快樂漁港酒家

大伯生日，　一行九個大人，五個小朋友出發去鯉魚門食海鮮慶祝！一共叫咗六個海鮮同以下架食物：1. 鼓椒聖子(10隻) (辣辣地,好彈牙,好美味)2. 墨魚刺身(2隻)／白灼 (跟埋一個芫茜豆腐火鍋俾你灼啲墨魚)3. 椒鹽賴尿蝦(5隻) (好味) 4. 上湯大蝦(6隻)伊麵 (好啱小朋友食架伊麵)5. 薑蔥蒸鮑魚(10隻) (好鮮味)6. 薑蔥炒肉蟹(2大隻) (都好ok)7. 楊洲炒飯 (一黎驚啲小朋友肚餓,叫個炒飯俾大家食住先,大碟夾抵食$75)8. 咕嚕肉 (冇食到,唔知味道)9. 芥蘭煲 (喊咗少少)10. 一人一碗木工豆腐魚湯 (free) 好飲11. 鮮果拼盆 (free) 12. 桂花糕 (free)海鮮都叫咗$1,500左右,每人坐低已經要收$80, 仲有加一同茶芥,諗住要差唔多四千, 點知買單都係$3,100,所以都ok!…Read More

以人頭計的海鮮酒家,感覺無咁扼秤。今次係第二次來。餐前枱上小食是,糖芯皮蛋酸薑、鹽花生、酸青瓜(可是豐富!每位$10計)。七人可揀六款海鮮。豉椒蟶子,大隻、鮮甜、豉汁勁正!椒鹽賴尿蝦,上次整得過咸,今次就啱啱好,賴尿蝦肉好爽!白灼海螺,大家說好食,但我真係唔識欣賞。蒜蓉粉絲蒸帶子,無乜特別,都係好食既!清蒸海青斑,蒸的時間剛好,肉唔韌,難得難得。上湯e麵大蝦(e麵+$40),蝦真係好大隻,味道/口感同食龍蝦差唔多,可惜上湯好淡,白烚可能仲好食。雞油鹽焗奄仔蟹,原來可以用雞油咁整!?好香之外,蟹本身也好多膏,尤如大閘蟹,好好食!魚湯浸菜芯$68,好激氣!熟客同事之後同我講,海觧檔(i.e.琦旺)會送菜,和炒飯。但老公去揀海鮮時,阿叔無俾海鮮menu佢,無白紙黑字,此「優惠」,已沒法追究。p.s淨海鮮每位$250；加工費每位$90-$110；醬芥@$10、茶芥@$10…Read More

Went here with my colleagues and we ordered a set dinner! We booked a private room, so it was much more expensive than expected: $400 more! Anyway, we ordered lots of seafood dishes as follows:1) Clams (see picture): I didn't really try out the clams, but I heard they were really yummy! 2) Papaya soup: very nice soup, 清甜3) Abalone: it was quite nice! But not big enough! Wish it could've been larger!4) Steamed scallops with garlic: delicious dish and one of my favorites! The scallops were very delicious!5) Steamed fish: the fish was very big and very fresh! Again, one of my favorite dishes! Delicious and yummy!6) Cheese lobster with noodles: the noodles were one of my favs! Complemented well with the cheese and lobsters!7) 椒鹽賴尿蝦: pretty good! But just had a little coz it was far too spicy for me!!8) Steamed crabs with egg white: had some of the egg white and a little bit of the crab, not too bad, but not sure why they had to put in the egg white!9) 揚州炒飯: again, a typical dish, nothing special about it! But pretty ok!10) Pan-fried Broccoli with garlic: delicious dish and nice broccoli, but I wish they served more broccoli. Not enough veggies for such a large meal. 11) For dessert, we were given some fruit (honeydew melon and watermelon) and some 糕點 (floppy/flabby white jelly, kind of like 桂花糕), again it was just alright, nothing special.Anyway, this is a good place for seafood! And I would definitely recommend it! Prices are rather high and there were some insects flying around, not too hygenic. Service was not particularly good either...…Read More

