德記香港仔粉麵茶餐室 (已結業)

叫佢送個外賣 落完單報完地址 就話一個餐咁少？咁嫌少咪唔好送 平時都係度叫外賣架啦 你一早講我咪唔比咁多生意你做囉呢間野d咁既態度真係夠曬差 我未試過叫外賣會比人話少 打開門做生意唔係咁囉

噚晚同女朋友分左手，一個人去左牛頭角“德記粉麵茶餐廳室”，我叫左碟餐肉蛋飯，餐肉有好多塊，味道幾好，無煎過籠；雙蛋都ok,但D汁就真係太多，好似湯咁，濕達達，不過尚算okay。

早排同老友行過牛頭角發現開了間新店，店名叫德記潮州粉麵餐廳好像都係香港仔集團，大家又肚餓所以就入左黎試下啦我叫咗潮州四寶河，老友叫鳯城水餃麵四寶河有齊魚片，魚皮餃、豬肉丸、墨魚丸同埋魚蛋各有1粒，魚蛋爽滑有魚味，墨魚丸真係好彈性豬肉丸也算彈牙, 也有豬肉味, 其他餸料普通的貨色！河粉係幼身個隻，湯底帶點點清甜不膩的感覺我食咗老友水餃麵其中一粒水餃水餃皮薄好足料，入面有木耳，而且水餃粒粒包得紮實顯得個水餃更有趙口,蝦肉十分爽口,味道算是不錯的價錢其實算是一般, 加多八元就可以凍或者熱飲即係套餐四十元以下,不太平又不太貴環境乾淨，店舖小幾擠逼，有2人位及4人圓檯佢營業時間由朝九至零晨兩點仲有早餐同下午茶，下次會再黎試埋其它食物

正所謂一日之計在於晨, 所以食個令早餐對Vi黎講係好重要既!今日經過呢間新開既茶餐廳, 見到坐滿人, 所以買番個外賣早餐試下~早餐選擇都有好多, 總共有成9個早餐set揀, 因為買外賣怕湯面會林, 所以揀左西式早餐,腸仔炒滑蛋+牛油多士+熱奶茶($26+1),外賣加$1~本身見個餐好小野怕會唔飽,點知原來份量都幾大, 腸仔有2條,炒滑蛋都好大份, 而且炒得半熟, 仲有蛋汁流出黎,幾滑幾好味, 不過腸仔就好咸, 要夾埋炒蛋一齊食先得~而多士烘左底, 牛油落得幾重手, 不過外賣食既時候多士已經林左~餐飲既熱奶茶做得不太好, 唔夠滑而且Vi飲到有d咸味.....食完呢份早餐超飽, 可以開始一天的工作了

路經牛頭角涷涷地又餓餓地找點吃行過附近間見到間新開粉麵店,一於入去醫肚望一陣餐牌,就要了牛三寶河好快熱辣辣嘅河粉送上,睇賣相就加不少分牛三寶材料豐富有齊牛腩,牛筋,金錢肚全很入味, 牛腩鬆軟, 半肥瘦,唔會嚡口無黐牙同隔離街出名牛腩靚都吾及呢度牛筋是富含膠質的部位,入口軟嫩再試個牛肚,爽口好入味而河粉是平平無奇但湯底是沒有味精的, 算是清甜的店鋪小小的但是店家收拾得很乾淨加杯凍飲都係四十六元，算可以我最喜歡就係半夜三間食粉麵下次路過一定再黎