必勝客 (已結業)

Pizza Hut 推出的意式套歺,有2-6人歺,堤供彈性選擇,我們二人份,湯有兩款供選擇,最基本既什菜湯,同忌廉湯.意粉/飯有兩款加一款三文魚沙津三選一,主菜有他他魚,燒春雞和燒排骨,价錢亦跟主菜而定,我們選了燒排骨,另加一个特脆迷你批,此批有兩款選擇,各款食物味道ok,燒排骨不用点燒烤醬已入晒味.…查看更多

星期六晏晝時間唔算多人，唔駛等位。今次主要想試個芝士七重奏批。比較過四人餐同散叫，我地有兩個人唔飲汽水，決定要一個大批加三個午餐比較抵。菠蘿意式香腸批：芝士味好重，個批邊好似炸過咁，趁熱食非常香口，不過一凍左少少就好膩。同埋可能芝士本身有點鹹味加埋煙肉，整體個味就太濃，真係要汽水無限添先至解渴﹝單叫大批 $179﹞烤雞凱撒沙律：D菜都好新鮮，雞無乜味，個醬就幾 okay ﹝配餐湯$59﹞蜜糖雞翼 (6件)拼格格薯塊：雞翼合格，有D似用光波爐燒，不過薯格就又唔熱又唔脆，有D失望，都係 kfc個D好食D海鮮寬條麵：all time favourite，不過今日有D失準，唔夠 creamy，又唔係好夠熱﹝配餐湯$72﹞吞拿魚煙肉腸長通粉：食左兩塊批已經太飽，所以味道只係一般，有D酸有D甜﹝配餐湯$53﹞有三個餐可以配是日餐湯或沙律，另外汽水同款免費添飲。不過今日D伙計太忙，叫左好耐先添一次，等得黎D野都食晒...環境就坐得都舒服，如果早多少少可以坐梳化卡位。…查看更多

到PIZZA HUT食的午餐不一定是食PIZZA, 還有意粉和飯選擇...早少少食, 人潮尚未殺到... 餐廳內大部份是梳化位, 亦有少量卡位, 坐得頗舒適...第一次看到這個水樽... 應該是繁忙時間時, 客人可自行斟水, 不用等候忙得不可開交的服務員幫忙...點了2份歐陸午餐, 龍蝦汁大蝦墨汁意大利飯及西西里肉丸意粉...午餐包餐湯或沙律, 仲有餐飲...意大利菜湯 -- 蕃茄味濃, 口感厚稠, 材料有西芹紅蘿蔔...蘑菇忌廉雞湯 -- 忌廉味濃, 口感厚稠, 材料有雞絲及蘑菇...餐湯跟蒜蓉包 -- PIZZA HUT的蒜蓉包一向好味, 蒜蓉味好香濃, 法包烘得好香脆...七喜 -- 可免費添飲同一款式...凍檸檬茶 -- 檸檬新鮮, 茶味軟淡, 好鍾意個玻璃樽, 好有形... 大大杯, 抵飲...龍蝦汁大蝦墨汁意大利飯 $75 -- 大蝦大大隻, 幾彈牙, 墨汁意大利飯軟腍, 甜甜的, 幾好味... 份量超大, 1個人冇可能食得完...西西里肉丸意粉 $69 -- 西西里肉丸爽口味美, 茄汁味濃, 芝士味香, 意粉略腍, 不夠彈牙...落單的服務員及上菜的服務員均有禮... 飽餐一頓, 是時候繼續努力工作了....…查看更多

