心心美食 (已結業)

今日去堂食，見到有燒味粉麵套餐，咁就叫亞姨落單，佢回答我係話燒味只可配飯，只有丸類先可跟粉麵，我就問佢點解你地係寫住粉麵餐，佢聲大夾惡話佢地係咁規矩，我都算數，咪叫第二樣嘢囉，過咗5分鐘，對面枱既中學生叫亞姨幫佢落燒肉幼麵，亞姨就落單，我即刻問佢，點解唔比我落，中學生叫就得，佢就話唔知點解🤬🤬🤬🤬🤬呢個亞姨係咪有問題🤬🤬🤬🤬仲要叫個亞叔嚟兇我，呢間咁既茶餐廳，大家諗清楚好冇幫襯，最後叫咗碗紅腸蛋米，難食到嘔

這是一間十分難食的餐廳，相信全香港來說，這家的難食程度可算數一數二，想不到不起眼的小地方竟然可以在全港垃圾食店排行榜佔一領導地位。曾經好食過一排，特別係椒鹽豬扒，可惜之後愈做愈爛，試過叫碟炒米粉，見到個樣我完全唔敢夾來食，很懷疑個廚識唔識煮嘢食的。我每次經過心中都有個念頭，點解咁難食的餐廳仲未執？

返工前經過，有時間食個快餐就走進了這街坊餐廳。妹妹見餐牌寫早餐有薯餅就叫了扒餐，而我就想飽肚些，所以叫了麵餐，因為見佢寫明係福麵。扒餐唔錯，蛋夠滑，扒都大塊，薯餅可以再脆啲就好。福麵好食，配料要腸仔都好有心思，割一半十字花再煎，睇得出廚師有落功夫，睇到都開心，侍應姐姐又好健談，街坊餐廳來說，絕對值得一讚。