快樂地食Burger (已結業)

中午的一餐，食漢堡包有時會係一個既方便又美味既選擇。不過，成日食又的確係幾邪惡既。在石門，早在疫情期間已經增添了一間好好既外賣漢堡包店。不知是不是因為政治環境既影響或是其他原因，在今年年頭回來工作時，已經發現這店似乎是已轉了手，當年那個令人會心微笑的名字沒有了，新店名叫《BurPlus》。的確，是突然有一天，我好想食漢堡而又唔想下下食麥當勞時，我才想到來這《BurPlus》買外賣。同以前一樣，這兒的是手打漢堡，而且是即叫即製，單是在店外等待時，已經聞到陣陣的香氣，絕對能令你我食指大動。話咁快，漢堡煎好，薯條汽水也包好。店員給了我一個好外國式既紙袋，內裡就是我期待著的美味漢堡同薯條了。這兒用的薯條質素幾好。吃得出是原假著仔切出來的佳品，吃起來份外有口感。當然，因為是即叫即炸起的，這薯條也份外的香口。當日我 "砌" 的是一份牛肉漢堡，加了紫洋蔥同煙肉。同上手一樣，這兒的漢堡是任砌的。一層很香口的手打牛肉，一層脆脆的美式煙肉，洋蔥就被牛肉同包本身的熱力弄到半熟，也散發出獨有的香味而又保持到辛辣的味道。跟餐，我要了一罐可樂。很可愛的汽水包裝，同漢堡一樣用鍚紙包。可能是店方想保持罐汽水冰凍吧。近

講真之前食開都好地地，唔知係咪最近換咗員工啦變咗啦，我最近去嗰陣時本身冇諗住食嘅入到去想試吓泰亞萊因為聽人講好好食，我淨係望咗一眼burplus嘅餐牌啦，個坐喺門口嘅女職員😅問我睇唔睇個新餐牌，本身都唔想嘅但係見佢餐牌幾吸引咁，之後個女職員係咁問你鍾意食牛肉定豬肉，其實呢就小煩嘅😅😅😅然後我冇理佢啦，我睇咗一陣就叫咗個薯條啦 ，呢個先係惡夢嘅開端，我攞完之後離開咗唔係好耐，我就食咗第一條都冇乜嘢 之後先係惡夢嘅開端差唔多有好多條都係中間入邊喺凍😅叫人哋點食？但係呢佢最近啲漢堡幾好食 麵包又煎得幾好金黃色 尤其是格仔餅雖然佢係用漢堡包做格仔但係睇得出廚師好有心機🫡🫡🫡

今日諗住喺隔離買奶茶 一行到入嚟 個收銀店員就係咁追問我想食咩 鍾意牛肉定豬肉 擇左牛肉 再仔細望一望餐牌 牛肉漢堡$57 裏面只得一片生菜及自選醬料 牛肉算juicy 如果跟餐薯條+15飲品+10 性價比低 相比其他門店份量比較少 價格亦比較高 而且收銀處嘅店員一直詢問… 導致氣氛尷尬 牛肉漢堡味道麻麻😅 而且食物拎到返屋企已經變冷 同傳單張上面嘅漢堡有出入😅😅 同評論嘅食評不一 雖然開放式廚房 可以見到店面衞生 但食品質素及員工有待改善😆

呢間嘅漢堡即叫即整，係好食嘅，味道適中，肉味同質地都好。我喜歡食牛肉多啲，因為上次買豬肉漢堡，煎唔熟，豬肉唔熟真係唔敢食！當員工製作時唔夠細心，睇錯單？整好攞返屋企才發現有錯漏，或煎唔熟，都補救唔到啦😓佢嘅咖央餅和格仔餅原來只係漢堡包嘅麵包搽醬！？落單網站嘅相片太誤導人喇掛，覺得被騙了！見到實物真係唔想食囉😒係咪因為員工時常變人，先至咁多錯漏？要改善下至得喇，唔好浪費咁好食嘅漢堡😉罐裝飲品，其實唔駛用錫紙包都得！唔會保冷😅

舊同事今日返嚟探我哋仲幫我哋買埋burger🍔大家都係第一次食，估唔到呢間咁好食😋Burger有大有細，大嘅仲有生酮漢堡我叫咗個豬肉漢堡🐷 > 黃芥末醬配料揀咗蕃茄🍅、蛋🥚、芝士🧀、焦糖洋蔥🧅、墨西哥辣椒🌶️漢堡夾咗咁多嘢，真係好豐盛🤩麵包唔係平時慣用嘅漢堡包佢哋用嘅係港式豬仔包咁，甜甜哋好好食塊豬肉漢堡應該係手砌豬肉，好好食煎蛋都好厚身，醬料好多，芥末醬好濃味下次可能揀另一款無咁濃嘅會好啲，無咁搶食完勁滿足😌總結💭💭漢堡勁高質，價錢都好實惠配料仲可以加幾多都得有個同事加咗兩隻蛋，佢話超正呢間漢堡一定會encore再嗌♥️

