥嘅認知，估唔到肉燥食落會有香濃嘅蕃茄味，仲要係用牛肉做嘅肉燥，食落完全唔會覺得肥膩😍重點係啲飯好多，但係肉燥嘅份量又啱啱好，撈勻成個飯，食落啖啖飯都有肉燥😋真係大兜到連男仔食都夠飽，性價比爆燈呀😍⭐️味醬滷百葉豆腐肉燥丼呢個飯入面有好多豆腐，食落仲好入味添😋同朋友不約而同都嗌咗蕃茄肉燥飯😂帶路嘅朋友先嚟話椒麻香辣肉燥係必試，話辣得嚟又惹味，撈埋個飯一齊食好正，又唔早啲講，搞到我哋錯過咗🥹⭐粉桃氣泡咖啡我哋嗌咗兩杯粉桃氣泡咖啡，因為俾佢個名吸引咗😂嚟到嘅時候，唔講都唔知係咖啡，似特飲多啲🤭飲落又有驚喜，飲唔到齋啡嘅我哋，平時又要加糖，又要加奶，而家淨係加咗桃味嘅糖水、咖啡同梳打水，飲落冇咁飽肚之餘，咖啡味仲好突出、呢隻咖啡豆仲好香添😍唔係平時出面飲嘅味道，睇得出老闆對咖啡係有要求嘅，咖啡嘅味道仲同桃味好夾，飲落味道啱啱好，好平衡，好舒服😋⭐️煙鴨胸水耕菜藜麥沙律要減肥嘅朋友見到有沙律食，仲係本地水耕菜，咁新鮮，即刻雙眼發光😍入面除咗沙律菜，仲有好多煙鴨胸、紫洋蔥、藜麥、粟米、車厘茄，大大兜，材料豐富、又新鮮。朋友揀咗柚子油醋汁，點知嚟多左個和風胡麻醬🤫兩個汁都咁好食😋⭐是日健怡餐湯朋友嗌咗個沙律，可以加埋個餐湯，今日係菠菜鷹嘴豆湯。我自己本身就好抗拒菠菜嘅味道，不過見個湯賣相都幾有誠意，個湯仲好濃稠，忍唔住試咗一啖，估唔到菠菜味嘅湯，可以比就咁食嘅菠菜出色咁多😍唔食菠菜嘅我都接受到😂人多嘅好處係可以食多啲嘢，我哋就嗌咗啲小食share⭐️蒲燒鰻魚糯米壽司諗住挑戰下珍珠米變糯米之後嘅鰻魚壽司😂一夾起諗住食之際發現，原來內有乾坤，原來唔係糯米飯咁簡單，入面有蛋黃嫁😍食落似係糯米雞，上面加咗塊好厚身嘅鰻魚，食落完全係大滿足😋，好正呀👍！⭐️香煎牛蒡扒見牛蒡都有得煎咁特別，梗係要試下啦。點知嚟到，係兩塊望落似魚餅嘅東東，食落嘅口感都似嘅，不過就好香牛蒡味。呢間餐廳就連食齋嘅人士都照顧到呀👍⭐椒鹽香酥一口雞食落只有香脆嘅口感，完全冇油膩嘅感覺，食落又唔會有肥肉，正😋本身食落都夠味，不過跟埋我最愛嘅甜酸醬，忍唔住跟醬食，一樣咁好食😍⭐玫瑰慕絲食到飽飽，最後嚟咗個甜品，原來而家新張期內都會送😍真係嚟得啱時間✌️雖然話係送，不過個樣一啲都唔馬虎，又靚，又好食，令我對玫瑰味嘅產品改觀😂…查看更多