團購瘋系列 – 早前見 Pizza Hut facebook fan page 搞咗個 "Tuscani 狂熱即估即賞" 遊戲，猜薄餅食材，就已經估計 Pizza Hut 必定有新搞作。之後從網站發現原來 Pizza Hut 繼上次和團購公司合作，推出「歐陸新意」精選 2 人套餐後，今次又再呈獻另一款 「意式手製薄餅」 精選，反正一客 2 人套餐亦只須 $128， 經濟實惠，就買下和家人來品嚐。其實 Pizza Hut 這次推出的「意式手製薄餅」系列，共有三款口味，包括熱情貝拉、 燒烤滋味及菲達之海，據知熱情貝拉材料有金文畢芝士、燒烤大蘑菇、烤雞及香草醬；而燒烤滋味材料則包括軟忌廉芝士、烤肉腸、火箭菜及燒烤醬；不過見菲達之海材料有大蝦和菠菜，好像更為吸引，就決定試試這款 Feta n Ocean。也說說這次的精選 2 人套餐，除意式手製薄餅外，還包括香蒜肉絲意粉，餐湯兩客及可 refill 汽水兩杯。 Pizza Hut 的蘑菇忌廉雞湯向來都是家人的心頭好，貪其質感濃稠，入口 creamy 得來更夾雜著蘑菇粒，味道不俗。Pizza Hut 的香蒜肉絲意粉，筆者素來不大愛吃，嫌它入口過於乾身，不過這晚的意粉弄得不錯，濃濃的蒜香味令人食慾大增，加上配料分量十足，整體味道也對辦。至於「意式手製薄餅」，原來憑 pizza card 堂食，還會有額外積分優惠，而這次吃的菲達之海薄餅，以香濃茄醬配上鹹香的 Feta Cheese，口味帶點微酸，不過混和著 pizza 面頭的大蝦和菠菜同吃，味道都算唔錯，而且材料方面亦都下得夠慷慨，除菲達芝士、大蝦和菠菜外，還放了不少橄欖、車厘茄及紫洋蔥等，不單彩色繽紛，口感亦非常豐富，不過筆者就始終嫌個批底和批邊焗得唔夠香，有欠脆口。 吃完 pizza，想來一客甜食，點了蘋果卷伴呍呢拿汁 ($32)，一客 5 件的蘋果卷，外層烘至色澤金黃，吃起來香脆可口，而內裡的蘋果肉，質感不會太腍太軟，口感也算不錯，不過若外層改用鬆化香甜的酥皮包裹，再伴上雪糕同吃，相信食味會更加吸引。雖然吃完這「菲達之海」，也無法令筆者體會這意式手製薄餅那份意大利風味，不過若當作一款新口味 pizza 來吃，亦大可不妨一試。…查看更多