好耐無食d正海鮮, 於是bf今日book左鯉魚門海鮮檔, 再係附近既酒家到食...今日去果間叫快樂漁港, 酒家位置較為入左小小, 我地坐係窗旁第二排檯, 都仲見到d海景 (海景位最少都8人座)我地今日book既係一d套餐, 因為只有我同bf 兩個人, 如單叫菜份量雖然夠但只能叫2-3個菜,我地book既所謂套餐係一個人200元包6道海鮮, 一碟菜同一碗仔湯, 仲有送飯後甜品,飯後甜品有d生果如幾件好似椰林糕既糕點...另外約20元左右係d花生錢.,我地仲叫左d汽水, 埋單共$445, 叫ok la...因為食海鮮係想食『鮮甜』, 所以我地叫既多數都係蒜蓉蒸,最先來的就是蒜蓉粉絲蒸聖子, 聖子夠彈牙味道唔錯, 唯一缺點油比多左少少有點膩;之後黎既係豉汁蒸帶子,略咸了一點,不過帶子尚算新鮮, 味道鮮甜;第三道菜係蒜蓉蒸扇背,彈牙爽口,不肥不膩而且蒜香濃郁, 一個字形容『正』第四道菜係開邊蒜蓉蒸海蝦, 咬落香甜, 蒜蓉味香, 同埋d殼勁易脫, 呢d咪叫『新鮮』囉, 只是旁邊既油多了dd... 第五道菜薑蔥炒肉蟹, 這道菜是我應為今次最失敗的一道菜。由於蟹不夠鮮, 估計用料係係死左陣既蟹,所以蟹肉缺乏了彈牙口感,但味道尚算可以..最後一道海鮮係芝士焗龍蝦, 這是我我們最喜歡的一道菜。芝士香濃, 吃落不會感覺到『溜』, 亦都無搶去龍蝦既味道,而且龍蝦彈牙多汁, 非常有口感, 最值得推介。蔬菜係蒜蓉介蘭, 雖帶有微量既苦味, 但還叫爽翠, 另外一小碗豆腐魚湯, 雖然平常, 但都好好味... 值得一讚既係呢間酒家服務唔錯, 因為現場都成3/4 滿, 但佢地都會留意到幫我地換下d碟咁,唔係因為我米只得兩人而忽略左...以上既套餐因為只係2人, 故份量唔多, 女士們就一定夠唔駛叫飯, 男仔或者係食量既人就差咁d啦...整體而言我地都覺得好滿意...下次會再去, 支持下本地既食海鮮生意 ^^…Read More

我懷住興奮的心情咁嘗試我的第一次鯉魚門海鮮之旅......一路行一路行，期實睇左好多openrice的食評，決定左鎖定目標 1. 海景海鮮酒家 同 2.快樂海港酒家一路行一路行唔經唔覺咁行到尾就到左快樂......佢出面個海鮮檔有個長有鬍子的老細佢好落力咁sale自己的海鮮點好同點新鮮，佢仲好好咁話送多兩個餸比我地tim！我們一行六人咁就入係門口選左想食的烹調方法便入去靜心等待。入到去選左張近海的窗邊枱來坐，好靚的景致，正好配合慶祝國慶，國旗隨風飄揚，一隻隻的麻鷹展翅翺翔.....等待左15-20分鐘，餸菜終於都到啦！1. 蒜蓉粉絲蒸聖子 / 每人一隻 ok！不過有D靭2. 椒鹽墨魚片 好野味3. 上湯龍蝦伊面 / 每人半隻 好味, 正4. 陳皮蒸鮑魚 / 每人一隻 果皮好香，唔靭仲好鮮味TIM5. 薑葱筒蠔 好好味！不過有D靭6. 油鹽水賴尿蝦 肉質好好但係唔夠之前係流浮山食個D咁正7. 白灼花螺仔 ok！8. 魚湯菜芯 一般9. 一人一小碗魚湯 一般講真...選快樂都係因為佢門口個海鮮檔(美和漁港海鮮)叔叔好好人，D海鮮好足秤同重手，下次我都會再去試下！個套餐係咁計，係一個六擇五的套餐，詳細我都唔係好記得，只記得250/人頭連茶介共埋單：HK1,700.00 唔貴喎，起馬平過係流浮山食丫。小貼士：原來中午去食D海鮮會比得重手D架！下次可以試下啦！…Read More

