快樂蜂 (新基商業中心)

营业中

休息中

成日經話銅鑼灣都pass by 姐姐最愛的Jolibee ，一路都好奇菲律賓版M記的吸引之處今朝想食早餐之際，發現原來Jolibee 都系自家製的Jo Griddle 😂😂 一於試下喇連飲品一個餐都只系$25真系幾抵食，今次試左火腿芝士蛋pancake 標榜即叫即製真系要等耐D，拎上手細細個但真系熱辣辣本身影左內餡可惜濛左，大致上同menu 上的樣子都差唔多Pancake 系鬆軟鬆軟，熱香餅個種再鬆軟點，有牛油香唔甜的火腿芝士蛋呢個配搭一定無得輸，夾埋個pancake 幾好食唯獨是杯奶茶無咩茶味麻麻地

今日我去咗Jollibee快樂蜂銅鑼灣分店食午餐，最近佢哋推出咗聖誕餐，吸引咗我嘅注意，所以我決定試下。最後我叫咗Jollibee聖誕二人套餐，仲有一份肉醬意粉，真係好期待！一入到分店，好多人排隊lunch time 好熱鬧店員服務態度都好熱情，點餐時都幫我解答問題，感覺好好。套餐入面包括兩份招牌炸雞、薯條同埋飲品，肉醬意粉。首先，Jollibee嘅炸雞一向係佢哋嘅招牌，今次食落去，外皮炸得金黃香脆，咬落去肉質鮮嫩多汁，完全唔會乾。搭配佢哋獨特嘅醬汁，味道更加出色，真係好正！薯條方面，熱辣辣、鹽味適中，簡單但好味，正好可以解膩。搭配炸雞食真係一流既肉醬意粉！就係我今次意想不到的驚喜，意粉煮得剛好，肉醬味道濃郁，帶有一點番茄的酸甜，加上肉碎，整體口感非常好，真係好過癮。這碗意粉絕對唔會令你失望。飲品方面，我選擇咗可樂，清爽又解膩，完美平衡咗整體餐點。最後，雖然套餐入面冇甜品，但其實已經食得好飽，完全滿足。整體來講，Jollibee抵食唔錯！食物質素唔錯，服務態度好，環境輕鬆，非常適合同朋友或者家人一齊聚餐～

.之前👦🏻豆豆👦🏻哥哥一直都好鍾意食Jollibee🐝而家佢哋推出咗一個聖誕set所以今日帶佢去食😋聖誕🎅🏻Set為二人餐 🎄樂脆雞 (4 件) - 原味/辣味 X4雞肉外脆內軟‼️雞肉超級嫩滑🎄芝士肉醬意粉好重芝士肉醬味濃郁🎄香芒蜜桃批 好重蜜桃味口感鬆脆🎄酥脆雞塊（細） 雞肉嫩滑🎄薯條（大）新鮮出爐，非常脆口📍快樂蜂 (新基商業中心) (銅鑼灣)銅鑼灣怡和街56-58號新基商業中心地舖

係呀，對上嗰餐因為食得唔夠飽，所以落咗街搵第二轉嘢食，諗住食炸雞冇諗過原來銅鑼灣都有一間jollibee!因為我個朋友仔對呢一間炸雞讚不絕口，我都忍唔住要試一試，嗌咗個辣味炸雞，食落去真係唔會失望，媲美另外一間炸雞店，大家嘅Level可以講係平起平坐，而佢多咗一個醬汁就係有個蘑菇汁可以點計，我覺得個味道好夾，不過個炸雞真係食完之後覺得好辣😆 四十幾50幾蚊個餐啦，都係快餐店咁嘅價錢，不過兩件雞嚟講都飽飽地嘅～因為佢跟餐仲有一個薯蓉

Jollibee 從菲律賓進駐香港多年都係眾多炸雞店最好食嘅一間超值套餐C2 兩件樂脆雞配蘑菇飯套餐可以選配細薯條．薯蓉．粟米．白飯✨樂脆雞啖啖肉嘅雞上髀．同雞鎚肉質特別嫩滑咬開裡面雞肉非常嫩滑外層炸粉唔會太厚粉．啖啖香脆任何時間都坐滿食客✨蘑菇飯套餐配上細size 蘑菇飯一片片新鮮蘑菇．配上蘑菇汁融入每粒米飯之中✨薯條炸嘅薯條係最美味最香脆不能錯過出爐後7分鐘內嘅進餐黃金時間配埋冰凍汽水，抵食滿足又好味

