影片
同事因肠胃病休息了1天，回来唯有陪她食得清淡一点，免得她肚仔负担重又要请病假，大家辛苦。终于在商场找到这家店，是一间现代粥店。可能是基于营运成本的理由，这里没有油条、肠粉，取而代之有芒果布丁和红豆冰凉粉。不过这也是合情合理，在商场租金高昂的情况下，食市不能卖令客人饱肚又低价的食品，否则必定亏本！我们3个人选了1个2人餐，包括：1大煲粥、1碟炒饭、1份小食、2个甜品、2杯饮品，每项都提供2至3个选择，都算不错。「杞子猪膶竹丝鸡粥」-竹丝鸡比较少肉，想食肉就要食猪膶；而猪膶切得薄，容易熟又不怕煮'老'了，合格；最出色的是杞子，又大粒又甜，令这煲粥都很甜！食的时候，我们都不用加任何调味料！很喜欢！要赞！ 「姜粒五虾炒饭」-爱食虾的人都只爱食新鲜的，明虾实在难满足，不过这炒饭还加了虾子，事情就不一样了！有点惹味又未至于太浓，算吸引的！ 如果这炒饭能够再干身一点就更好！至于小食，我们选了「蚬介炸鲮鱼球」，我认为不合格，由卖相到质感也不太理想，索性不放相了！ 甜品算不错，「红豆冰凉粉」更是意料之外 ，或许是我们误会了「红豆凉粉冰」，所以感到份外惊讶 ！ 不过，味道是好的，不算太甜，红豆软柔，感觉良好，凉粉也是细细粒，挺有特色，可试！ 完成了整个餐，对2个一般食量的人加1个病人来说，份量也算足够，$148 - OK！
继续阅读
平日好少机会行过荔枝角一带，今日同男友去攞团购，顺便周围贡，贡下贡下去左升悦广场个边揾野食啦！时间太约7点左右，个商场人流唔算多，餐厅都未有人等位，我同男友考虑左一阵就拣左心粥馆啦！餐厅环境设计简单，台与台之间唔算阔落，但台够大，我地2个人都比张4人台我地，可能职员们见到我地攞住几大袋战利品！讲番食物先～我地今晚拣左$138霸王鸡餐，𩠌菜包括一碟鸡、一碟自选小菜、饭及饮品（冻饮+$2）：主菜：霸王鸡豉油汁味，鸡肉明显系冰鲜鸡仲系有阵浓浓的雪味，所以我要点好多汁，肉质都系一段，有D"嚼劲"胜在份量够多，2个人差D食唔晒！主菜：西兰花班块都系有阵雪味，又系胜在份量够多！菜意想不到几好食，无"叔"味！饭点解要介绍饭？因为佢份量真系好足够！仲系软硬适中！饮品应该系冲出来，好既系无药水味，仲有D果肉咬下！几好饮，饮完唔口渴！
继续阅读
今日难得约左好纸美AB喺荔枝角食午饭~~本身谂住去锯扒,后来因少少意外所以误闯此地雷为怕午市时段多人~所以我早左少少去揾位,见间餐厅都算大,有inside and outside ,两者其实分别唔大~只系有冇玻璃隔住既分别我见人唔算多~问服务员小姐可唔可以坐outside,佢答我而家唔开~(我心谂可能夜晚先开~)SO~我理解,佢跟手话入面仲有好多位,叫我入去坐~OKOK…坐落纸美未到,就睇住餐牌先~款式算多~有粥粉面饭仲有汤~睇落好吸引~本来谂住叫半只鸡~见到佢有海南鸡饭餐就放弃念头~!纸美终于到~我地决定点几个午市套餐~唔知系咪点单同上菜的服务员系分开工作呢~所以我地叫极D服务员都唔系咁睬我地~认左你又话要等等~足足5分钟都冇人理~!!好忙啰~!辛苦落左单~等大阵终于有得食~海南鸡饭餐 – 有油饭同白饭拣,我就点左油饭,奇怪佢D油饭都冇咩鸡味,心谂可能白饭味仲淡,D鸡真系干到唔信~连纸美B斋睇都觉得会好鞋口~果然食落真系硬到冇得顶~!OH~NO!!暴殄天物!服务员小姐问我饮乜野,我就答佢饮中汤,佢居然答我呢个餐冇汤跟..吓~我都系第一次听到~~!唔系呀化~所以我唯有问佢有乜野可以拣LA~佢就答我:咖啡茶可力华田果D啰~仲有D特饮你自己睇下...~.吓~~乜咁麦太...纸美B的星洲炒米餐 – 超级油~而且冇咩香味~!!感觉好差~食左大半成都冇再食了~纸美A竹筒咸鱼鸡粒炒饭餐 – 上枱时只系一碟炒饭,我地三个都以为系送错枱,就同服务员小姐讲,佢话系呢碟呀~!仲讲得出个名~我地话乜唔系竹筒上咩?佢够胆话今日D竹筒用晒~咁上都一样姐~!!(吓..唔系呀化~)纸美A冇我咁麻烦,佢话息事宁人㖞,佢话个饭食落只系冇左D竹味~其余既就同出面既咸鱼鸡粒炒饭冇分别~只系油左少少~~全餐最美味既我谂系佢的油菜~烚得啱啱好唔会太老太黄~!仲有少少爽口TIM!除左我的海南鸡饭其他两碟都冇心机拍照,因为真系太令人无奈~饮品我最后点了红葡萄柚子茶,初头以为系乜野新出品,最后得黎的只系一杯柚子茶~唔系呀化~仲要劲甜~真唔明点解堂食都要用胶棒棒~一拎起可能D水太热,所以连支棒头都溶溶地~oh…no…纸美A点左冬瓜茶,又系甜到飞起~要用清水冲冲佢先入得口~洗唔洗咁重手先?!难得既一个相聚时刻我觉得真系浪费左~~食完拿拿林埋单~真系要记得下次唔好再黎~
继续阅读
唔会再嚟呢间，睇下图中物件你就知咩事：1. 招呼客人杯水啲水有色嘅，个杯有鼓油积嘅，咁都俾得个客嘅？卫生情度极差！2. 睇下碟肠粉，冇剪细条 ，只得几粒芝麻同些少甜酱，连麻酱都欠奉，斋肠真系咁斋？究竟系呢间铺嘅员工懒同求其？定系呢个饮食集团管理差？唔知，我只知我唔会去第二次！
继续阅读
天气好!! 晨早黎荔枝角近月新开幕o既Jusco百货逛逛…回程时近中午, 简单食埋饭先返屋企…哈!!小小外甥女系”百兰氏”…经过见<心粥馆>门前餐牌见有海南鸡饭早已锁定目标…好在附近工商区放饭o既人潮未现, 入到黎大把位任坐…海南鸡饭套餐 ($45)…可选油饭或白饭, 跟餐附送油菜及饮品(特饮或冷饮要加钱)…都好丰富咁, 鸡卖相不俗, 吾会厚厚肥鸡皮, 妹妹对味道亦赞不绝口, 好享受!!状元及第粥套餐 ($38) …以传统煲仔上, 材料丰富, 肉丸猪腰猪肚猪粉肠猪肝样样齐, 粥底细绵, 家姐赞好; 仲有小食一客, 要左肠粉, 只一般, 吾算细滑, 反而觉得个甜酱几好味!!水饺捞面 ($29) …虾肉大大只亦爽口, 不过可能都系叫汤面好D…捞面个蚝油太甜吾多好味, 面饼好大份, 不过吾够爽身, 整体麻麻地!!祝各位丰衣足食!!
继续阅读