影片
以上资料只供参考，请与餐厅确认详情
食家推介
招牌菜
因为食过佢地中环的店，所以知道佢尖沙咀开了就再嚟帮衬，可惜都颇失望。首先环境可以，但因为订了枱所以上二楼。不知是否是第一枱客，无开冷气咁。男洗手间环境差，无厕所水之余仲要坏尿兜。侍应唔知系唔系做开茶餐厅，我点2个𩠌都无，咁就问佢系唔系无鲜腐竹啦，佢都应该唔知系咩嚟，话有腐皮卷。之后落单又落错咗过同一材料但唔同煮法嘅𩠌。成餐好似变成食四川茶咁。酸辣汤只有辣无酸，仲要好辣，我最终放弃了。担担面无花生酱，唯有个百页豆腐好d. 好失望。
继续阅读
有吃素的朋友在这店吃过，她说食物不错，现在有下午茶七折优惠，所以再约我们来吃。优惠只做星期一至五，并且要用现金结帐。店内陈设有古典风味，天花上挂上油纸伞，红红黄黄很别致。餐牌的设计也古式古香，非常优雅。点心纸内分别有蒸、煎焗、炸三大类点心可选。我们四人，有些点心只有三件，点心的件数也可按人头增加，我们偏向吃香口的食物，于是点了三款煎焗的点心，蒸点只要了一款，再加两个面食及一款甜品。五香咸水角，角皮软糯，烟烟韧韧，上台时仍保持热度，要小心烫口。芋丝野菌春卷，春卷皮炸得很脆，馅料胀满，野菌份量很足够。萝卜丝酥饼，一层一层松化的外层，包裹著一丝一丝雪白的萝卜丝，口感丰满，即做即吃，吃得滋味。素翅小笼包，四大只，每只都包裹著一梳梳素翅，又有一点点素肉，包内的汁液也丰富，只是包皮较厚。川风担担面，最好味是汤底，有著浓郁的川麻味，但又不至于太辣，只是一点一点在口腔内体现出来，面质烟韧弹牙，那些素肉粒、炸菜粒、花生粒等的味道都带咸味，混合在汤内味道又被中和了，渴了一口又忍不住喝第二口。菜远香菇汤拉面，上台闻到阵阵花菇味，花菇大大只，肉厚味香，菜远嫩绿，拉面爽口，汤底也鲜甜。吃完咸食，来个甜品结尾。枣茸千层糕，枣茸的味道很足，糕身晶莹剔透，口感烟韧，甜度浓郁，要趁热吃才好吃。这餐下午茶每人80元左右，有7折就很抵食，食物也不错。
继续阅读
非常之好食，难得食斋可以咁好食真系要试，不过你预服务态度差到不得了琴日佛诞book定枱4个人食，去到叫乜冇乜，记唔到exactly 乜野冇货但至少叫10样冇4样佢一句话"厨房话冇唔关我事"就算。其实我明白"dont shoot the messenger"，不过d语气讲到好似冇得食系道理，有得食系比面你之后我地再叫多碟 (因为落完单转头问完厨房话冇货) ，我地叫佢问清楚系咪冇货先，废事失望同埋早d谂定下一样做backup。佢就话一定有啦唔洗惊，唔洗咁劳气。听完呢句真系嬲到，不过算啦佛誔我唔想揾交嗌后生弋几个都仲ok, 老d弋个呀叔真系好串。如果你系好似澳牛弋种串得嚟系讲道理既，咁我就ok。但你佛诞做餐厅卖斋+11：30AM (佢地11点开，当时冇乜客，所以一定唔系当日卖晒) 都可以冇货，仲要好似我错咁，你叫我点唔好劳气
继续阅读
难得尖沙咀揾到一间素食点心放假特登十一点左右到达到达后，餐厅职员告知冇订位未必有位虽然我哋大家都见到两层楼一只手都数得晒有几多枱客 不过如果佢话冇位 我哋其实都无所谓尖沙咀咁多嘢食 咪食其他啰佢谂咗一阵 就话有位带我哋上咗2楼期间系咁讲话今日好多人book位Errr .. 得啦知㗎喇 其实我哋都系食个早餐就走我哋两个人一共叫咗三碟点心 一个陈村粉食物质素还好 第一次食素食感觉几得意陈村粉唔记得咗影相卖相唔太吸引 但味道可以期间职员一直好殷勤收走蒸笼睇到我哋食晒啲嘢就直接收埋我哋啲碗碟暗示我哋快啲埋单其实有落单到食嘢 都冇45分钟饮个茶都要俾人赶唔知仲以为佢真系爆场其实所谓嘅「好多人book位」都系三台客咁样嘅服务态度 无论食物做得几好 真系不了 绝对唔会推介
继续阅读
食过好多间素点心，黎黎去去都系得素包素饺素炒面，一系就全部炸野。呢间点心好比heart去整，素烧卖无夹硬用d假肉去包，用左唔同种类嘅菜反而更加健康好味！最surprise系个珍珠鸡，荷叶味好香，个馅好似出面酒楼𠮶d，但系无咁多味精，非常惊喜！担担面花生味浓，有d麻辣味，朋友唔钟意麻辣味，我就觉得比起其他餐厅更加出色，又平又好食！希望其他人觉得食素唔系净系得烚菜同沙律，无论素食者同荤食者都可以黎试下😋
继续阅读