影片
营业时间
今日营业
06:00 - 23:00
星期一至日
06:00 - 23:00
以上资料只供参考，请与餐厅确认详情
免茶免免加一晚餐，真系好抵食！尤其是食海鲜，我食个果海鲜孖宝龙虾+龙趸再加条通菜，好大碟，一家三个人食够晒，好抵食！见到好多其他客人都叫炖汤，下次要试吓呢个炖汤再加小菜先。值得一推……..
继续阅读
屋企人好钟意嚟呢度饮茶食饭。上一次同佢哋嚟，我亦觉得抵食食物质素算中上服务唔错满意嘅。之后我亦极力推荐俾我啲朋友。今晚要去接妈妈机，所以先叫爸爸去攞位。去到嘅时候爸爸话话已经last call𠮶阵时系9:00pm. 网上系写11:00打烊，我就当你10点打烊九点就嗌last call？我去到嘅时候系9:07pm问一个较为上年纪嘅唔知部长定经理想叫多一只文昌鸡，佢就话厨房收咗！斩只鸡啫！？想叫支啤酒佢掉头就走。后尾叫一个年纪轻返啲嘅可唔可以帮我问吓厨房斩只鸡俾我得唔得？佢真系帮我问问完落咗单俾我，我都系做饮食而家生意咁难做人人都嗌北上，但系呢位唔知经理定部长就唔志在做，可能佢哋唔使追数啩？换着俾我做多100就系100！我哋成日讲嘅customer experience, 香港几时可以做得返？我自己嘅舖头宗旨写11点收你10:59行入嚟我都要做你𠮶张单！This is what we called “go that extra step!”我哋食到9:36pm, 又有一个唔知经理定部长走过嚟：你哋啲嘢上齐晒就出去俾钱先，我哋要埋数！我仲食紧饭，你要预先埋数嘅你攞张单过嚟帮我埋单唔系要我食食吓饭行出去个柜台度埋单！食到个胃顶住我哋卒之9:50离开，因为又有另外一个走过嚟，你哋要食快啲啦，跟住佢哋开始熄灯赶客！去到停车场攞埋架车去做优惠，佢哋话过咗钟冇优惠！𠮶阵时10:01优惠做到10点！本来有间相熟嘅酒楼，知道我妈妈今晚返嚟话要请我妈妈食饭，讲到明几夜都可以嚟！咁你话而家食饭系咪一系北上一系要去相熟嘅酒楼？大家都系做饮食！可唔可以争气啲呢？我哋做饮食最忌食物做得几好都好，楼面招呼唔得就一定死得！你自己赶客！因为冇人愿意俾钱嚟受气！
继续阅读
屋企人中意去酒楼食饭既话呢间系一个唔错既选择，晚市免茶芥免加一选择又多坐得又舒服，基本上每款𩠌都唔过一百，又劲大碟片皮鸭系你面前片$168 一只，加60蚊仲可以整埋个鸭丝炒韭菜花薯仔牛柳粒，薯仔大大粒虽然唔脆但系酒楼质素算系咁上下福建炒饭超大碟，味道正常发挥，汁同饭既比例都好足4个人食，样样都食唔晒要打包，所以真系大份夹扺食👍
继续阅读
复活节假期留港消费，和爸妈及长辈们到苏屋邨这间德馨苑海鲜酒家饮下午茶，2:00已经门外已经坐满茶客取票等入座，听长辈们说这间酒楼一向做街坊生意，味道不错，又抵食，所以顾客大多是长者为主。我们叫了不少点心，当中「萝卜丝大饼」比较特别，真的外脆内软，而且份量也大，足够几个人分享来吃。还有「瑶柱珍珠鸡」、「蟹籽烧卖王」、「流沙奶皇包」我也觉得不错。最后我们六人一共叫了十多款点心，但也只是300多元，即每人50多元，我觉得都好抵食，难怪下午茶时段座无虚席。
继续阅读
今天下午3:16我(下午茶3:30完)去位于苏屋邨的德兴苑海鲜酒家饮下午茶，我咁迟去因为在3:16饮下午茶就有大把枱可以唔使搭枱，不喜欢搭枱因为怕啲公公婆婆向住我们咳因此会染疫。我见有咁多空枱我便对一男一女侍应说我会如过住一样会光顾超过200元(因为好似那些公公婆婆叫小小嘢食坐成个下午凉泠气当然要搭枱啦！)，我问侍应可否坐那张2人空枱(我有2人)，2个待应都齐声说公司规定任何人都要搭枱！其实在此之前曽经试过那间分店经理说过: "不搭枱的话: 走！走！走！" 那么今次我们祗好搭枱啦。在这里应该赞一赞坐我们对面的茶客知我们惊全程袛咳过一次，以前的知你们怕会不停向住你咳！因为就够钟下午茶完结所以一坐低就马上叫嘢食，我比咗2张纸待应一，第一张是点心纸，第二张是粉红色午市炒粉面纸，我选了干炒牛河，过了一会该待应退番张粉红色纸叫我用蓝色纸选过干炒牛河，其实她可以在电脑下午茶时段直接入干炒牛河而无须要我再填过！过了再一会她又来说没有河粉，我等到3:50见一款点心都未来便去check单，发觉原来该待应在退粉红色午市炒粉面纸时连那张点心纸一齐退而没有通知我们，那么我明知无用我都去我认为是分店经理的人投诉，他见我来就系度呻鼻涕，我真系有点怕，因为我没有载囗罩，当然正如我所预料他没有理会啦！结果因为过了下午茶时段而没有点心吃!
继续阅读