今次我放假約左朋友係晏架街遊樂場踢波，順便帶埋BB出黎陪我踢，踢波前係球場附近食個飯先，就去左呢間食丼飯為主既餐廳🍚呢度11:00-16:00就係做午餐，逢星期六休息，夜晚就係Bar Pacific黎既，所以有埋飛標玩，環境就係間bar咁，有歌播住，又有幾部電視睇下波咁⚽️呢度主打就係肉燥飯，我地帶埋工人姐姐黎湊BB，但係佢唔食豬肉點算呢？餐廳係有埋牛肉肉燥，同埋素肉燥，照顧曬唔同需要既客人👏🏻厚切蒲燒巨鰻肉燥丼（$108）呢個飯係餐廳既招牌，餐牌都用勁大隻字標示，佢件鰻魚真係超大件，佔左半個碗咁滯，3件已經差唔多平時原條既份量，啖啖肉好正，而我就揀左秘製椒麻香辣肉燥，佢係比較乾身，有川菜風味既辣肉燥，雖然佢係乾既肉燥，但係餸飯係一流，絕對唔會因為冇醬令到餸飯唔好食😋椒鹽香酥一口雞肉燥丼（$68）呢個鹽酥雞粒飯我地都係揀秘製椒麻香辣肉燥，鹽酥雞既份量都好多，雞粒係即炸出黎，夠曬熱辣辣，呢個飯雖然係配乾食既鹽酥雞，但個香辣肉燥撈飯食真係好正，完全唔洗擔心撈唔到飯食呢樣野😆蜜燒芝麻雞翼肉燥丼（$68）呢個飯我地就揀左牛肉肉燥比工人姐姐食，個蜜糖雞翼煮得幾好，少少甜甜地，而佢個牛肉肉燥係似肉醬意粉咁樣，對比香辣肉燥佢係另一個感覺，多汁地撈飯🐮和風燒餃子（小份）（跟餐+$15）個煎餃子我個人覺得係普通既，個皮係有d硬身咁，個餡就唔錯，幾有肉汁，個皮如果進步下就真係掂曬🥟花雕鳳蹄筋（小份）（跟餐+$25）呢個鳳蹄筋對我黎講好驚喜，佢係雞腳既軟骨位，個口感有d似豬手既裡面既膠原位，個花雕汁整得出色，個鳳蹄筋好入味🐥跟餐飲品個餐係包飲品既，果茶，咖啡，罐裝都有得揀，飲品質素比正常再好小小🧃🍹甜品最後仲有個咖啡Mousse甜品送，有主食有野飲有甜品，都好抵食☺️食完埋單時老闆娘話佢地黎緊唔止做丼飯，仲有早餐同麵食推出，叫我下次黎試下，咁我就下次叫埋波友黎食先😛呢間餐廳佢個飯係超大份，男仔先食得曬，我如果早知就應該會叫少飯，價錢咁大份又甜品又野飲黎計算係抵食，而食物都好有水準，特別咁大件鰻魚應該冇咩地方有得食，而呢度既肉燥飯比起平時一般台式肉燥飯有特色得黎又好味😄…查看更多

香港製造「媽子廚房」無添加防腐劑，無添加味精，原來喺大角咀開咗間餐廳思思茶丼CC’s Cafe餐廳舖頭相當大，有不少梳化卡位，一大班人嚟食飯都絕對冇問題！除咗食飯之外仲可以免費掟飛鏢🎯食飯時輕鬆吓，玩吓都唔錯！款式選擇都相當多，亦有素菜可選，啱晒素食人士🥗✨慢煮紅燒牛肉靚湯掛麵$68紅燒牛肉經過長時間的慢煮，肉質軟嫩，吸收了濃郁鮮打蕃茄洋蔥湯，每日鮮製限量架😋可以加$15配水耕菜藜麥沙律，新鮮沙律菜，配上加鮮甜蕃茄仔、粟米和蘿蔔絲，相當健康✨紅燒牛肋條肉燥丼$78肉質柔嫩多汁，配濃郁蕃茄牛肉肉燥，附有溏心蛋、黑木耳腐皮絲、菜和青瓜，份量非常豐盛，撈飯一流✨和風燒餃子$28餃子皮薄餡多，內餡的味道十分鮮美…查看更多

搬左黎大角嘴番工，發現呢度有好多隱世小店😚今日就同兩個同事黎試吓呢間夜晚酒吧，日頭轉型0既餐廳酒吧場地樓底好高，四周落地玻璃窗空間感闊落，食Lunch即刻心情放鬆晒，好chill💕招牌鰻魚丼飯鰻魚用上老闆娘朋友位於河源自設0既養殖場，無添加劑飼養，鰻魚肉質結實，而且沒有泥味每款丼會配上溏心蛋、涼菜，連麥茶或即磨咖啡，最平$55起，價錢實惠親民。三色涼菜會時常轉款，時而醋漬腐皮木耳青瓜絲，時而椰菜青瓜車厘茄。三色配搭加上白醋的微酸，令大人小孩都開胃唔想食飯都可以揀蔬菜及三色藜麥，健康之選有本地農場種植水耕菜沙律，配上慢煮無激素日本雞胸或者慢煮紅燒牛肋條取其啖啖肉沒有骨，方便進食…查看更多

✨兒時味道的肉燥飯✨.呢間位於大角咀，夜晚係酒吧，日間係賣台式便當，由有40多年經驗的媽子廚房經營，招牌肉燥飯用心製作，lunch set價錢相宜，一定要試下😋.點左滿滿一桌！必試午市丼肉燥飯，係以前綠野仙蹤的味道滿滿的回憶🥰揀左慢煮紅燒牛助條，好有咬口👍🏻配上黎麥飯，每日有特色配菜，健康又好味😋再配搭即磨咖啡☕️香濃細滑又醒神😎加$15仲有水耕菜藜麥沙律🥗.另一涼拌小食藥膳醉香鴨舌必點！滿滿酒香，非常爽口好岩夏天食👍🏻 人氣推介小食也好出色，大愛味醬滷百葉豆腐，好有驚喜素食，口感好似魚蛋好彈牙，秘製燒汁豬軟骨淋身入味.最後點左甜品朱古力麻糬波，口感煙韌，配上自家制俄羅斯果醬，係用上100%士多啤梨煮出來，好好味🥰..…查看更多