團購瘋系列 -- 「必勝客」近年不斷推出新款 Pizza， 甚麼芝士七重奏、富貴必勝批、Pop Pop 批、雙重 Fun 享扭扭批、帶子火山批等等，真叫人目不暇給，而最新的攪作就是推出了一份全新「Grand Menu」，當中有 3 款「歐陸新意」，包括：金黃炸魚薯條，全份醬燒嫩豬仔骨配薯條沙律、半隻烤雞配薯條沙律；另外更有 5 款至尊系列必勝批。據說為了配合這份新餐單，Pizza Hut 破天荒推出團購優惠，只須付出 $128 便可享用炸魚薯條或烤雞套餐，而付出 $168 則可一試豬仔骨套餐。反正筆者平日總會有一、兩晚與家人外出用膳，加上知老公愛吃烤豬仔骨，所以亦買了這份餐讓他品嚐。由於團購券只限周一至四使用，決定選個星期四，趁兒子仍未考 final， 來 Pizza Hut 試試這份 Baby Back Ribs。 先說說這次的優惠套餐，當中包括餐湯兩客、 9” 夏威夷風光批一個、醬燒嫩豬仔骨配薯條沙律一客及可 refill 汽水兩杯。餐湯可於意大利菜湯或蘑菇忌廉雞湯中任擇一款，由於家人向來怕酸，慣性動作點了後者，喝了一口，味道調較適中，口感滑滑的，質感亦夠稠身，不俗。薄餅款式只得夏威夷風光，即係無得揀，不過可選鬆厚批或薄脆批底。以個人來說，其實較愛厚批多一點，總嫌「必勝客」的薄脆批底有欠口感，不過老公卻認為薄批較香脆，好，又就吓你。所謂夏威夷風光，材料非常簡單，只得菠蘿、火腿，很夏日的配搭，只可惜配料實在太少了，加上過薄的批底，入口似吃餅乾多一點，說不上好吃。終於來到了主菜醬燒嫩豬仔骨配薯條沙律，翻看餐牌，原來這份 full slab ribs 現正做 promotion， 單點都只是 $128， 價錢非常合理，不過當然要試試質素如何。講真這份豬仔骨的味道確實是調校得不錯，入口香濃惹味，討人喜愛，只可惜用刀細切之下，發現原來這豬仔骨的肉質卻是另一回事，不單衹要花費很大力氣才能把骨肉分離，吃時更要手口並用才不至於像老鼠拉龜般，不知從何入口，確是有點失望，猶幸伴碟的薯條，香脆可口。筆者雖然向來細食，但由於這晚有兒子同行，加上見餐牌有多款惹人垂涎的炸物，所以也另點了份精選推介，香焗小食拼盤 ($64) 與家人分享。原來這客拼盤，正如 kinder 出奇蛋般，一次過可滿足三個願望，既有酥鬆香脆的酥炸蝴蝶蝦；也有小巧的骰、一啖一條的意式迷你腸；當然還有肉質嫩滑又不油膩、香辣開胃的秘製雞中翼。講真，這次吃的 ribs 並非如想像般出色，反而另點的香焗小食拼盤，味道不俗，有機會的話，倒想再來試試 menu 中另外 2 款「歐陸新意」的炸魚及烤雞，看看是否能帶來點驚喜。…查看更多

那天熊媽去完北角攞OpenRice禮品後, 還未夠時間到熊爸的lunch hour, 熊媽自己一隻熊由北角步行到康怡吉之島來kill time。 夠鐘啦, 熊爸現身啦~ 兩隻熊就行遍吉之島及康怡廣場, 最想選擇一些食肆是屋企留下沒有的, 可惜通通都要排長龍, 連最愛的Outback都因為full booking而要企到有人買單離開才到walk in 客入座, 熊媽問過櫃枱小姐憑經驗要等多久, 她說要45分鐘之久所以熊爸熊媽只好幫襯旁邊那間較少人排隊的Pizza Hut, 五分鐘都不用便可入座全日汽水免費添飲, 聽落好似好正, 講真又飲到幾多杯呀!!?? 因住有糖尿病呀...熊爸熊媽都係添過一次咋:) 要留意的是添飲之汽水需為同一款式。歐陸午餐每款包括餐湯1客 (配蒜蓉包2片) 或迷你凱撒沙律 + 29款主食任選1款 + 餐飲1杯, 加$9可選酥皮意大利菜湯或酥皮蘑菇忌廉雞湯29款主食之一: 香蒜肉絲意粉$49...經典之作而味道依然美, 意粉彈牙煙韌, 濃郁的香蒜油也多, 肉粒好味。29款主食之二: 海鮮寬條麵$68...最愛那濃郁而不膩的蒜蓉牛油白汁, 與寬條麵同吃更覺口感豐富, 煙韌彈牙, 焗到微焦的部分可說是全意粉最好吃的地方, 奶奶地甜甜地的焦位, yummy 海鮮料有魷魚粒、魚肉、蝦仁, 唔會死實實。蒜蓉包2片, 這碟是兩份午餐的份量, 蒜蓉包烘得乾脆, 蒜蓉油都能滲入包裏, 好味酥皮蘑菇忌廉雞湯酥皮好容易脫下來, 不算鬆脆, 也不會太油, 忌廉湯裏有少許雞粒及蘑菇, 只可說是普通不過的湯。堂食另收加一服務費 …查看更多