同事帶領下,去到呢間最篤篤的酒家,我地十二人,可揀七款(on list)海觧。然後行前幾個鋪位─琦旺係同一公司的海鮮檔,揀海鮮。除左海鮮外,仲叫左幾碟小菜。炒芥蘭、炒通菜。椒鹽豆腐,雖然豆腐唔脆,不過椒鹽幾惹味。咕嚕骨,沒太多炸槳,排骨有脆感,難得難得。海鮮時間開始喇!白灼蝦,吓….原來係海蝦!?我我鍾意食紅bob bob的基圍蝦多D law…木瓜豆腐魚湯,魚味唔濃,不過木瓜味都幾出,ok啦。炒蟶子,好鮮鮮鮮甜呀!!肉質軟綿綿架!微辣度,增加惹味!蒜蓉粉絲蒸帶子,賣相非常企理,我覺得蒜太多,蓋過左帶子鮮味,同埋蒸過火了。油泡墨魚,新鮮墨魚已經好好食,但係酒家秘製既蝦醬仲正正!極之鮮味,可惜無得買走。椒鹽賴尿蝦,佢地好有良心,先上一隻,說道另一隻開左無膏,再整過一隻俾我地。呀…佢地D椒鹽真係整得幾乾身,幾好食咕噃!清蒸雜斑,少少蒸過火,條斑種都唔係咁好味。芝士焗龍蝦,萬眾期待!因為一同事是「熟客」,加量E麵底。橙色芝士好食過普遍的黃色芝士好多好多倍!由於芝士味濃,龍蝦味好似迅色左。薑蔥炒蟹,兩隻肉蟹,真係好多肉,好多膏!不過肉味好似有D霉霉地味,食唔郁。揚州炒飯,很乾身,又多义燒、蝦、芥蘭頭,好好食,因為太飽,食唔晒拎走。只得一款甜品─桂花椰汁糕,如果桂花層厚D就好喇,椰汁部份,腍腍軟糯,極香椰味!果盤是西瓜和哈蜜瓜,都非常之靚,好甜!…Read More

這間酒家位置比較偏遠,需要一直走到盡頭,到達後,門面裝修比其他新淨,落地玻璃海境,侍應生禮貌亦很好,坐下後,老闆還親自帶我們去附屬海鮮檔揀海鮮,選擇時,老闆建議十分和善及中立,可惜選擇不算多,不過海鮮全部隻隻新鮮,要求不多的話,其實已經足夠,上菜時,會一碟跟一碟,全程會留意客人的進度來上菜,9個人叫了8款海鮮,每人每款吃一件,包送炒飯+魚湯+時菜+生果,9個人8款海鮮,再計每人頭煮功費,大約$2000-$3000(因應海鮮數量和種類而定)離開後,沿途有不少老字號小吃,整條海鮮街雖然有些舊,感覺偏暗,但改為晚上去的話,店鋪燈光+海邊夜景感覺一定完全不同｡這餐海鮮,我個人比較喜歡以下:豉油皇煎大蝦:殼脆,肉爽,煮功好,夠入味,啖啖肉,好過吃龍蝦｡豉椒炒聖子王:肉滑,肉肥,夠入味｡鹽焗奄仔蟹:膏多,肉多,煮功適中,帶出鮮味｡…Read More

