影片
营业时间
今日营业
08:30 - 20:00
星期一至日
08:30 - 20:00
以上资料只供参考，请与餐厅确认详情
招牌菜
今日突然好想食烧味饭所以就专登过去元朗忠辉忠辉佢有几间分店今次就嚟近大荣华呢边𠮶间买呢间嘅烧味饭不嬲出名系份量大又平所以每次我想食烧味饭𠮶阵都会拣佢今日拣咗叉烧烧肉饭 少饭叉烧虽然睇落好似好瘦但系一啲都唔硬同鞋口另外烧肉个皮好脆不过我觉得有少少咸啲饭捞埋叉烧嘅汁，真系好好味😋😋😋呢个价价钱食到咁嘅质素真系叫好抵烧味又多价钱又唔贵食晒啲饭啲烧味都仲有真系帮我专登入嚟元朗买👍🏻👍🏻👍🏻👍🏻
继续阅读
好食唔好食，真系睇彩数，今次之后，我以后都唔会再喺度买净叉烧因为真系好垃圾，睇住佢切，劲多头尾，又切是断。之前食两𩠌饭真系ok，但系净𩠌反而唔掂！去返大桥街市𠮶面买好过。
继续阅读
早几日突然想食叉烧，之前喺呢间买过一次双并饭觉得都ok，就叫左男友返黎之前顺便帮我买盒叉烧油鸡饭～双拼饭$30，肉类会舖到满满唔太见到啲饭，几抵食，卖相其实不错不过今次既叉烧比较干，干得黎又完全无焦香味～而啲豉油鸡得皮同骨，劲少肉。。。。本身烧味已经咸，仲要落左劲多豉油同一大pat姜葱，食完呢个饭我觉得自己肾都亏埋🤦🤦 (其实上次都系偏咸，但今次依然唔记得叫佢少豉油少姜葱🤦🤦)只能说如果下次再有机会食既话，就要睇下好唔好彩当日啲烧味水准如何，兼记得记得叫少豉油少姜葱🙈🙈
继续阅读
今日6点时路过见到咁多人排队就排埋一份， 见左份上装烧鹅同一盒叉烧烧肉饭，加埋都系140，重有例汤送。 个烧鹅烧到色泽好靓， 油份岩岩好， 回到家一打开盒，香气扑鼻，食落肉又嫰，唔会痴牙， 味道浓郁， 而且唔会成旧肥膏系口， 绝对系好高质素既烧鹅。而叉烧烧肉饭份量十足， 叉烧口感以致味道都系上上级，令人食完想再食。烧肉虽然口感都一流， 肥瘦比例都好， 而且层次分明，但我个人来讲， 觉得有少少过咸， 可能配埋啤酒食会好d 。
继续阅读
因为相熟中医在元朗，所以基本一至两个星期我就会到元朗一次，果度附近有间叫忠辉烧腊店，每次上去睇中医我都会特登去买返盒烧味饭作晚餐，真心好正㗎！朋友同我讲原来我早响五六年前同佢已经结缘响天水围！𠮶阵时我响天水围一间中学工作，lunch成日去天耀商场隔离嘅街市买烧味饭，𠮶阵时已经超爱呢间烧味舖！估唔到原来𠮶间就系忠辉！！！😱😱😱以为走咗之后冇乜机会食，原来佢搬咗嚟元朗，仲发光发亮！我知道佢仲生意好到开咗间分店响又新街！果然好嘢系多人欣赏！咁多年之后再同佢重遇，佢嘅烧味一样系咁好味咁吸引到我！虽然每次去到都见到大排长龙，不过好嘢真心值得等。我最钟意食佢嘅叉烧，佢啲叉烧烧得够够林身，如果系肥差仲正，格肥格瘦，中间嘅脂肪肥而不腻，好似食啫喱咁，就算瘦叉都好林，唔似出面啲叉烧劲柴同埋痴牙，如果食到外面其他好柴嘅叉烧一定black list𠮶间烧腊舖! .另外佢嘅其他烧味好似烧肉切鸡油鸡烧鸭，我都觉得响水准之上！单拼$26，双拼$28， 咸蛋都系$4一只，我通常会叫双拚加只咸蛋$32，价钱抵分量仲要劲足，师傅手起刀落大大旧，我已经帮衬左N次，所以都有少少心得，建议唔好嗌四宝饭，因为四宝饭都成$40入面得红肠，咸蛋，鸡翼和烧鸭，冇得食叉烧之余份量又唔多，仲要系红肠𠮶啲下栏嘢，所以都几失望，我通常系叫双拼$28叉鸡饭加多只咸蛋加$4三宝先$32已劲丰富！😆.基本上佢响元朗已经打出咗名堂，好多元朗人都识佢，我好开心宜家可以成日食到佢，因为佢的烧腊真系不错👍👍如果经过见到大排长龙都值得去排一排！.—————————————————店名：忠辉潮州卤水烧腊店 环境🏝：6/10服务💁🏼♀️：7/10 价钱💰：8.5/10食物质素🍝： 9/10 整体🙆🏻♂️：8/10 地址：元朗泰衡街5号地下#吃货玩乐在元朗#吃货玩乐#忠辉烧腊店
继续阅读