影片
港铁荃湾西站 B 出口, 步行约13分钟
继续阅读
电话号码
24161118
附加资料
每日下午6点后小菜外卖自取8折
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
荃湾广场百老汇戏院附近食早餐都有几多选择今次拣咗 心怡鸡煲小厨茶餐厅式早餐，沙爹牛面 三文治待应态度好好我知要慢慢拣 （我好烦，拣野食要好耐）无吹我不特止，仲问我想食包定面引导我拣🤣仲要好温柔话呢到三文治蛋好厚好正（图下 睇下厚唔厚🤣）沙爹牛呢方便我已经系半个专家🤣味道一般，不过都挂汁既～二人价钱～～面餐 $35腿蛋治餐 $32两个都系热饮唔洗加钱（因为今日太冻）
继续阅读
地方就响荃湾广场戏院出口对面～餐厅入面地方大，出面有几张露天卡位～可以带狗狗黎食饭🐶🐶不过因为小菜馆比较多男人黎食，可能会比较嘈同粗鲁🤣🤣职员热情爽快会介绍有咩好野食～价钱唔算系好平但每样份量都好多～🙈🙈3,4个人黎会易d叫𩠌～除非两个都ok大食🤓我特别推荐粟米鱼肚羹同黄金鲜鱿真系必食！粟米鱼肚羹超多鱼肚，好多蛋花～超满足！😌另外黄金鲜鱿鱿鱼新鲜，外层黄金咸蛋黄整得好好唔会甩晒，又唔会好咸超正！
继续阅读
椒盐金钱鳝片 - 平时d椒盐好少见有鳝片食, 所以今次叫左黎试下. 黎到份量都算多, 但系食落椒盐味唔够重, 佢既椒盐系得炸蒜同埋盐/蒜盐, 但系冇葱头呀辣椒呀个d ge, 所以略嫌唔够味. d鳝鱼肉有少少少少腥(但系可以接受既), 咁食得鳝大家都预左系有中间旧骨仔. 呢碟算一般🤔下次应该唔会再嗌啫啫通菜煲 - 我好中意食大排档小炒既啫啫或者煲仔菜系列, 热住上劲开心🤭最中意食热辣辣既野! 呢个啫啫通菜煲就好够味啦, typical ge啫啫味😂! 通菜好挂汁,入面仲有d虾干仔同肉碎(有d系肥猪肉有d系瘦肉), 同埋d通菜一齐食都好好味川爆柏叶鹅肠 - 我地都几中意食鹅肠, 成日去小炒都会嗌, 今次见到平时少见既川爆又试下先! 佢系同埋洋葱尖椒西芹一齐炒, 只辣酱系有少少甜甜地, 辣度系bbbb辣, 唔麻既, 呢只辣味我就唔系中意, 唔系四川个d辣, 系一个对我黎讲怪怪地既辣味🤔 但系🧑🏻🦱就话佢觉得几好食. 讲下主角先, 鹅肠系多d牛柏叶系少d ge, 份量都可以但唔算多. 其他配菜洋葱尖椒都几好食, 洋葱虽然未煮到好稔好熟, 但都好甜! 尖椒就周不时有几只系坚有辣味👍🏻 (西芹我唔食既就冇食😂) 不过其实d蔬菜都系系咁意炒下, 唔系好入味同埋都系仲爽既(个人中意食熟d稔身d)烧汁猪颈肉 - 呢个系因为想食有肉既野就拣左呢个, 个汁系甜甜地咸咸地, 猪颈肉都入味, 几好食! 不过猪颈肉有时有d肥得滞既位食落就有少少靭, 但唔多既, 整体都好食! 佢都系同洋葱西芹青椒炒, 呢碟既洋葱劲好食🤣好甜
继续阅读
上半场食左日本野，但系唔得，好彩我哋只系叫左几样小食同啤酒，食完𠮶转就走。由于之后要睇戏，所以我哋都系附近揾。行过几间见到有啤酒饮就入去。之前食左少少野，所以不太饿，就咁叫左两味送啤酒。我点左小炒皇因为有菜，有nuts, 有海味干，重有肉，乜都有又香口，送酒一流。朋友跟店员确认啲鹅肠系冰鲜就点左䜴椒牛柏叶鹅肠，另外再加两支Asahi.首先嚟系小炒皇，都香口嘅，不过有少少太咸，但还可以接受。到个鹅肠嚟时，我发觉只有鹅肠冇牛柏叶，唔知系店员落错单定厨房整错，佢想拎走我哋立即叫住。最怕系叫厨房整过⋯⋯只食鹅肠冇柏叶都冇问题，最大问题系冇乜味，连啲洋葱青红椒都好淡口。一碟太咸，一碟冇乜味，唔通我要两碟捞埋一齐食？
继续阅读
今晚天气转凉，见到餐厅外写住羊腩煲招客，谂住都应该系招牌菜，才会咁大个牌，就入去试吓，点知就中伏😡坐定定就立即叫咗个羊腩煲送生菜🥬，有腐乳酱，价钱$418，心谂米芝莲坤记都系收$328，佢哋竟然收咁贵，因此都有啲期望⋯⋯看到汤底都浓郁，炸枝竹非常都入味，点知食到马蹄，非常细粒又唔好食，重点系主角～烟熏过的羊肉，羊皮超级韧，完全食唔到，羊肉仲有几件黑色, 完全冇羊味道😤😤😡😡又贵又难食, 一出门口就气愤，点解可以咁差，浪费食材，唔会再去，冇下次啰⋯⋯
继续阅读