Honey 鐘意食海鮮，佢生日當然要就吓佢啦，我哋嚟到鯉魚門就先到明記揀海鮮，因為個老闆都幾老實，我問佢有什麼海鮮抵食，佢話閹仔蟹好靚又多膏，嘩！"多膏" 聽到就要食，原本想要大蝦，但佢話大虾喺養嘅，叫我哋揀中蝦喎、其他仲有聖子王、賴尿蝦和貴妃蚌，買完海鮮就去酒樓啦。嚟到時已差不多滿座，好彩我哋一早Book 咗位，到達後waiter 帶我哋到近窗口的枱，可以睇到海境，坐得幾舒服，十分滿意。坐低後waitress 先開茶及放低花生和酸瓜，花生很香脆但咸咗少少，不久有個 waiter 過嚟問我哋点煮D海鮮，我哋揀完煮法，就等食嘞。 首先嚟碟豉椒炒聖子王，好惹味，爽口又唔靱，煮得啱啱好，好好味呀，唸住仔仔食唔哂一只，我想幫佢食D，點知佢食完仲想食。 跟住喺鼓油王炒虾，個Sauce甜甜哋，D蝦鮮甜又爽口，有少少膏，好正呀，如果大隻D就更好嘞。 椒鹽賴尿蝦和粉絲蒜蓉蒸貴妃蚌差不多同一時間到，先食椒鹽賴尿蝦，炸得好好，D膏就熟哂但肉又唔會乾，椒鹽也很惹味，愈食愈開心tim，Honey 都好欣賞椒鹽賴尿蝦，早知要多隻啦，仔仔都唔執輸，我食乜佢又食乜，真喺拍住上。試吓個貴妃蚌，貴妃蚌都唔錯，但D粉絲就唔得，十分淋又冇味，似喺後加上面咁。我哋好快清哂枱上嘅食物嘞，最後就喺盬焗閹仔蟹，正所為好戲左後頭，一睇見就開心嘞，又多膏，D膏仲好甘香，實在太好味，D蟹肉都好甜喎。十分滿意呀。呢度Service 唔錯又幾抵食，只收$80煮功 per head (仔仔仲免費 tim)，包湯、甜品和水果。甜品喺椰汁桂花禚，清清哋都唔錯。 埋單$497海鮮 + $220煮功連茶芥加一。…Read More

0個日母親大人生日, 相約去鯉魚門食海鮮, 一坐低就去左隔離檔海鮮檔揀海鮮, 有魚, 龍蝦, "聖子", 老闆送左d蝦俾我地, 番埋位炒左碟菜就等食, 首先黎左碟通菜, 炒得好靚, 跟住就黎左碟"聖子"同蝦, 都幾入味, 點知再等等下, 等左半個鐘都冇野食, 催左兩次先上條魚, 再等左四個字先出龍蝦......龍蝦芝士味好濃, d肉好爽, 伊麵底d伊麵太碎魚好鮮, 好味白灼蝦好爽, 碟辣豉油好好味聖子就唔夠鮮味, 係靠d豉椒其實除左上菜慢之外 (埋單都慢), 野食都好好味, 係隔離坐左檯人0係度鬥酒, 超嘈, 所以環境麻麻…Read More

