必勝客

营业中

休息中

試伏得太多次今次再次鼓起勇氣試新嘢今次呢個叫DIP脆批因為有兩個醬畀你點所以叫Dip佢有三款味嘅， 辣肉腸、午餐肉、雞肉因為我哋今次係兩個人食所以就叫咗兩份一份辣肉腸、一份雞肉因為友人之前食過一次話好好食所以可能期望太高頭先佢個面其實有少少似牛角包， 不過薄一啲脆一啲辣肉腸嗰個極鹹， 完全唔知點汁都鹹得好誇張，食完完全係非常擔心緊我個腎雞肉嗰個我覺得好食好多，冇咁鹹而且裏面之士都比較多酥脆雞棒幾好食，重胡椒味， 有少少似鹽酥雞腸仔同薯角就一般味道另外要睇一睇嗰個白色醬其實幾好食我哋用咗嚟點薯角

外賣等嘅時間都算合理，20至30分鐘就攞得，嗌咗芝士脆批，啲芝士份量都幾足夠yummy，啲Pizza拎到返屋企都好好食，佢啱啱做緊迎新優惠大批買一送一，咁個價錢就合理

前兩日起網上定好咗平安夜外賣揀好咗24號夜晚7:30送到屋企點知佢係24號夜晚7:15臨時取消咗我張單其實你哋唔夠人手一系就唔好接咁多單一係就一早取消唔好無啦啦臨時取消平安夜你叫人哋臨時臨急去邊度叫其他外賣反屋企？？

新年嘅時候出嗰款係有8字邊 但係今日冇左😟變番做圓形⭕️不過啲配料都係一樣嘅😝芝味8重奏 芝士控聽個名都一定會想試🧀佢用左八種芝士：巴馬臣芝士、馬蘇里拉芝士、羅馬諾芝士、波羅伏洛芝士、車打芝士、菲塔芝士、蒙特利傑克芝士、忌廉芝士✨但係其實成個Pizza一齊食 啲芝士mix埋晒 都好難食到真係有八款🤣呢個系列有三款🍕魷魷芝味、快高長肉同埋皇牌芝士😚-魷魷芝味🦑 $198我個人食pizza都係鐘意食海鮮款😋魷魚圈嘅份量唔太多 每一塊得一舊🙈蜆肉反而多啲🧐芝士味真係好濃 啖啖都會食到好多芝士‼️所以成個pizza食落都幾溜😟但係佢加左番茄、香桃同埋青瓜落去 感覺即刻fresh左😍佢個base仲有沙律醬 聽落好似更加滯🧐不過我覺得反而好味左 唔係淨得芝士味咁Dry🤤

咸蛋黃熱潮由零食捲到正餐連連鎖pizza店都新出咸蛋黃醬系列實在太忍唔住要試分別有兩款 炸雞 或 炸軟殼蟹食pizza感覺上好似軟殼蟹夾啲於是就叫左外送速遞 2-3人餐中午落單 7點送 原來話有機會7:15送到但估唔到好準時 6:50已經話到2-3人餐包：普通批一個 飲品x2 小食：雞翼拼薯格 加埋會員電子coupon +$1 蒜香肉絲意粉黃色既醬就係咸蛋黃醬 咸蛋味濃 同軟殼蟹好夾軟殼蟹雖然唔太脆 但都叫大舊 啖啖肉大蝦亦都量多 芝心批邊充滿芝士 芝士拉絲辣味雞翼拼薯格溫度只係暖暖地 薯格已經淋晒始終外賣一定無堂食咁好但味道可以的同樣暖暖地 有啲出油但夠蒜味既 配料都夠而意粉亦無過淋餐湯 正常味 同樣唔夠熱個餐加埋$238 3個人share啱啱好

在家休息的星期天，晚上不想外出就叫外賣去。這間的外賣送遞員在到達後漏了汽水，說會補送上，但在差不多一個小時都快要吃完還未送到，在打去分店之下才知道原來沒有再安排人送來。這真是令人十分失望，是不是覺得汽水不重要才完全不理會？不知是送遞員還是分店問題，但這對一間大規模的食店來說真的處理不當。

