315
31
29
港铁旺角站 D2 出口, 步行约1分钟 继续阅读
电话号码
36203980
51035109
开饭介绍
以潮州小吃为主的小店,餐牌上虽然只有十多款食物,但大都是很少听过的风味小吃,如手工捻面猴丶菜茶丶潮式生腌海鲜及小米饺等。 继续阅读
付款方式
Visa Master AlipayHK 支付宝 现金 银联
座位数目
100
其他资料
深夜营业
酒精饮料
自带酒水
切蛋糕费
电话订座
外卖服务
加一服务费
当面支付
食记 (407)
等级4 2019-09-29
452 浏览
小猪,将去法国比赛。她说,想吃炸蚝饼。这夜,咱俩,去旺角 - 心夜来潮。长方形的木枱木凳,衬以中式灯笼,以及饶富中国风的摆设,挺有特色的﹗ 图文并茂的餐牌,教人看得垂涎三尺,目不暇给﹗全新系列 - 啫王之王,除了数款常见的啫煲外,还有甚麽「农家火焰鱼」、「火焰燘鸭煲」等,挺有气势的菜式。 牙签木盒,刻有少数民族的图案。 趁年轻,就要尽情任性。咸蛋黄宝宝宝$98,一碟三味。鲜鱿、银鱼和鸡软骨沾上咸蛋黄薄浆炸至金黄香脆,伙酒吃一流也﹗可惜,我等不是杜康之辈,只能以茶代酒了﹗ 传统鸭蛋煎蚝烙$86,甫见卖相,已然知道必然脆卜卜了﹗传统潮州餐厅多选用鸭蛋煎蚝烙,相比鸡蛋,煎出来的蚝烙色泽较为金黄,味道也更为浓郁。咬一口,表层边沿极其酥脆香口,内里尽是鲜嫩的蚝仔。  踏入秋天,餐厅也推出煲你新品。她说,想吃豉汁啫白鳝$168。一煲的啫白鳝,份量着实不少,还有不少的支竹﹗支竹煮得十分入味,啖啖肉的白鳝肉质鲜爽嫩且弹牙,教人回味不已﹗ 继续阅读
(以上食记乃用户个人意见 , 并不代表OpenRice之观点。)
等级4 2019-08-13
1347 浏览
放工同男朋友行下旺中,行完旺角之後搵嘢食🙆🏻🙆🏻系旺中对面就见到呢间食潮州嘢嘅铺头,睇落好似几有心咁,就上咗去试吓啦🙆🏻🙆🏻不过上两层楼梯真系有啲攰🤦🏻‍♀️上到去装修都几靓,都几多人食架!不过多数都系一大班人,咁样可以叫多啲餸吖嘛🤤🤤🤤不过唔紧要,我同男朋友两个人都好食得😁😁奇味啫啫大肠呢个大肠食落真系会上左引甘系甘食🤤🤤一上菜用热砂煲上,认真超级香🤤🤤佢配埋好多香口既配菜一齐炒,食完大肠仲可以食配菜!😎😎海底椰百合响螺龙骨汤呢个汤都系用砂煲上!😎感觉好高质😂😂😂佢有劲多料系底,认真系真材实料!👏🏻饮落唔会好咸,唔系味精汤😍😍传统鸭旦煎蚝烙呢个蚝烙可以话系整得岩岩好!唔会整到太乾,保留到蚝仔既水份😍😍而且食落蚝既份量都好多,岩晒中意食蚝既我😁😁😁咸蛋黄宝宝宝究竟宝宝宝系啲咩,就唔话你地知等你估下啦😁😁!只可以讲,真系好香口🤤🤤好好送饭同埋饮啤酒!👍🏻👍🏻👍🏻咸蛋黄好足料,唔知以为唔洗钱!😎😎😎食左甘多野加埋500蚊都唔洗!🤑🤑认真高质又抵食🤑🤑 继续阅读
(以上食记乃用户个人意见 , 并不代表OpenRice之观点。)
等级4 2019-07-23
619 浏览