今天是祖母的生日,我們一班孫仔孫女及她的仔仔女女一起到鯉魚門食海鮮為她慶祝.今晚這一餐海鮮餐真的很昂貴,但真係一分錢一分貨,比起普通的海鮮酒家,真的貴得很有道理.通常到酒樓食海鮮,都會有炒聖子,賴尿蝦等等. 今晚,這幾碟例牌菜,真係好好味.首先,先講講這碟炒聖子. 師傅真係炒得好有鑊氣,很夠火候,最主要是口感十分適中,但唯一的美中不足,就是這個汁鹹了一點,所以我們很喜歡這個汁來溝白飯,也不錯的.而椒鹽賴尿蝦,也是不錯的. 真的很香口. 雖然好大隻,但好似肉不是太多.閹仔蟹,蟹十分多膏,好好味. 雖然是閹仔,但價錢也不平的.鮑魚也真的好好味. 之前到布袋澳食過一間海鮮店的鮑魚很難咬的,但這一間便完全相反,咁大隻鮑魚口感也剛剛好,鮑魚又滑又好好味,超正.今晚食了很多好貴的海鮮,有一碟我還未介紹,而我也覺得這一碟是全晚師傅整得最好味的一碟,就是花尾蠆. 食過咁多碟濃味海鮮,終於有一碟清清淡淡的海鮮了. 清淡得來,特別帶出魚的鮮味,也不太油膩,勁力推介.之前食海鮮都是去一些普通的酒樓,今次十分豪氣地來到鯉魚門,開了一間貴賓房,而且還是望海的.終於明白,點解鯉魚門比普通的海鮮酒家貴咁多,除了望海之外,海鮮真的很多款式,碟碟都咁新鮮,碟碟都咁有鑊氣及火候,師傅們好勁呀! 今晚的價錢也好勁呀! 不過,一分錢真係一分貨.今晚食了咁貴,相信一年內都不會再咁豪氣了,因現在市道不景,都係慳d好.…Read More

環境招呼唔錯食物味道唔差今晚叫左五度菜一碟炒飯最正係碟蟹,跟住鮑魚,蟶子同大蝦,上湯時菜佢地仲加送美味木瓜魚湯同靚靚生果盤價錢合理,下次太太生日會請返佢再幫襯呢間食…Read More

環境招呼唔錯食物味道唔差今次叫左大蝦,蟶子,大蟹,鮑魚加個炒飯,時菜另送木瓜魚湯,生果盤埋單800零算合理下次太太生日一定再幫襯請返佢…Read More

次次食海鮮都係入布袋澳, 第一次去鯉魚門食, 只係知道海鮮檔同酒家有結盟, 但係第一次去, 都唔知邊間同邊間係一伙,咁我地諗住睇海鮮靚唔靚黎揀酒家, 成條街我只係睇中兩間海鮮檔, 諗主再行入D睇下, 見到呢間酒家個環境都幾好, 佢地又sale 下你, 叫你睇下海鮮, 咁arm 同佢地結盟果間海鮮檔係我覺得好果間, 就係咁我地12人叫左椒鹽特大瀨尿蝦, 白灼花螺, 花雕蛋白蒸大花蟹兩隻, 豉油王大老虎蝦, 蒜容粉絲蒸大聖子, 清蒸大連鮑魚, 白灼墨魚, 魚湯浸白菜仔, 炒芥蘭, 椒鹽豆腐, 炒飯, 海鮮檔送炒蜆比我地, 而酒家就送海鮮湯及水果, 全部都好好味喎, 不過佢送既蜆就細隻左D, 但係都好大碟, 我地個個都飽到不得了.價錢佢地就比布袋澳貴, 但係我覺得布袋澳D海鮮冇呢到咁靚, 又冇大隻瀨尿蝦同埋格局似大排檔多D, 一分錢一分貨. …Read More

