必勝客 (已結業)

一排冇食突然挂住pizza hut 个芝脆批，黄大仙北馆呢间平日夜晚冇乜人，今日星期日晚又做紧外卖自取优惠紧系多人。同男朋友大概6点零到达，见到好多人排队外卖自取，即时拎飞等堂食入座，等左15分钟左右，比想像中快。 入座时职员都有讲到食物要等40分钟左右，冇问题啦唔赶时间，等下都ok。Order 左个$288 既二人餐，有两个餐汤，一个焗菜/薯蓉，一个饭/意粉，两杯饮品同一个pizza。所有野都系水准之内，虽然好忙，但都唔洗等40分钟。值得一提既系个pizza, 我地叫左千岛海鲜加左$23 转芝脆批，真系好正，pizza hut 个芝脆批永远都唔会令人失望☺️ 有芝士既脆皮加埋一咬会有芝流出既批边，加贵啲都抵。不过唯一美中不足就系个葡汁焗菜有啲淡，冇乜味，不过都ok 既。健康啲😂😂😂题外话，见到咁多人帮衬，staff又得几个，落得单泥系出面等入座既客又冲入泥嘈佢地唔带位，听得电话泥又帮唔到人收银。但我见普遍员工都几有礼貌，唔会因为多人黑面燥底，相反我见到既系某啲客几野蛮。最后两句。辛苦晒所有饮食业员工。包容下体量下人啦尊贵既客人。…Read More

话说因为手机有张优惠券然后去Pizza Hut睇吓买乜嘢食，见到佢哋个牌介绍烟三文鱼炸虾pizza，话指定套餐加$28，我就望到有个套餐系$198，个写住二人餐嚟但198二人餐系得一个细size pizza 细size饭，两罐可乐⋯⋯个pizza仲系加多$28即226佢哋消费派一张优惠券以𠮶张优惠券都系要买满$200加一蚊换小食，其实计数计落系唔抵因为个餐本身系唔值咁贵不过呢啲大牌子，价钱咁上下都希望食物要做好d⋯⋯店员话需要等大概几个字，但等左，拎走，返屋企都唔够10分钟，一食个Pizza完全唔觉得佢系即整，因为一啲都唔脆口，啲饭亦都唔系好热⋯⋯我喺另一间面包舖有买Pizza𠮶度买二百几蚊一个20吋嘅超大Pizza材料非常足够，但Pizza Hut呢一度Pizza size唔单只系细而且材料其实好少，佢写住有炸虾我都唔系太觉得有好多⋯⋯…Read More

我系外卖平台 6:28落单，但系7:18先显示个车手攞咗，咁都算啦，可能比较忙整得慢，不过7:20显示送达，我到7:30都冇见到啲嘢，问咗客服客服同我讲话个商家漏咗野唔记得俾，跟住个车手要返去攞，叫我等多20分钟，OK冇问题20分钟我都等结果一等等咗成半个钟，等到八点仲未见到野㖞，再问客服今次客服冇讲原因净系讲叫我等多10分钟，车手系附近（间铺头就系楼下，讲同冇讲冇乜分别），啲嘢食我最尾等到8:12先攞到，差唔多等咗成两个钟，睇返张单我净系叫咗个迷你批、3只炸虾同个忌廉汤，真系唔能够理解点解净系呢三样嘢既外卖要等咗差唔多成两个钟，我又唔系得多嘢㖞，呢啲时间我落楼去佢间舖头食都食完啦，之前同我个friend两个落去食都净系食咗仲未一个半钟，仲要系叫两人餐㖞，啲嘢食仲有焗薯蓉同埋普通派𠮶啲，都唔洗用到咁多时间，真系唔能够理解到今次究竟系店家个问题定系车手个问题？又定系话其实两方都有问题呢？下面有埋同客服嘅沟通记录同埋我张订单嘅落单时间，车手点击送达却乜都冇嘅时间同埋手机左上方同联络记录都有显示当时情况嘅时间，仲有我叫嘅食物清单👇🏻，大家可以对返个时间…Read More

近排pizza hut外卖有优惠 因而等外卖既人好多所以我哋今日决定堂食 堂食既两人餐都好平 250蚊左右就可享两人餐 包括一个汤+普通批+小食+饭+野饮另外依家食满200蚊会送50蚊优惠券 可以用于下一次食埋200蚊时扣减50蚊不过餐厅唯一堂食问题系只有两个员工落单同上菜 十分忙碌 但都唔影响上餐时间👍🏻👍🏻系pizza hut呢个价钱食到甘多野 真系抵食 做埋佢会员仲可以用积分换取野食 今次我都用左600分换咗一个葡汁鸡皇饭…Read More

见到广告新个海鲜Pizza好似几好叫外卖送餐上嚟试下Pizza Hut 外卖员准时送到点知打开个Pizza 真系好特别同平时嘅Pizza不同虽然佢有虾有鱿鱼不过食唔到瑶柱味或鲍鱼味.以后试新嘢都最好谂清楚.以前黄大仙分店出嘅嘢不嬲都好似质素差啲.下次去钻石山分店自己pick up应该会稳阵啲.…Read More