話說真漢子响 OpenRice 見到大角咀有間叫「思思茶丼」嘅餐廳，客人嘅圖片有素食之餘仲十分精緻，於是有一晚收工就去睇下（當時資料寫營業到晚上八點）。😙餐廳位於大角咀比較偏僻嘅地段，睇住地圖終於搵到，抬頭一望，心諗：「亞視，呀唔係，Bar Pacific 嚟嘅？」。問咗店員都表示冇飯食，唯有走啦。😥七月份佢哋改返啲資料，星期一至五同星期日都係開上午 11 點至下午 4 點，星期六全日休息。所以今日再嚟睇下。果然見到「思思茶丼」喇，巧開針。🥰招牌當然係丼飯啦，$55 至 $108 都有，豐儉由人，包溏心蛋，涼菜及即磨炭燒咖啡/麥茶。素食丼飯表面上只有椰香咖哩素肉絲丼 $55 ，但睇真啲，某啲丼飯都可以轉成素版嘅。🧐例如牛蒡扒肉燥丼，味醬滷百頁豆腐肉燥丼，肉燥都可以轉為咖哩素肉絲。同埋就算你叫其他肉燥丼，肉燥都可以轉為素肉絲（或者走肉燥減 $10）。所以就算你唔係食素，純粹唔食豬肉（例如印尼姐姐），或者好鍾意食咖哩，都可以咁樣轉法。↪️雖然丼飯係日本嘢，但呢個咖哩唔係日式（對我嚟講係好事 😂），味道偏向馬來咖哩口味，好香辣，但又唔會太辣。不過我問咗店員，咖哩係有奶嘅，肉絲係台灣產品，純素無五辛。☺️肉絲唔係扮肉果種，有啲似腐皮扭成條狀，食落好彈牙。配料仲有洋蔥絲，紫菜絲，木耳絲，冬菇絲，腐皮絲。就連溏心蛋都好好食，所有嘢都係水準以上。👍🏻個丼飯唔要飲品或湯，可免費轉成一份細嘅本地水耕菜藜麥沙律（單點 $38），醬汁可選柚子油醋汁或和風胡麻醬。蔬菜都十分新鮮，而且雖然話細份，其實份量都相當多，大胃嘅素友可以挑戰吓。😉小食試咗「香煎上素牛蒡扒」 $53，都幾大塊，牛蒡扒本身都有味道，而上面仲加咗啲燒汁同白芝麻，食落幾香口，如果鍾意飲兩杯嘅，口淡淡用嚟送酒都唔錯。🍻 （問咗牛蒡扒都係台灣產品，亦係純素無五辛）。由於要咗沙律冇飲品，真漢子就單點一杯美式咖啡。佢哋採用 100% Arabica 嘅咖啡豆，大大杯凍美式咖啡都只係 $28, 好高質素又抵飲，而且坐得舒服（當然啦，係酒吧嚟㗎嘛 😆），好過同人逼 Starbucks。而且單點任何飲品都可以特價加一款小食，變相自製茶餐。☕幾欣賞「思思茶丼」呢個 idea - 酒吧反正日光日白唔開門，用嚟做一間風格完全唔同嘅餐廳，成個能量都唔同哂，又唔會浪費咗啲地方同租金。當然最開心係素食選擇多之餘，嘢食又非常好食，同埋性價比超高。衷心希望佢哋可以愈做愈好呀。🥳👏🏻後記：食食吓有個著住「思思茶丼」圍裙嘅女士經過，我同佢打招呼，佢問我係咪食素，同覺得啲嘢好唔好食。我話好食呀，你係老闆？佢話佢係雜工 🤣。我 Google 吓思思茶丼，發現原來佢就係「媽子廚房」嘅主理人喎，仲上過電視添，失敬失敬，媽子你好呀，下次再嚟試你嘅手勢。😊🙏🏻…查看更多

✔️環境同座位都好舒適就算坐滿人都唔會覺得好迫😌🔻食評時間🔻🧆招牌日式香菇肉燥丼午市套餐會包埋溏心蛋➕涼菜肉燥係豬肉做既，菇味香，入口濃而不膩，撈飯一齊食更特顯風味😋飯粒係白飯➕紅米飯，健康又飽肚🙋🏻‍♀️🍗碳燒雞腿肉串燒一上枱就聞到♨️好香既碳燒味~雞皮燒到脆卜卜~雞腿肉食落好滑好Juicy😋🧁咖啡慕絲係跟餐送架~超好味😆好SWEET SWEET~🍹小葉蜜香果蜜紅茶•蜜桃香甜既蜜桃➕果蜜紅茶超夾😋好解渴👍👍…查看更多

發現咗呢間新開主賣丼飯盒嘅小店，竟然有素食可供選擇，襯今日green monday來試下叫咗份滷汁百頁豆腐配咖哩素肉絲的丼飯同埋話梅蕃茄仔，唔好睇百頁豆腐白晒晒，其實係清淡得嚟滷得好香，咖哩素肉絲小微帶辣好送飯，啲飯又好特色見有撈咗藜麥煮的，最正係個話梅蕃茄仔，酸甜開胃又夠冰涼，因為天氣今日好熱，所以真係好啱胃口呢度店面很寬敞舒適，等下次約埋朋友傾計慢慢嘆，問過店員呢度本身係酒吧嚟，現在同佢合作咗日間用來做餐廳，午市會營業至下午4點…查看更多