影片
电话号码
23877080
营业时间
今日营业
11:00 - 23:00
星期一至四
11:00 - 22:30
星期五至日
11:00 - 23:00
以上资料只供参考，请与餐厅确认详情
当我购买e个餐同净系我讲可以外卖，但我已经即时表示我要堂食，又唔同我讲个餐绝对唔可以堂食就帮我落左单，出餐起初我见佢用外卖盒，我仲以为佢落错咗外卖同堂食姐，之后佢先嚟同我讲返呢个两个餐系只做外卖嘅，咁我算啦，喺度食埋先走啰，最多我自己清理返嘅啫，点之有第二个走出嚟同我讲E个餐咪同你讲左唔可以堂食啰，语气即系要即刻赶我走，如果绝对唔可以喺度食嘅，就一早同我讲啦，我咪嗌过第二个餐啰，唔系买完出哩餐先同我讲，仲要赶我走，我的是第一个反应系咩态度呀而家，到底有冇服务态度嘅训练，有冇基本对答客人嘅技巧？跟住我就问佢哋当值嘅经理话要攞呢个职员嘅Staff Number同埋全名要投诉，跟住个经理呢就好似傻下傻下咁样又唔想讲咁样，最后咪即系净系俾个简称俾我，仲话佢全间铺得呢个同事系咁样称呼嘅。而家系因为一开始冇表明清楚呢个餐系唔可以堂食，系一定一定唔可以堂食，仲要最后赶人走，如果贵公司觉得赶人走，系一场误会嘅，你哋全间公司嘅服务态度都好有问题，成个training部都好有问题，仲要话赶人走个系资深同事，佢应该要重新由新入行学起咩叫服务同沟通技巧，当时你哋𠮶场又唔系爆大把位，好心嘅俾我哋食埋，最多同我哋讲呢个外卖，所以唔该麻烦你哋自己清理返就OK，你话成个场爆嘅，好多人等紧位嘅咁冇嘢讲啫，而家唔系㖞，成个场得𠮶两台客，坐六七张枱喺度，多两个人喺度食嘢帮你坐旺个场唔好咩，唔通你哋钟意成个场冷清清乌蝇都冇只？好啦，希望𠮶间店舖永远都冷冷清清啦，冇人客坐喺度，成间舖员工开工等收工啦。
继续阅读
呢个四芝士pizza 好味系好味大时大节等外卖我知唔会快小妹系用app订app话等90分钟后可到指定分店自取外卖小妹就早左10-15分钟到问下职员话未有 唔紧要等到佢指定时间再问 职员都话未有 都唔紧要 我等多15分钟⋯30分钟⋯都系话未有 前后讲紧等左2个钟有啲客等紧自取外卖已经躁底紧有啲等到唔耐烦要求退钱我完全感受到佢地既躁 因为我都等到躁躁地终于⋯比我等到2个半钟头先拎到个pizza2个半钟 真系等太耐 外卖自取⋯加上见walk in都快过我用app订质疑系咪按订单次序出货其实有好多更好既竞争对手可以选择下次大时大节 唔会再帮衬pizza hut太失望⋯⋯⋯
继续阅读
餐厅：Pizza Hut (屯门)地区：屯门地址：屯门屯门乡事会路2A号 H.A.N.D.S S区3楼S-320B舖日期：11/10/2020 时间：11:00人数：3人等位：(外卖等咗约20分钟）价钱：$70 + 6700 yuu积分最近近储咗啲yuu 积分，所以拎咗去换pizza hut嘅嘢食，5000分换咗个至尊必胜批（普通批）、1700分换咗个意式鸡皇饭，由于佢要先买一样野先可以换，我就再加咗份千层肉酱阔面。个至尊必胜批唔错几好食，正常水准；意式鸡皇饭就虽然啲汁同鸡都几好食，但啲饭太烂；而要比钱嘅千层肉酱阔面反而最麻麻😅可能唔太岩我哋口味。
继续阅读
疫情下，多左叫外卖，Pizza Hut应该好多人叫，尤其新年期间。一朝早就order定，set好7pm到，所以无迟到，一开始肚饿就有得食，几好！好少食pizza薄批，原来真系唔得㗎，人地薄批脆架嘛，佢靭架！食佢既话都系港式厚批好啲！意粉都系咁啦，干干到，佢既货色，无惊喜。
继续阅读
唔知点解由细到大，觉得去食披萨一定要去pizza hut，虽然都知道佢嘅披萨未必系最正宗，但已经食惯咗佢嘅厚批。同埋佢哋成日都有啲期间限定嘅披萨款式。由于屋企人话好耐冇食过芝心批，而咁啱又见到pizza hut新出嘅海鲜松厚批，噉就要去试试啦。是次拣咗喺屯门hands嘅分店。呢间铺头特别在佢系完全自助，包括自己出去落单，仲要自己出去拎餐汤饮品同埋餐具。可能我冇乜留意，但真系比较少见呢种经营方式嘅pizza hut。不过好在煮菜佢哋都会有职员送餐，同埋呢种铺头嘅优点就系不收加一。今次叫咗个四人餐，包括餐汤，蒜香肉丝意粉，葡汁鸡皇焗饭，葡汁焗时蔬，仲有鸡翼肠仔。相信呢几样嘢都唔需要我多介绍喇。唯一要讲就系香辣鸡翼依旧都系好香好辣好好食，仲有肠仔十分脆皮。接下来到今日嘅主角，超必海鲜松厚批。先讲讲个批边，批边面头有啲芝士脆粒，系几唔错嘅。当然今次批边都有芝心，但系个批边芝士就捞埋啲茄汁，茄汁感觉有啲over，搞到批边有啲酸。不过如果你话都钟意食蕃茄嘅话，噉就可以试试嘅。至于披萨中间嘅馅料就系海鲜批，用上千岛酱。好系好在佢都加咗d蜜桃，食落去感觉好fresh，同头先好酸嘅批边有对比，叫做系可以中和返刚才嘅酸味。披萨上嘅海鲜亦都非常足了，有大虾，带子，蚬肉，鱼同鱿鱼等等，食落都几丰富嘅。总结就系呢个披萨都可以一试嘅，不过就担心如果系另一只松厚批无双至尊，配上茄蓉酱而唔系千岛酱嘅话，应该会好鬼酸。
继续阅读