最近同朋友屋企開party所以就叫左pizza食我係用外賣自取的因為可以有8折用網上訂購同送可樂Tim所以我覺得都得好抵叫左芝士火腿覺得超好味因為唔怕鹹同太甜如果唔夠芝士仲可以要芝心邊個芝士邊好夠料真係口口都知到好多芝士而火腿都好正個皮都唔會太軟及硬都幾鬆軟

今天家裏的晚餐叫了Pizza Hut外賣，因為我們都想嘗試一下新出的鑽石星之批。我們點了這2-3人套餐 ($208)，內容包括：海洋之星普通批，煙肉菠蘿芝士酥和兩客蘑菇忌廉雞湯。海洋之星普通批看上去比一般普通批的面積小很多，這是因為批邊摺成了星星形了吧。把 Pizza拉開時，芝士有牽出絲來，證明芝士份量足夠，而且Pizza的溫度夠熱。這是海鮮批，配料有帆立貝、小龍蝦、蟹柳、西蘭花、車厘茄、菠蘿等。帆立貝和蟹柳經過焗烤，變得很煙韌彈牙，可惜沒什麼味道，有點像在嚼塑膠的感覺。至於小龍蝦則不見蹤影，可能是我吃的那幾片剛好沒有小龍蝦吧。醬汁是海鮮批例牌的千島醬，味道甜中帶少少酸，以中和肥膩感，至於菜單上寫的什麼檸檬黑椒鹽則嘗不太出來。星形批邊是整個pizza最美味的部分，入面包著忌廉芝士，核桃和提子乾。烤得香脆的批邊和軟滑的忌廉芝士內餡，口感外脆內軟。忌廉芝士味道香濃，和提子乾挺合得來，味道咸中帶甜的，可惜我吃不到核桃。煙肉菠蘿芝士酥酥皮焗得金黃鬆脆，有香濃的牛油味。內餡有煙肉、菠蘿和芝士。芝士軟滑，煙肉咸香，菠蘿多汁酸甜。一口咬下去，味道相當有層次感，令人口水直流。可惜酥皮挺油膩的，怕肥人士

芝士七重奏這麼耐以來最好食的pizza,因為很重芝士味而且比平時來的更加好味沒有肉碎及餡料會更好因為更加原汁原味芝士可以食出有數款最出味的是cream cheese 及檸檬芝士味道是最濃味及最香同時亦是這個pizza 的精華Pizza皮很鬆軟又不會過硬過淋的食2片就飽了

好耐無食過pizza hut快餐，今日諗到想食就自己order完落去拎。等20分鐘基本上係可以接受的。呢個係一人餐，海鮮闊條麵加一罐可樂。份量黎講係適中，賣相都正路，燶燶地因為係焗過既關係。問題出現在味道，本身係白汁黎講，加上我以前食過既記憶，係應該白汁忌廉味。食落唔係果回事，入口係有忌廉味，不過伴隨既係濃烈既焗蒜味，直頭好似食緊蒜蓉包咁樣。加上佢個白汁相信落重左牛油同忌廉，未食完已經好溜。希望下次食既時候還我真· 白汁味道。

由於Pizza Hut在星期五、六、日外賣自取有8折，於是我和同事五人（其中兩位胃口好細同事）約定了星期五食Pizza,選了3至4人餐 加了一客我升級忌廉鷄湯，扣實價$220有找，準時一時取餅，我在早十一點二十分落單，熱線小姐Zita (無記錯的話）非常好禮貌幫我落單全，先先第一感覺好正。準時跑到Pizza Hut取餅，店員有禮貌及笑容滿分,過程收錢取餅時間快速，女店員最後還主動問一句「要唔要芝士粉」，好窩心呀!好啦，講番正題，個大厚至尊Pizza, Oh my God, 個餅底溫度和質感適中，沒有油在底紙上，個餅好鬆軟，啲食物材料味道香濃但不油膩，好味道，兩位胃細同事已各吃掉兩件;另外這客天堂級的咖哩鷄飯,飯質感柔軟，香滑的咖哩汁剛剛好鋪滿飯上，鷄肉好滑，最緊要係個咖哩汁的確好野味，其實我至愛的辣味鷄翼和鷄湯仍是最佳水準，唔知係未肚餓，此時此刻對我來說的確是 天 堂 級 美 食

