影片
开饭介绍
除咗经典嘅「至尊批」同「超级夏威夷批」，仲有好多沙律、前菜、意粉、头盘同甜品选择，餐牌闲闲地有百几样嘢拣\r\n
继续阅读
营业时间
星期一至日
11:00 - 22:30
以上资料只供参考，请与餐厅确认详情
招牌菜
食记 (47)
今时今日既香港地，食个TEA就算普通茶餐厅都要三十几四十蚊，讲紧可能得只鸡脾加杯野饮咋! 今日约左陈生陈太两公婆食TEA，一齐食PIZZA HUT!大虾烟肉焗薯蓉配蒜蓉包($25): $25真系去边度揾呀? 蒜蓉包好香好脆，蒜蓉味十足! 面𠮶层牛油蒜蓉要赞丫!有十个惹味!!!! 焗薯蓉虽然得㖞少少，但系都好好味，薯蓉入口即融，有少少咸，大虾得一只咁大把XD 不过虾肉唔鞋口!LIKE!焗肉酱意粉($54)，呢个系牛肉意粉，个汁系蕃茄酱，不过劲好酸呀!我唔中意佢个汁太浓味啦!牛肉碎整到好杰，一PAT PAT咁有D奇怪!大虾蚬肉焗饭($65)，赞一赞个汁先，几特别，甜甜地架，唔系平日既意式汁OR蕃茄酱黎，甜甜地开胃又易入口! 蚬肉都几多，粒粒都几大粒架! 处理得几干净，无沙! 大虾肉质好林，好易咬开，鲜味就食唔到啦，但系起码无雪藏味呀~咁样埋单都系$160咋，你话抵唔抵先! 不过..我讲TEA咋下XD
继续阅读
呢日，同班同学温完书。去揾地方食饭，估唔到佢地会黎呢度食。唔知几时开始，我觉得呢度啲野食系价格同份量渐渐成反比。叫我入黎呢度食，我系多么的不愿意。不过，就比佢地话事啦。入到去，都无乜特别既。只系觉得有啲迫，而且还有一点点既唔自在。睇完个餐牌，决定叫个四人餐再加啲意粉同小食。前菜、小食餐汤都不外乎红汤同白汤。我记得以前多数都系饮白汤，而佢既味道都系一成不变。点形容，可以用个稠字黎形容。不过配料都算几多，蘑菇同鸡既份量都算颇多。蕃茄焗薯皮唔讲唔相信，呢个反而算几有睇头既一道前菜。首先，只系将烟肉、蕃茄放上薯皮再焗。呢个配搭无可能会难食，薯皮唔好食就淤皮啰。辣味鸡翼呢个鸡翼都算经典啰，点解咁讲。因为我食唔到辣味咁滞，反而个鸡翼系好咸。感觉上咸到似系食紧椒盐鸡翼，不如改名叫椒盐鸡翼仲好。派对小食拼盘又一无难度之作，但我又唔觉佢好食。因为只系得炸薯条系新鲜炸起，呢个叫好食啲。其他既，好似芝士条、凤尾虾全部只系室温。好似系由开市放到而家，唔通，呢啲食物新鲜炸起系件难过登天既事？意粉、薄饼香蒜肉丝意粉感觉上，蒜味真系几重。意粉就同蒜蓉一齐炒，不过青豆、肉丝等既配料应该系最后先放上面。因为我完全感觉唔到有蒜味，意粉既质感都算中规中矩，无咩突出可言。卡邦尼烟肉蘑菇阔条面谂起卡邦尼，我只会想起意粉屋既卡邦尼意粉。用上左多种芝士既意粉，果种芝味真系留在口里都颇长既时间。但呢个味道就强差人意啦，因为我觉得只系忌廉汁阔条面。忌廉味太重，食完有种唔应有既"漏"。食完真系就住就住，果种感觉真系唔知点形容。肉酱意粉见到呢兜意粉，已经心感不妙。因为食落真系肉酱捞肉酱，而且系味道颇咸既肉酱。虽然蕃茄味都算几浓，但肉酱已经盖过蕃茄既味道。呢碟既主角反而系肉酱，意粉要转投做配角。意粉都只系麻麻，无乜口感。肉酱千层阔面食左十多年，都系唔明白点解要加上薯蓉。个阔面好韧，唔系好易切得开。个肉酱既味同上面碟意粉无乜分别，都系肉酱捞肉酱。而个薯蓉既作用系当食完个阔面唔饱，你仲可以食黎饱肚。味道都系淡而无味，真系又一经典之作。带子火山批食完真系变哂火山look，因为真系无谓之作。