朋友打電話黎話想食瀨尿蝦，心裡面就有個選擇，油麻地金山酒家，印象中例牌好似幾十蚊一隻，又經濟又好食，但睇下個鐘七點幾就否決左個想法因為唔想等位。起香港食海鮮我總結左一個最好選擇就係好彩酒家，環境舒適、海鮮選擇多而新鮮、服務能接受、價錢合理。當然如果想食一D特別D或罕有的魚「好彩」就可能無。講到好遠，又講返瀨尿蝦，其實都有好多地方可以食到，但係回歸日又唔想試一間唔好食的，所以上黎搵下就搵到呢間。香港每個食海鮮的地方都各有特色，流浮山盛產蠔，但係宜家當地的蠔連食都唔得，只能做成蠔油，味道還比李錦記舊裝差，真係可惜。不過流浮山有種當地的蝦，唔記但叫咩名，細細隻身上有一條條黑色紋，白灼係好鮮甜，比海蝦甜好多，值得一試。重有，間唔時有D本地霖蚌都係好甜，宜家起香港能夠搵到一樣鮮甜的海鮮真係好難。每一次食飯都想搵返以前的味道，但係發覺越黎越難，所以希望當佢地重存在時在此介紹比大家一試。布袋澳或西貢一帶海鮮選擇就多一D，值得一試又係蝦，叫赤米蝦，如果係西貢本土水上人應該係無人不曉的。此蝦有沙，但係極度鮮甜，起佢未變成宜家的瀨尿蝦前大家值得一試（以前的瀨尿蝦不值分文）西貢的海鮮太商業化，味道都係一樣，試過最好的係起索古灣，天虹做法商業，可以試下富記，係我食海鮮經驗入面一個好大的驚喜，半年前食過一條紅瓜子斑令我回憶起二十幾年前東星斑的甜，一D煲過粥的野生小泥蜢比西貢食的深海大泥蜢更鮮，普遍的海中蝦用牛油洋蔥粒的做法竟然如此好食，最可惜係太遠，要坐船，唔低想食就可以去食。位置最方便的都算係鯉魚門，但係方便係有代價，就係海鮮選擇好一般。今次去三個人食左四樣野：黑瓜子斑—魚缸選擇唔多，老虎斑、雜斑、穌鼠斑、花尾等、紅黑白瓜子，魚檔黃老板話黑瓜子最罕有，所以就試下。清蒸，魚的肉質好好，但都係無鮮味。椒鹽瀨尿蝦—蝦唔鮮甜，做法一般，唔香。金山酒家做得比較好，所以佢的收費係起值油鹽焗黃油奄仔蟹—其實海鮮的烹調方法好簡單，食材新鮮就係最重要。蟹就一隻好一隻唔好，好個隻就油香蟹鮮，唔好個隻就如死蟹，但係有一隻好已經超出預期辣酒煮花螺—唔辣無酒香，螺細木瓜魚湯—送的，算幾好。可以試下用一斤石狗公，八碗水煲成兩碗，煲好就好似糖水一樣甜三位用埋單千一蚊…Read More

已經係5月17號既事, 我一個禮拜前已經諗住去鯉魚門食海鮮, 預先睇定openrice邊間好食, 仲係當日下午一點幾兩點打定電話訂埋枱, 留埋電話, 接線個位先生仲好好禮貌咁話”多謝哂”先收線, 諗住咁好服務態度實會唔錯啦, 點知……..我訂左7:30pm, 6位, 準時到達, 見到門口已經有好幾批人係度等緊, 入去同其中一個肥肥地既職員講話訂左枱, 佢望一望我同老公, 然後就繼續睇佢手頭上d紙, 我地以為佢幫我地攪緊, 點知等左一陣, 又有個阿嬸埋嚟同阿肥職員話訂左枱, 仲話唔知乜野”阿德訂既, 8點鐘, 12位”, 個肥職員話未有位, 點知轉個頭有另一個職員就安排左佢地入去, 我見咁既情形, 梗係捉住個職員問多次有無位啦, 佢居然搵唔到我訂枱個名, 仲要周圍搵d紙, 我連佢舖頭個電話都即刻講得出, 肯定無打錯, 佢就叫我地等等, 等……. , 等左10分鐘都未有下文, 我同佢講, “我訂左枱都無位, 我去第二間食”, 佢都無理到我地, 於是我地就走左去 “龍騰”度食, 剩係招呼都唔同d.經過呢次, 我諗我唔會再去快樂, 仲話服務好, 啍! 幾好食都無用啦!…Read More