發現這店，於是响Openrice落order。選了burger後可以自選醬汁，再加自己想要的配料，再配額外加小吃。叫了一個豬肉漢堡配蛋黃醬再加蛋和洋蔥，加多個炸洋葱圈。另一個牛肉漢堡要黄芥末醬加蛋和菜，加多個炸薯條。收了錢說準備中，可惜一等再等都出不到取餐編號🤷，半小時後重要order被取消，真令人極度失望😤。打電話比Burplus，有位好有禮貌的女仕說收不到Openrice的order，但佢現在可以即刻幫我整，叫我15分鐘後過去取。取餐後立即回家，漢堡飽仍是熱，不過因為用錫紙包住，產生大量倒汗水，個漢堡飽濕晒。但味道完全係好ok，尤其係個蛋同塊好juicy嘅漢堡扒👍。不得不提佢個炸洋蔥圈同炸薯條，非常脆又好味，水準之作。*下次都唔再用這channel落order，完全唔可靠，一等再等變化石，最後order重被取消，但打去銀行又話成功付款，攪到我都唔知應唔應該自己再去落order。

今日中午放飯時難得行開沙田石門，見到一間漢堡飽店就立刻試吓！即叫即整！仲可以自己揀配料，customized burger! That’s a plus！👍性價比高！一定會再返來再試！

良心小店，性價比唔錯，兩個人一人一個包，再加一個洋蔥圈，150蚊都有找，以非大型連鎖鋪頭既漢堡包黎講好抵食。burger本身都大大份，份量十足，咬落去好juicy，但係面包略嫌有少少鞋，揀左蛋黃醬個味都好出，以幾十蚊一個既burger黎講物有所值。因為店鋪只做外賣，唯一建議係外賣袋內既外賣盒可以包實哂成個漢堡，會令客人拎返去感覺冇咁易因為外來環境而變凍。住得遠少少都可以保到溫多d。整體而言都好值得推薦，會再黎幫襯。

Openrice有外賣自取優惠，$40就有一個牛肉漢堡，然後自己再揀配料同醬汁🍔首先個包皮係軟熟甜甜地果種，咬落都算有小小煙韌；牛肉都算juicy，醬汁都有幾款可以揀，大路醬汁都同個包幾夾！呢個價錢絕對好食過麥當勞好多，整體黎講係唔錯的！咁啱落咗單店員先通知我哋薯條同洋蔥圈都冇晒🥲冇左🍟又好似差咁啲… 因為確認左訂單refund唔到，店員建議轉多一個Burger俾我地，變左2個人食3個Burger🙈其實淨係一個包一個正常食量既女仔黎食已經夠飽！店員重好好人咁送多咗兩罐汽水俾我哋！算係咁話啦，夠Nice呀！經過想食Burger嘅可以一試呀👍🏻

朋友介紹話呢度有間好得意嘅漢堡包店，作為吃貨嘅我今日特登過嚟試下。佢得意在好成個包都係自己揀，想點砌就點砌，最重要係除左正常size之外，佢有岩晒我呢啲眼闊頭窄嘅人嘅迷你size。由漢堡扒，配料到醬汁，款式同數量完全由你自己決定。貪過癮嘅我就叫咗三層肉，再加咗隻蛋，蕃茄同埋雞髀菇，我自己揀左個燒烤汁，呢個陣勢真係不得了。然後我朋友就比我收斂少少，佢只係揀咗兩層肉，氣勢即刻冇咁厲害。另外一個朋友就叫咗一層肉，不過就加咗雞蛋，同煙肉，個顏色即刻好豐富。而呢一個仲加咗焦糖洋蔥，食落去甜甜地，我都有啲後悔自己冇加到。另外最特別嘅係佢呢度有一個係生銅漢堡，意思係走澱粉質。原來係用兩塊肉嚟做包，呢個真係飽到不得了，我哋加咗黑松露醬，煙肉同芝士，呢個真係啱晒食肉獸嘅朋友。不過我自己就真係超鍾意佢哋個麵包，個麵包本身甜甜地又夠軟熟，再加埋佢哋特調嘅牛油，真係冇得輸。佢哋啲漢堡扒全部都係用新鮮嘅豬/牛肉打碎，再人手搓，再自己調味，絕對唔係出邊就咁買嘅普通貨式。所以食落嘅時候你係會食到新鮮嘅肉嘅味道，同埋一啲都唔會乾。另外一樣值得欣賞嘅係你加嘅嗰隻蛋，佢係留心蛋，當你咬咗第一啖嘅時候，啲蛋黃就會流落去個漢