這一陣子，室外氣温動輒就超逾三十度以上，而且天氣經常作打風，害得怕熱的我，連週末也不想外出覓食。星期六本想到住處附近的茶餐廳吃頓快餐，但老公竟提議到康怡廣場的 Pizza Hut 吃下午茶，那就隨他的意思好了。雖然已提早咗 15 分鐘出門口，到達商場地下層，內裡幾間食肆包括「東湖」、「元氣」、Pizza Hut 等，門外都已站滿輪候的食客，幸而只需等約 10 分鐘，便可入座。由於愛美的兒子要留在家中整妝，稍後才到，我和老公就先點了兩份下午茶餐。年輕的男店員突然問我們是否有渣打信用卡，原來用這卡結帳，可享買二送一優惠，但翻閱檯上所有餐牌，也沒發現提及此項折扣，幸虧這小伙子以客為本，那麼為客人著想，細心提點，真讓人窩心。至於所點的茶餐，其實都是一般大路貨色，跟餐的所謂意大利蔬菜湯，其實咪即係帶點蕃茄風味的羅宋湯，不過個湯入口頗酸，而且湯身甚稀，幸好內裡菜蔬煮得夠腍，但整體來說，味道還只是一般。另一客忌廉雞湯，反而較得我心，雖然內裡磨菇不多，但勝在質感夠稠，入口夠濃夠 creamy， 水準不俗。這個菠菜雞皇長通粉 ($51)，味道都算唔錯，每條通粉均沾上白汁，加上煮得軟硬適中，真係恰到好處。筆者尤其喜愛通粉面頭的杏片，份量下得頗多，而且極之香口，配上軟腍的雞肉、健康的菠菜，感覺十分良好。至於兒子點的葡汁雞皇焗飯 ($51)，見個樣幾有誠意，似模似樣，雖然我一向都無乜飯癮，也吃了幾口。好可惜個葡汁吃來味道實在過淡，只是空有其色而沒有其味，猶幸內裡雞肉仍算軟滑。另外，個千島海鮮薄餅 ($56)，老公就揀咗個薄脆批底，配料方面，完全說不上豐富，蝦、魷魚、蟹柳，份量簡直少得令人有點沮喪，好彩個餅底烤得非常香脆，口味甜甜酸酸的，食落都幾開胃。飲品方面，我和兒子都愛喝汽水，當然選了可無限 refill 的百事和忌廉，至於老公點的凍檸茶，用個有耳玻璃瓶盛載，頗為特別，而且夠曬大杯，可惜飲落茶味極淡，味道只是一般。幸好這次埋單有買二送一優惠，所以也十分抵食。…查看更多

好耐冇幫襯康怡呢間 pizza hut, 今次經過康怡見其他地方都好多人, 就入左去, 兩人只係叫左個 pizza, 意粉同小食拼盤, 味道同其他地區 pizza hut 大同小異, 不過值得讚既係, 上菜速度, 服務態度到好好, 比起以前既超差服務真係大大有改善..!…查看更多

太古有兩間必勝客，不過始終太古城果間比較多人等，我曾經想過點解，但得唔到答案，但過左今日呢一餐，我終於明白話說康怡呢間我同家人去過好多次，佢的好處係唔需要等位，而食物水準無咩大問題今日都唔例外，即使響晚飯時間都只係七成滿我地叫左二人餐同一人餐+兩個甜品今日的食物來講，水準屬一般：Pizza：一般水準，印象不大蒜蓉包：本是期待之作，可惜今日的蒜蓉包唔夠熱，失分唔少雞槌：感覺唔錯，值得再試忌廉湯：都係一般百事可樂：可能係今日最好的野，飲左兩杯（不過平時飲一杯．．．可能係太多味精吧？）甜品：一般，同埋食得唔係太開心本來一餐普普通通的晚餐，真係無咩值得寫，問題係佢地在問題處理方面令我不滿話說我響落單時已經落左甜品，唔知道係我地講得唔清楚定店員無落到單，竟然連續送錯左三次，要第四次先送到正確的甜品來平心而論，作為餐廳來講，出現錯單情況可能係平常事，我都明白可能忙中有錯，所以我都好耐心俾左幾次機會，希望佢可以俾正確的甜品，但是店員響查過電腦，再次送錯後，沒有再跟進係邊一種甜品，呢一點就令我失望（如果真係唔肯定的，正確的做法係拿餐牌同我對一下，而唔係靠估，估唔中又浪費食物同時間，佢又無癮，我好似做緊壞事咁）而到埋單時，都係有位員工忍唔住講左少少說話．．．雖然內容唔清楚，但內心不太好受看一間餐廳，除了食物之外，其他的配套都好重要，就好似一個樂團一樣，如果有一環出錯，就會令整首音樂出現問題，即使其他地方做得好都會大打折扣如非必要，都唔會再幫襯這間必勝客了，下次還是去太古城那間．或是叫外賣算了．．．…查看更多