个批最好食只系批边，芝士既份量系最多。至于配料，就无乜特别好唔好食。不过都唔算系突出，只属平平之作。批边算系最好食既一环。食完呢餐，真系唔知俾一百几蚊食左啲咩。讲真，出面仲有更多既选择。此外，我个同学当见到会员卡只需300元(大专优惠价)。即刻买左个一年既会藉，我心谂。最多都系用到300蚊既优惠券，实际上都唔算好抵。始终，呢度既野食唔太吸引，就算个会藉唔使钱，我都未必想要。对于购买会藉，都系三思后行，唔好冲动。值得一提既系，呢度啲服务认真麻麻。当我地结帐离座既时候，竟要成个字既时间先叫到服务员过黎，都唔知系咩野服务？
继续阅读
未来外母想食Pizza Hut，当然要舍命陪外母啦，周中晚上去啦，前一日惊walk-in要等位，特登打去book卡位。晚上7点松D去到，场面冷清，得几小猫三四枱，系经济无现实咁好? 还是跑马日大家去晒马会茶餐厅呢? 坐低就睇食咩啦，有个汇丰优惠餐，两个汤，两个意粉/小食，一个扭扭Pizza，两杯餐饮及甜品，两女一男的组合就啱啱好啦。 三文鱼汤 - 几条生三文鱼放在白汤里，要生食就即食，要熟食就与汤搅匀再食，个汤好"杰"，食糊仔咁，好易就饱咗！ 蒜香鸡丝意粉 - 估你唔到落单数分钟后就上枱，仲快过个汤，真离奇！好重的蒜香味，还带点生蒜的辛辣味道，不过只在于意粉上，青豆粒、鸡肉并红萝卜粒的配料就明显分开煮铺上面，没有任何蒜香味。 咖喱鸡拼千岛海鲜烤卷 - Menu上的参考图片超吸引，个卷D"涵"料满到漏咁；实物上场只见四个由薄饼卷成的卷，"涵"料满泻嘅情景就欠奉，幸好薄饼都脆身，"涵"料味道都过得去啦。 千岛海鲜厚批 - 由于之前食过扭扭批未见突出，所以加钱转批。过往嘅批系一开八，千岛海鲜仲有D鱿鱼添，个批大到无咩位摆其他，谁知今日就...............个批起码由大码变细码，缩咗两三吋，由一开八变一开六，鱿鱼唔多觉，就连虾仔都失踪 热柠水及蓝莓青柠宾治 - 由于有甜品，女朋友点咗热柠水，"吉"杯内有数片柠檬，一细壶热水自己斟，之前斟到两杯满，今次就一杯半ja，未来外母就试特饮，上枱时女朋友就见到D碎冰占咗整杯饮品的一半，一杯无甚特别的特饮！ 呍呢拿雪糕配士多啤梨酱汁(2客) - 最后的点缀，有好过无，赞一赞的系佢个兜(可能连雪糕)应该放入雪柜，客人要先攞出嚟，减慢雪糕熔的程度。价钱都尚可以，八点几走场面仍然冷清，系Pizza Hut错咗? 定系其他外卖Pizza铺掘起抢生意呢??
继续阅读
见无乜人等位，就黎左Pizza Hut...被安排坐卡位，真乎合我闲叹既心情点左Lunch Set 香辣肉肠特脆批、三文鱼凯撒沙律同埋一客卡邦尼鸡肉宽面前汤系意大利蔬菜汤，汤料超多，另配以烤焗好的蒜蓉包一齐上，合到好处~凯撒沙律，菜不新鲜，此为沙律之大忌......劣~卡邦尼鸡肉宽面朋友觉得唔够味，所以自己加左芝士粉配食先ok香辣肉肠特脆批Normal，无乜特别餐厅需大，但想揾起侍应黎都好耐先叫到人...
继续阅读
好耐未试过系pizza hut 堂食lu..今日一行4人大约7pm去到,唔驶5mins就有位啦, 真系好~~叫左:千岛海鲜必胜批 -我个人觉得系pizza hut最好味既pizza, 好多新出既pizza都唔及佢千层肉酱阔条面 -钟意食薯蓉同肉酱既朋友必叫焗田螺薯蓉苹果卷 - 有呍呢嗱+苹果味 外皮几软..好味埋单$294值得一赞系侍应服务几好~~好过好多餐厅的黑面神~~
继续阅读