影片
以上资料只供参考，请与餐厅确认详情
今日因为工作，所以入到荃湾海滨。呢度嘅餐厅唔多，感觉都系家庭式经营，或者专做呢一个小区嘅餐厅。行上咗屋苑平台，见到呢间泰国嘢觉得性价比几高，一个午餐大概$55左右，所以再入去试吓。同同事嗌咗几款小食，包括猪颈肉、炸虾饼、无骨凤爪、串烧，我又嗌咗海南鸡饭同埋珍多冰。佢哋嘅泰式味道都几正宗同九龙城嘅差唔多，但系价钱就平20几至30几蚊，所以我先话性价比高😂海南鸡都几滑，我好快就食完，就冇影相😂😂😂小食入面我最钟意无骨凤爪同炸虾饼，因为我唔系好食得辣，所以呢个凤爪超啱我不过地方真系比较吊脚，唔系住附近/有事要做都未必过嚟食，如果偶尔行开过嚟嘅朋友，不妨一试👍 支持小店，支持香港人。
继续阅读
平时都有去唔同餐厅食海南鸡饭，间间都话正宗，但今次朋友叫我去哩间试下，好开心，真系好有惊喜，哩间个海南鸡饭，d鸡好淋，肉质好滑，平时唔食鸡皮既我都忍唔住要食埋去。真心正
继续阅读
系我在荃湾吃过最性价比高的餐厅，有时候和父母家人，4个人吃2人餐再加小食都不会话我消费不足，因为我吃得不多。佢d 沙律是多的，吃面可以转菜底，满足到我呢d 怕肥又想吃多几样野的人。佢个鸡翅系好吃的。另外下午茶有紫薯波波，拼其他野，另外海南鸡饭是好吃的，鸡嫩，个汁系惹味的，仲可以叫个迷你版，都系28蚊倒。香港人翻内地吃喝玩乐，都系因为性价比高，但有时候翻去一转大陆都几累，如果我再揾到性价比高的餐厅，再写食评如果要讲不足的就是土地问题，因为铺细，不会坐的宽倘。我没相，因为我心血来潮坐住地铁写的。
继续阅读
入座唔洗点等，但出餐就等得有D耐。尼间系朋友介绍，味道不错，性价比都几好睇佢客流量就知！！出餐耐既原因，厨师一边处理外卖订单，另一边就处理堂食客人。我知好食既野系要等，但估唔到要等咁耐。最后因为公司放LUNCH时间差唔多完，所以急急脚咁食***温馨提示***如果LUNCH时间少的，可以提早嗌定再去拎，节省好多等待的时间。
继续阅读
123326082022，今日都系去荃湾海滨花园，位于二楼平台既泰国菜。十二点几食晏时间，系由于入面坐位有限都等左15分钟先有得入去。由于太多人等左5分钟先有人落单，但唔紧要啦小店就是人手不足。我点左个黄咖喱牛肋条饭，再加个椰汁冰，大约5分钟就送到上枱，卖相都都好吸引，先试一试个咖喱非常之香，有点似九龙城个d咁，而且都系唔辣，牛肋条就其实系牛肋粒，不过味道都几好牛肉味比较重而且炆得刚刚好。椰汁冰都几足料，椰香同椰汁味都好浓👍
继续阅读