pizza hut 係咩味,相信大家都食過,但最驚就係佢D水準好飄忽.今日又去食Lunch,要車打海鮮焗飯,只有一個字-- 非常漏, 一半都食唔晒, 而且cream味極重, 海鮮如蝦仁,尢魚等非常細及雪藏貨.意大利菜湯不錯,蕃茄味可再濃少少. 至尊細批有多料,但樣樣的味都不濃,麻麻,底亦太厚.至於dessert的忌廉泡芙,好輕盈, 沒有肥膩感.對比平時,今次pizza hut 的食物麻麻,lee間要諗下先再幫襯…查看更多

前排佢寄樓既傳單有張87蚊 2人餐優惠,就諗住搵日lunch食下la,因為都好耐冇食過pizza hut d野,打電話就叫左個至尊普通批+香蒜肉絲意粉+忌廉雞湯因為打電話自己拎,自己就到時間,去到岩岩好,等佢pick好過d唔算真係等la~~:)番到去打開仲熱,意粉就差d,岩岩夠暖,但食既時候就知出事lo...:(先食個批...嘩...一食落去...冇味...淡到咩味都冇,明明有青椒,豬肉,牛肉呢d料,但係一d味都冇...而且個批一d都唔鬆,好硬,硬得黎唔係脆個種...食左半已經唔想再食(唔係因為飽)...跟住到個香蒜肉絲意粉,同我上次係康怡芝脆雞到外賣既差得遠...其一,個名叫就叫肉絲,不過似肉粒多過肉絲,而且都係冇味...其二,意粉超乾同硬...好似冇煮熟禁...食落去要大大力先食到...,其三,一d香蒜都冇...人地芝脆雞個d一打開已經有香蒜味出黎,呢個一打開咩味都冇...有料但冇味..玩咩...:(最後到個湯,可以接受,而且夠熱,有忌廉香味總結黎講...唔係因為貪佢87蚊平平地既話,咪搞我,芝脆雞冇折既價錢同佢差唔多,但質數好好多...(2間野都係康怡地下)…查看更多

若果不是有同事話黎 Pizza hut食意粉，我情願到隔離的 Outback,或是另外一面的 Ruby Tuesday，因為食 Lunch set 度度都係一百蚊有找，無咩分別。Pizza hut係點，唔再多講了。不過我叫的 $77 set，我幾滿意個主菜和小食。 咖喱炸雞扒意粉：咖喱汁是分開上的，用來點雞和撈意粉都唔錯。炸雞扒竟然有三塊，雖然唔係好大塊，不過未食已經加晒分。雞扒竟然係新鮮炸起，又趣、又滑、又多肉汁，Pizza hut來說簡直係水準之作。鬆皮咖喱雞卷：這就是小食，只夠吃三口，真是太少太少了。不過，外皮有豐富的牛油味，亦是新鮮造的，十分可口。連加一$85，以今天的質素，短期內可以再來食 Lunch。…查看更多

