影片
以上资料只供参考，请与餐厅确认详情
西营盘B1出口行过去大约10分钟，地点都算易揾，不过要行斜路，都还好😄 餐厅铺仔细细，下午茶嘅时候得老板娘一个，落单就咁大叫就得啦😜好钟意咁casual嘅感觉🤭见到*陕西油泼裤带面*个名咁得意一于试吓见到图片都系得啲面，真系唔期望佢好食，应该都似系打卡feel😂 套餐A（裤带面配葱油猪扒跟埋饮品都只系$60！裤袋面可以选择辣度，叫咗BB辣试下，都好够辣👍🏻嚟到嘅时候超！级！香！面条烟韧弹牙！好好食👍🏻👍🏻 葱油猪扒食落去明显冇落梳打粉拿过👍🏻大件夹抵食，好正！*陕西酥皮干层夹馍*老潼关肉夹饶$38 ，呢款外层劲酥脆包住里面青椒同猪肉，个人本身钟意食青椒，但系觉得如果青椒变青瓜口感应该会好好多😄再叫咗个泡椒陈醋凤爪，见到其他人啲相嘅凤爪系偏白，而我𠮶啲系偏啡，我估应该浸咗好耐😂泡椒味唔突出，钟意陈醋嘅可以试吓😁热嘅菊花罗汉果茶暖笠笠又系好正🥰
继续阅读
自从上年去完西安之后，就对陕西菜念念不忘。今日过咗嚟呢度食午餐$60个一个餐，包晒呢三样嘢，一个食，一个𩠌，一杯嘢饮。豆浆好香，唔知系咪有另外加咗啲嘢落去，同平时饮啲豆浆𠮶味有啲唔同，我觉得特别好味～跟住到个葱油猪扒，意想不到地好食！好松软，个皮剪得好脆，葱油好香，最后食完啲猪扒，啲葱油忍唔住都倒埋落去捞面。最后就系个面，超钟意食佢个质地，我唔太食得辣，就叫咗小辣，有啲辣椒粉同辣椒油，我觉得如果再香浓啲会好啲，但系我都唔知点样调味，不过我都好满意👍🏻
继续阅读
收工同男朋友返屋企嘅时候经过呢间心意小馆，其实都见过佢几次门口有只熊猫几得意，俾佢门口陕西油泼裤带面张poster吸引到，决定买外卖返屋企食，外卖自取仲有九折添👍🏻👍🏻套餐A: 陕西油泼裤带配葱油猪扒 $60平时都算几食得辣所以就嗌咗中辣，裤带面系好似阔条嘅粉皮，配埋辣酱同青瓜捞埋一齐食好重口味，葱油猪扒都好香，猪扒好林煎到㶶边好好食😋套装B: 葱油捞面配香菇鲜肉饺 $52葱油捞面本身系唔辣嘅，不过事头婆知道我哋钟意食辣，就送埋麻辣酱，个人觉得一定要加麻辣酱令到成个捞面更加升华！不过佢嘅香菇鲜肉饺个皮太厚，冇咩特别。另加小食南乳炸鸡翼两只 $18反而炸鸡翼好好食，外面炸得酥脆，都有南乳嘅香味👍🏻
继续阅读
今日开工去到西环，走过第二街见到一间小小的店，刚好是午餐时间，不想走回大街同人逼食饭，比我系度见到有间陕西菜小店，就入去试一试，红油寛面条套餐$60, 在港岛区价钱合理，有一碗面条，一份好足份量既葱油猪排，一杯自家做的罗汉果茶，我叫左小辣，如果平时食潭X 米线小辣既朋友可以系度食到中辣以上，一上枱见到红油寛面，好地道，猪排上面好多葱，正！红油面味道足够，我整人好中意食葱同芫荽，不过依度就两样都冇，感觉就系差左果一小小，猪排一入口就系家庭的味道，绝同有别一般餐厅一入口的松肉粉和鸡粉味，罗汉果茶就小甜，爱甜浓味的朋友就会觉得差小小，整体黎讲值得一试，不过铺头唔大，人手得老板一个，可能等既时间会多D, 我会下次再去试下其他野👍🏾👍🏾
继续阅读
南乳鸡翼脆卜卜，肉质鲜美，青瓜爽口清甜，好味。香卤猪仔骨饭，排骨其貌不扬，食落原来非一般口味，咬落香软又够juicy, 教人喜出望外！好黄酒药膳鸡面酒香面滑鸡有咬口，值得再试！葱油淋鸡令人惊喜：切鸡很滋味，肉质嫩幼不粗糙！葱油惹味，饭都食多啲！秘制泡椒鸡脚少少辣，多多脆，有骨落地。菊花罗汉果茶清甜滋润，甜度洽到好处！抵赞。
继续阅读