原味樂脆雞樂脆雞外皮炸得恰到好處，金黃酥脆🥳🍗每一啖都感受到香脆質感，內部更雞肉既肉質都非常鮮嫩🌟肉質完全唔乾身同多汁，雞肉非常新鮮同高質💫蘑菇飯蘑菇飯口感非常獨特同豐富😋 米飯煮到恰到好處，粒粒分明而唔黏糊🍚加上蘑菇既嫩滑形成完美對比✨仲有蘑菇香味四嗌令整體味道更得以昇華🥳🥳🥳🥴❤️ 如果鐘意香口D, 可以㨂配薯條喲😋 無糖可樂無糖可樂氣泡非常之豐富🤩飲用更加能感受到強烈既清爽感🥤😋而冇糖後味相對清淡，冇甜既膩感😎令人唔會感到負擔

Jollibee 炸雞覺得咁多間連鎖店裡面最好食！有日經過銅鑼灣就想食新鮮熱辣辣出爐真係好正又香又脆勁香口 跟住我叫薯蓉同薯條食加埋杯無糖可樂！ 正呀經典理想組合不過我個人中意就咁食炸雞唔點醬 因為都夠味好食薯蓉就Kfc 好食d 佢似用粉溝出來差太遠

辣樂脆雞，雞皮炸得微燶微啡脆脆香口，狠狠地連皮帶肉咬開﹗白肉雖然嫩滑多汁濕潤閦令令，不過脆卜卜雞皮實在太咸，吃不消﹗辣味存在感薄弱幾乎感覺不到，只食到咸味。第一次幫襯第一次食，傳聞快樂蜂炸雞唔係好好食架咩？比家鄉雞更好食？但發現強差人意、非常失望。薯蓉，粉口膠黏微暖，黑椒汁嗎？完全食唔出。可口可樂，汽水機的味道始終差少少。舖頭中門大開走晒冷氣，高溫炸雞越食越熱，出晒汗背脊濕晒，大大啖狂啜可樂都不太降到溫。

想食下炸雞，但好似成日都去麥記肯德基，見快樂蜂成日都咁多人，澳洲又無，所以試下呢間。佢同kfc一樣都有蘑菇飯，不過想試下新野，就叫左個意粉套餐。飲品比我𥄫到收銀員後面有菠蘿汁，所以又叫來試試。Btw大部分員工都係南亞裔，所以要講英文，見到個香港人經理行開左之後，有幾個香港人都唔敢叫餐其實多練習咪得！講翻正題，食物嗰方面，又無想像中咁好味，d人又話正過kfc快餐店整既意粉肯定唔會al dente，有點兒淋，個汁以為係茄汁點知似甜酸汁，腸仔又多澱粉，唔多好食。雞上肶炸到有d乾同鞋口，好彩雞下肶滑d好味d又入味d。成個餐唔算好平，個菠蘿汁味道仲同罐頭菠蘿一樣不過快餐店就求其一餐啦。

想快快搞掂一餐就同仔仔入去試下叫左個炸雞餐，薯條係幼薯條，都幾香脆個炸雞都好脆卜卜起碼好食過kfc不過都幾貴，得一件炸雞同細薯條已已經差不多$40但我幾喜歡佢既脆度

Ordered 2 sets of meals and they provided one pack of ketchup and one piece of napkin. I went and asked for more and they seemed not willing to give them. I was already thinking how can they be so cheap. My child couldn’t finish the whole meal and I went and asked for a small paper bag or a paper box, guess what? They charged me a dollar for a paper bad of the size of my hand. I should had ordered for takeout and eat there so I can bring home the leftovers. You can literally get a paper bag