兒子忙著預備考試，不願外出吃飯，唯有做廿四孝媽媽，外購些他喜愛的薄餅及意粉等回家作午膳。加國風光迷你批 ($33) -- 迷你批直徑太約6吋，已分成4件，批底可選薄脆或鬆厚，由於喜愛吃香口的食物，所以選了薄脆批底，回到家裏吃時，覺得批底都算夠薄，脆得嚟帶點硬，有點像在吃克力架餅乾。至於個批的材料就很簡單，包括有煙肉、粟米和辣肉腸，而中心的餡料就用上味道酸酸甜甜令人開胃的千島醬，作為輕怡的午餐也無不可葡汁雞皇焗飯 ($36) -- 葡汁味很濃，吃下去有一點點甜的味道，不過雞肉就很嚡口，面層葡汁內有一些紅蘿蔔和青椒作點綴，而底下的飯仍熱辣辣兼飯粒分明，如果葡汁可以多放一些，用來撈飯吃也不錯吞拿魚煙肉腸螺絲粉 ($36) -- 螺絲粉上鋪著用蕃茄醬做成的茄汁，內裏有吞拿魚肉碎及煙肉腸，不過螺絲粉煮得腍了一點，個茄汁底非常惹味，吃起來也頗開胃蘑菇忌廉雞湯 (跟餐) -- 跟餐的忌廉湯當然不會有佷高的要求，因為沒奶油和忌廉的香味，但總覺得 Pizza Hut 的忌廉湯已比同區的 Pizza Box 及 Cheese Pizza 黏稠，可以收貨的了朱古力慕絲 (免費) -- 每杯 mousse 內都有粒士多啤梨作裝飾，賣相頗為精緻，面頭的朱古力粉帶輕微的苦味，不過下面的慕絲就又甜又滑，有種先苦後甜的感覺，也是一個不錯的嘗試，如果不是免費送的，每杯要 $15, 但分量似乎就小了一點。記得曾看過亞視的「開心大發現」教人做朱古力慕絲，於打蛋白的時候加入少量醋或檸檬汁，會令蛋白更加亮身，增加硬度和穩定性，避免因打過時而變回液體狀態，慕絲就會更好吃了，如果你想自己做這甜品也不妨試試由於有優惠券的關係，兩客1人套餐附送的朱古力慕絲是免費送贈的，所以上述全部食品只需 $105, 在家輕輕鬆鬆地吃一餐又不用和中午吃飯的人潮互相擁擠 ，也是一件快樂的事。…查看更多

已很沒有到Pizza hut食飯了,今天經過見餐牌有新菜式 - 芝士白汁雞皇焗墨汁意大利飯,所以入去一試叫了兩個午餐(包餐湯及蒜蓉包) : (1)千層肉醬闊麵 - 這個闊麵的麵質做得不好,又沒有加芝士去焗,所以不太好味:((2)芝士白汁雞皇焗墨汁意大利飯 - 雖然顏色不太好看,因為啲飯係黑色, 但味道也不錯:)不過反而餐飲- 熱薑蜜,充滿薑汁及蜜糖味,就有啲驚喜!…查看更多

呢間pizza hut 我去過都幾次kar lar....以為佢會有進步la...seriously, d 服務態度係我人生中食過ge pizza hut 最差.... 其實我都幾鐘意食pizza hut....but 除左康怡呢間law...有次同屋企人(total 6個)一齊去食...唔係冇位gor wor....要我等左大半個鐘先有位law!! 咩事ar....仲要一句唔好意思都冇.....最近個次同d fd 去食....我地食完埋單...個waiter 眼定定望住我地: "下..?? 埋單lar?".............係pizza hut 食過 lunch 都好多次...佢除左pizza 同焗野之外...其他普通個d 意粉真係難食到嘔.......!! 就咁叮返熱就算.....自己整/求其一間茶餐廳都好食過佢...如果去呢附近食pizza hut....我建議去太古城個間算吧啦...…查看更多