新年期間訂外賣速遞居然要等3個小時, 店方肯定是過肥年吧~網上訂了一份$238套餐再加錢升級買多兩款小食, 付款時知道買滿$200會送多兩罐汽水, 而買滿$280更會送多一盒白汁雞皇飯/意粉。意式風情, 加錢轉芝心批餡料有雞肉、火腿、意式香腸、蘑菇、菠蘿、千島醬...速遞到家後, 當然是立刻開餐, 不過薄餅的溫度已是微暖, 薄餅餡料依然多汁, 千島醬加菠蘿味道酸甜, 餅底鬆軟而不乾, 芝心帶淡淡然的鹹味。跟餐飯/意粉更改為千層肉醬闊麵及海鮮闊條麵是要額外加錢, 可惜最大的敗處是意粉煮得非常腍糊, 縱使醬汁是如何滋味也不能饒恕, 白汁雞皇飯只可說是普通料；反觀原味雞翼算是當晚的驚喜, 隻隻脹卜卜, 厚肉又多雞油, 又軟又嫩好好味!若然不是拜年拜到疲累, 絕對不會餓著肚皮等3小時, 還要用$3XX吃這頓微暖的宵夜晚餐。

(前言請睇葵芳爭鮮外帶壽司食評)尋晚(14-9-2010 Tue)o係女友T屋企食預先慶祝我o既生日晚飯,見男友買o既壽司都唔算少,由T發板話事o係呢o度叫咩o野食啦.佢叫o左一個普通批o既超級至尊,一個海鮮闊條麵同兩個磨菇忌廉湯.叫完後我o地邊食壽司邊等,o岩o岩同T講要等15分鐘,點知就送到o黎喇,真係快.我接手攞,嘩!啲o野好熱o架!T唔飲湯畀o左我同男友飲,一人一碗,忌廉湯仍保持一貫水準啦,但料好少.而超級至尊呢,我好耐冇食呢個喇,T話好鍾意食呢個,因為最多料係佢.我見到o既有橄欖,辣肉腸,洋蔥.食落,真係同其他pizza同啦,呢個特別好食呢.最後係海鮮闊條麵,見到有蝦,其他o既我冇留心睇.食落,唔知係咪太多芝士?好漏呀!我o地每人食一啲都即刻飽晒,夾硬食埋三件壽司,最後都食剩一件pizza畀我9月16日帶返工做lunch.其實唔知幾錢,我諗$150.00o掛.

星期六九點零係青衣放工~見咁夜就費事返屋企煮野食, 邊行去地鐵站邊打左個電話去pizza hut 外賣個海鮮寬條麵~ 諗住返到美孚就岩岩好又得拎~但係call centre 個男仔d對答唔係幾好, 又口窒窒, 星期六又話無特優套餐, 仲話要等成個鐘先有 (平時15分鐘就有架啦~ 佢話星期六晚好多order, 所以要等耐d)本身唔想落order架啦,不過見都打到去,咁就算啦, 照落~點知過左十分鐘去到美孚諗住比左錢先再等, 佢竟然即刻有貨!! 比平時仲快呢~ 仲係熱辣辣tim wor~*所以係呢度要讚下pizza hut 既efficiency!!

明日是考試的大日子, 一早放工回到家, 作最後的衝刺. 為了省時間, 不在區外找食物了, 前兩天收到的Pizza Hut 傳單, 未上樓, 先行過去 Pizza Hut 度 order 番一個自取先.美孚的 Pizza Hut, 不設堂食的, 只是一個專做 delivery 既廚房. 一個人, 又過了5:30 既 Wow! 時段. 只有一人套餐選擇. 而這些套餐, 都是一些焗飯, 焗意粉之樣的東西. 腸胃呼籲我食個飯, 看了一會, 便決定要個焗豬扒飯. 買完, 要等15分鐘. 那就先回家, 放下公文袋, 再回去攞外賣.15分鐘後, 落去取外賣, 原來40元的一份餐, 一樣有 credit card 優惠. 打了一個九折. 回到家, 首要任務, 便是食.打開錫紙盒, 一塊充滿槳粉既連骨豬扒在眼前. 味道, 話說是意大利式, 查實, Pizza Hut 係鬼意大利, 盒面寫既歐陸風味.........Pizza Hut, 係 American modified western food. 說回個扒, 比較薄, 汁亦未夠濃烈, 或許大快樂的焗豬扒飯太過深入民心啦, 我相信, 冇乜邊間野可以妣