心滿意粥 (已結業)

這是一間非常有人情味的小店，老板超好人，客人都係街坊。最正就係即叫即拉的腸粉，仲有油條都你新鮮做，真係幾好味，食物質素高，值得再就光顧，而且好抵食，我和朋友兩人都無食左大約$75，仲食到好飽。但可以改善的地方就係衛生，不過都好過同區好多茶餐廳。希望這種小店可以長做因爲同區真係無咩粥店。

今日黎到大埔😊見天氣凍凍地⛄️❄️又想食平d就試左呢間😊雖然環境普普通通..但老闆好和藹可親👍🏿亦好有禮貌👍🏿👍🏿無特別影相..只係影左𢳂左出黎既一少碗....呢個生滾魚腩粥好好味😋$30大大碗❤️魚腩好新鮮好滑...平時出面食多數都好韌.....仲有佢d布拉腸粉..都好值得推介..好滑❤️今次試左鮮蝦腸同叉燒腸😋我家小寶寶食特滑拉腸都食左大半碟😂仲外賣左一碗比佢明天食😋

之前經過寶湖商場嘅電梯口，見到一個得意嘅紙牌寫住『心滿意粥』。對於粥唔係太有興趣，但小心啲睇原來佢仲有十幾款『布拉腸粉』，由普通嘅叉燒腸，炸兩，到合體嘅叉燒炸兩腸都有。大埔向來有唔少腸粉鋪，由皮光肉滑嘅陳漢記，到走皺皮腸路線嘅有口馥都各有所好。呢間小店又如何呢？雖然係街坊格局，但醬料都齊備嘅。齋腸，呢度做得夠滑同夠薄，比唔少地方好，但米香未拍得住陳漢記。以呢個價錢係值得一試。叉燒炸兩腸，以為叉燒喺入面係我嘅妄想。味道係ok 嘅，只係油炸鬼唔夠脆。下次有空會再試其餘蒸腸粉。

因為近日fb見到中學同學提起呢間粥店，所以特別帶自己同事遠自港島區朋友試下，本身自己又唔係太好食粥，但近來食得比較清淡，過去試完後一試難忘，個粥(皮蛋艇仔粥同及弟粥)好綿，入味，另外還叫了碟雞蛋腸粉，生菜，食落口好滑，今天又去食中學同學話好味既雲吞面，同左媽媽去，今次都係叫粥(皮蛋艇仔粥)，雲吞米粉，生菜同牛肉腸，個雲吞米粉真心好味，粥都一樣，不過牛肉腸d牛肉有待改善，消費又唔貴，真心值得推介!分別2次都係7x蚊，就食到甘多野

因為做嘢嘅緣故嚟到呢度附近，天氣開始入秋又着唔夠衫，有啲凍，抬頭見到呢間街坊嘅粥品小店，想暖一暖身就決定入去一試。鋪面好簡潔，一入去老闆就好親民同友善咁問我想食啲咩🙂我叫咗一個$28嘅優惠粥套餐。要咗皮蛋艇仔粥 配 齋腸。粥唔太綿又唔太稀，雖然比出面粥店既足料度同味道稍為遜色，但係係普通屋企煲既感覺。齋腸好普通，不太滑，我諗專長不是腸粉吧。眼見有幾個街坊坐喺度同老闆吹水，應該係老食客。現在這些粥品小店已愈來愈少了，我個人就唔係好鍾意中式食物但就好鍾意食粥，希望呢啲粥店品小店唔會比時代而吞嚥。

今日同老公去大埔行街，行到下午四點左右見有d肚餓，就打算食小小野。係寶湖商場兜咗一個圈，見呢間新開位置比較隱蔽嘅粥鋪好抵食，而且見幾多人去食，就入去試下！因為唔係好肚餓，所以我地兩個人坐低嗌咗一個特價套餐，老公食皮蛋瘦肉粥，份量正常，我食鮮肉片腸粉，都係$26，算平價之選腸粉肉片份量都幾多，腸粉幾滑，不過不失，老闆娘好熱情問我覺得個腸粉味道點，話係即叫即拉嘅可惜掛住食唔記得影下相📸之後又有多個選擇！下次會再帮襯