同成班朋友食饭, 净系谂食咩,成日都谂到头都大埋,咁啱见到网上有人介绍旺角嘅呢一间心夜来潮, 评价都似乎唔错, 一於去试下。非常多选择,样样都好想试,真系好苦恼。见到每枱客都有嗌嘅酱卤鹅肠,食落非常肥美,酱汁香浓,但系唔会太咸,而且鹅肠好 爽脆 ,非常新鲜。打冷当然要叫鸭蛋炸蚝饼啦,呢度嘅蚝饼都相当出色,炸得啱啱好,唔会太油腻,而且每粒蚝仔都好大粒,非常肥美鲜味。我哋仲叫咗个卜卜蚬煲,每粒花甲都好大只 ,每只都大过个五蚊银 ,肉质鲜甜, 汤底就用咗粟米粉丝芹菜等等, 加埋蚬嘅甜味 ,令个汤都好好饮, 忍唔住清晒啲汤。而呢一个原只土窑手撕鸡,系即叫即蒸 ,用咗荷叶包实原只鸡,鸡肉鲜嫩肥美 ,好香嘅香料味,捞饭一 底 流。主食方面,我哋就叫咗呢一个沙锅潮州粥,可以选择唔同嘅配料,加入粥底。我哋就选择咗肉蟹鲜虾同咸猪骨, 肉蟹非常多膏, 肉质好甜 ,蟹膏融入粥底,令到个粥底变得金黄色,而且鲜虾都非常弹牙爽口, 加埋鲜甜嘅粥,令人忍唔住一碗接一碗咁食。成餐 都食得好丰富好饱,不过围返都系每人二百蚊松啲, 以旺角嚟讲,仲食到咁多海鲜,呢个价钱都几抵食。 继续阅读
(以上食记乃用户个人意见 , 并不代表OpenRice之观点。)
等级3 2019-10-10
22 浏览
作为一个潮州人出街食潮州嘢系非常之普通嘅一件事今日黎到呢间食晒字嘅心夜来潮就叫佢几味招牌潮洲菜黎试一试黎到嘅时候都系六点半左右未算系好多客人胡椒猪肚汤系平时喺屋企都会食到嘅汤屋企煮嘅时候会落咸菜佢就用左白萝卜感觉冇咁热气同埋更加入味胡椒味亦都好够食返几味卤味就梗架啦因为只系两个人黎食只系叫左个双拼-猪耳同豆腐份量都唔错呀见到menu幅相就忍唔住要叫嘅炒饭黑松露味好够但系咸蛋黄略嫌少左少少(但咸蛋白系多嘅)最後系热气之最嘅蚝饼!食蚝饼最惊成旧粉食落口佢就唔会喇啖啖都有蚝咁制十分足料嘅一味餸! 继续阅读
(以上食记乃用户个人意见 , 并不代表OpenRice之观点。)
等级3 2019-10-01
25 浏览
今日行经旺角,枱头一望天开始黑,望反落黎见到「心夜来潮」!记得中学时期有位朋友系潮州人,成日放学去佢屋企hea~丫姨总会好热情甘整啲炒粉面黎食,好怀念!好!就会一会你啦!一打开餐牌,寻寻觅觅见到个潮州炒米粉!呢个梗系一定叫啦!潮州嘢无理由唔叫卤水鹅!跟住重叫左个白果猪肚汤!整多碟辣酒煮花螺!叫完野食无耐好快上齐哂野食!正~!先讲我最期待嘅潮州炒米粉!真系好有同学妈咪既味道!加入左鱿鱼同虾米两个潮州大特色落米粉炒!而且炒得好乾身香口!一流~~辣酒煮花螺连煲仔上!大煲到!我地两个人食到。第一次觉得食下酒菜会食饱😂🤣白果猪肚汤,一上黎即刻整啖汤饮下先!👍🏻👍🏻!整返个隐藏食法!加入去辣酒煮花螺个煲到滚两滚~~~~又多样野送酒!例牌卤水鹅!鹅片一啲都唔会过肥!点埋白云凤爪个只酸醋汁。一旧接一旧。K!O!今晚碟碟都甘大碟!肥哂!够「潮」!I like it! 继续阅读
(以上食记乃用户个人意见 , 并不代表OpenRice之观点。)