德釗記茶餐廳 (已結業)

我男友叫咗个常餐,𠮶块牛油面包里面加送咗一条毛系里面啰!!望到直头想反胃咁滞!!(好彩系打开块包望一望先.,仲未食...我见到咁情况亦都唔想换个块包,怕佢拎起条毛.,比返呢一块包我哋.,所以走嘅时候先向个侍应反映)...最乞人憎嘅系佢嘅态度,完全当无事发生...扮睇唔到仲向d 灯下面照~扮要睇清楚,仲讲咗句:啊~头发嚟嘅啫~{跟本一望已经望到条毛啦~仲扮睇唔到,唔好意思都无句”唔会有下次啰!!...}…查看更多

呢间茶餐厅咁多年来都一直咁干净企理 坐得舒服又自在留意佢D糖,辣椒油D樽咁干净就知 台下放碗筷既柜都好干净 下午茶抵食 份量不小奶茶一流 最少俾出名既兰记个杯又黑又苦的好好多又香又滑 又够热 佢杯奶茶系要叹 炒粉面好够镬气 唔好以为下午茶无诚意好细 个炒饭都OK 唔会太油 饭亦炒得粒粒分明干牛河就系叫午餐既 大大碟 好够镬气 肉亦不少 有个阿姐好好人 见我大肚 主动俾多杯热水叫我洗餐具 街坊茶记都可以好Warm 提一提佢下午茶星期六2:30-6点都有做 值得一试…查看更多

以后都唔会再黎.......... 一碗双拼牛腩牛筋面得一旧牛筋..... 同叫云呑鱼蛋面得一粒鱼蛋有乜分别.......同个吖姐讲仲要唔理人 态度差...... 劣评😡😡😡😡😡…查看更多

喺香港地食早餐A系一件平常不过嘅事，来来去去都系火腿通粉、煎蛋煎香肠配牛油方包，再加多杯冻柠茶。呢道嘅火腿通粉汤底一向偏淡，淡口啲感觉都健康啲，但嗜味者如我，会稍为调一调味，其实，除咗落盐之外，大家可以试吓落豉油再加少少糖再加少少胡椒粉，试吓你就知道好味道！不过我始终都系钟意火腿系碎上，而呢度就系切成三角形有两片。至于煎蛋，喺食唔同嘅茶餐厅都不停咁讲，今时今日啲水吧好少再用煎pan煎蛋，所以煎蛋脆边难求！而煎香肠火喉亦唔系太够，其实，所谓嘅煎香肠根本就系放落去油镬炸，炸得火候够嘅香肠因为收干咗少少水，所以味道好香浓好好食，可能又系制作时间嘅关系，炸得够香嘅香肠已经好少食得到。呢两个要求，喺我细细个住公共屋邨楼下𠮶间茶餐厅，每朝都做得到，只系基本要求！！讲到呢度个早餐A咁普通，点解仲要介绍呢？其实，我好欣赏呢度侍应阿姐嘅服务态度，非常殷勤有礼，当我提出想支持环保要求走饮筒，佢真系听咗入耳，完全唔会系耳边风，今次已经唔系第一次要求走飮筒，佢每次都能做到。利申：就梗系要带返个头盔先，因为我比较晏落嚟食早餐，所以算系非繁忙时间，所以，如果要见证阿姐真正嘅实力，可能下次要试吓午餐繁忙事时！阿姐，好欣赏你对工作嘅热诚，加油！…查看更多

真系好耐冇嚟呢间食饭,原因系食晏时间真系唔想爬门口果几级楼梯.今日见到好少人完全唔使等位,而且觉得自己脚力充足,精神饱满,就再去食多次.今朝早起身已经决定咗要食回锅肉,入到去二话不说即刻点左份,叫做四季回锅肉饭.呢间比起其他茶餐厅好似贵咗少少.首先嚟咗例汤,系猪骨红萝卜蜜枣汤,一开始望落去以为冇乜料,用匙羹𢳂一下先至发觉原来非常多汤渣,都算系真材实料.饮到材料既味,唔似有味精.回锅肉好快就跟住上,叫得做四季回锅肉,我预计应该有四季豆喇,竟然无.咁到底个"四季"系乜嘢意思呢.回锅肉超级肥,每块肉差唔多有一半都系肥膏,当然唔系纵横相间𠮶种,纯粹系左边肥,右边瘦.偶尔会有瘦少少嘅肉,但系外面铺满油,肉质就非常干同埋鞋.我以为回锅肉必有嘅豆腐干就不见踪影.虽然我钟意食肥腻嘢,但都觉得可以倒走一啲油先至上碟.辣椒切碎同猪肉一齐炒,但猪肉唔入味,沾到辣椒嘅肉非常辣,沾唔到嘅就完全唔辣.椰菜软硬适中,青椒红椒就过生,仲好脆口.可能因为坐得近门口完全感觉唔到有冷气,食完即刻埋单走人.…查看更多