🤍Jollibee嘅下午茶套餐$27真係物超所值，裡面有炸雞脾🍗、熱奶茶☕同埋忌廉湯通粉🍜。炸雞脾🍗外皮香脆唔油膩，肉質鮮嫩多汁，好好食。熱奶茶☕口感濃郁，淡淡奶香味同茶香交織，好舒服飲。最後係忌廉湯通粉🍜，湯頭濃郁滑溜，通粉Q彈有嚼勁，每一口都感受到濃郁嘅忌廉味，好好食。整個下午茶套餐嘅搭配好啱，令人食得好滿足😋。Jollibee嘅下午茶套餐$27真係物超所值，好鍾意❤️🤍♥️🤍！

回憶總有一種魅力，總覺得以前嘅感覺、感覺，抑或味道，都係最好最正。兒時好恨放假時食餐麥當勞，又因為唔難買到，無乜感覺。Jollibee就唔同喇，要老遠去到沙田、中環先有機會食。又因為新奇新鮮感，回憶中記起覺得好好食。時至今日，祖樂比變身快樂峰，分店開多咗，幫襯又變得容易咗。久唔久想食炸雞，都會口痕揀佢，不過質素真係無保證。試過即叫即炸，上枱等5分鐘仲未食得，但嗰種juicy，你覺得去吊打任何快餐炸雞。但今次外賣速遞呢，就真係喊出嚟。外賣叫咗3人餐，有一桶六件炸雞🍗，一個蘑菇飯，一個意粉，一個粟米，另外仲有嘢飲。價錢嚟講啦，有同類型更加抵食，唔少人都會轉軚。🍄蘑菇飯汁唔多，個飯好爛，仲要好少料。味道一般啦🍝蕃茄肉醬意粉意粉都係好淋，醬汁搭救，不過都係一般。🍗炸雞不過不失，要點啲醬先搭夠味。仲細個嘅印象差好遠。🌽粟米有啲牛油香，最穩陣亦都係最好味。但係都公平講句，外賣仲要係外送，點都會同堂食差少少。下次再想食，都係堂食好喇。

🐝Jollibee祖樂比，是筆者的童年回憶。原來很多人不知道，快樂蜂在香港幾乎銷聲匿跡了一段時日，而在它再次「重光」前，它名叫祖樂比。與舊時的麥XX會在門前擺放大大個麥XX叔叔一樣，以前祖樂比門前也有大大隻快樂蜂公仔作招徠。此外，回憶中，祖樂比當時主要賣的是包餐🍔，不像現在以炸雞為主。它的包，很好食。「重光」後的Jollibee，很多人叫它做快樂蜂。快樂蜂早期的炸雞香口嫩滑多汁，令KXX被比下去。可惜，創業容易守業難。早前order了套餐，🍗炸雞質素就快可媲美KXX，在劣那方面。唯幸隨餐奉上蘑菇汁沾著炸雞吃，令味道有稍為提升。此套餐還有粟米粒、肉醬意粉和蘑菇飯。🌽粟米粒，只半滿。🍝肉醬意粉最是正常，味也夠香濃，賣相也ok。🍄蘑菇飯，樣子看起來好似被偷吃過一樣，很不開胃。兒時回憶總是美好，就像上原亞依，即使是同一個人，但味道已經迥然不同。（不過，問心那句，吃這種快餐，別要求多多。）

對我嚟講Jollibee係一份情懷同童年回憶，廿幾年前仲叫祖樂比嗰陣已經開始食，當年屋企人多數帶我去沙田新城市廣場嗰間食，直至中間十幾年撤離咗香港，得返中環分店，我都好耐無食，係有次去越南旅行食過，直至前幾年重返香港，我就周圍試，大大話話全香港Jollibee我都去過over 10間，我可以講銅鑼灣呢間分店係繼荃灣分店嚟講最差的一間。入到去環境好細好逼，座位又少又窄，喺旺區開都咁細間真係好難搞。食物方面就唔係咁得，啲雞嘅味道就keep到高水準，但真係細隻咗好多，另外個意粉好多人未必鍾意呢隻味，但我幾喜歡呢隻甜甜哋嘅味道，本身有埋啲芝士味道就好濃郁，但竟然唔落俾我，真係接受唔到，個意粉好似無咗靈魂咁，做嘢咁求其，同之前食荃灣嗰間一樣，下次去返北角嗰間算。