影片
自驾游大屿山一日游，由早到黄昏，一路食一路行，专登系每个地方食小小，食到「收工」为止，可以尽量试多啲美食。其实呢啲小店，食啲小食真的无乜好讲，但系呢间主理人嘅态度.同食物嘅价钱，真系令我『刮目相看』，而佢哋仲要喺「佛门」内开档，真系阿弥陀佛。入去「心经简林」时，见到好多间都系食「豆腐花」，行完出嚟，谂住整返碗之余再啪啲小食，远见嘅间门口有个阿姐喺炸嘢，咁咪去睇下，咁我哋拣咗～鱼蛋串，墨丸串，同司华力肠，我女友指住串鱼蛋，问佢呢啲系咪炸架 ？姐姐话，可炸可不炸，再加重语气问，咁系咪炸？我话系，咁我问～我哋唔可以入去座？同埋系咪人去等？佢无回应，炸左前后唔够十秒话「捞」果三串野俾我哋，我问几多钱？佢话～$90，真系打咗个突，三串咁嘅嘢$90？咁佢都炸咗，我讲乜都无用，唯有入去座低慢慢食，入到去再叫二碗豆腐花，几钱都好，都唔差佢～每碗$22，二碗$44。跟住我周围望下，好似除咗豆腐花，其他嘢「好似」系无标价，真系任佢『㓥』。其实对住呢啲咁有「性格」嘅老板娘，同天价食物，仲边度有心机理佢好唔好食。串物加豆腐花～$134今餐对我嚟讲嘅价值系～$0，请我都唔会再嚟第一你嘅然收咁嘅价钱，最起码『笑面迎人』，但无，好似我求你俾食物我哋咁。第二，我去咗成个大屿山都无人「滥收」费用，而你哋真系当自己喺尖沙咀开档咁。
继续阅读
出品唔得，食物质素和味道较差。叫左一碗牛肉米粉48蚊，里面的料少之又少，得两片肉，而且牛肉唔系正常的口感，明显系做过处理。d野贵都算啦，分量仲超级少，连一个细食既女仔都食唔饱。服务态度亦非常不好，无服务意识，顾客的合理要求都会拒绝，换双筷子都好大意见黑晒面，堂食拿多只碗要收多一蚊，系我人生从未见过。可能因为系旅游点的餐厅，感觉系以只做一次性生意的方式经营。其实旁边的昂坪市集好多选择，性价比都会更高，供各位朋友参考，希望可以避雷，令更多人唔使受无谓气，出来玩最紧要开心。
继续阅读
餐蛋公仔面（个面益咗用好重味粉）茶叶蛋（正常）涷咖啡（无咖啡味少奶冰水）鱼蛋及烧卖（烧卖唔热）开游客区、绝对影响香港美食之都个名、价钱已经离地、呢间餐厅制造食物就只系浪费食物🤬🤬
继续阅读
黎宝莲寺拜完先人拜完神佛，原本想去斋堂食返餐，点知4点半就关门，迟左🥲咁喺出面食，见到几间，入左呢间德记（因为门口近，费时行咁远。点知，中左伏😭😭豆腐花22蚊碗，感觉水多左啲，豆腐花量少，味道普通，冇乜豆味，话佢好就肯定唔系，差又唔算太差，贵又唔算太贵（始终系景区），中下啦。问题系啲吉吉串，叫左条司华力肠，同一串炸饺子，佢地翻炸黎过黎，total109蚊😱😱😱原来2串炸野就要65蚊，仲要系翻炸又唔好食（真系难食，夹硬食都食剩一旧饺子半串司华力😡😡），唔叫都叫左咯，怪自己白痴，唔问价。以后上黎宝莲寺，都系睇清楚先好食野，呢间更加唔会入去食🤬🤬🤬
继续阅读
今日难得上大佛，见到一间充满怀旧风味嘅士多，心谂不如入去试下。点知真系中哂伏，完全系一个错误嘅选择。首先，48蚊一个饺子面，呢个价钱系有啲贵，好食就话姐，但问题系唔好食。最令人失望嘅系啲面发胀哂，完全冇口感。再讲饺子，居然得两粒，而且仲要细到同普通嘅啲汤圆差唔多大！更夸张嘅系，呢两粒饺竟然系冻嘅！呢种质素真系无法接受。虽然店内嘅两位老板态度仲算ok，服务都做得唔错，但系食物嘅质素真系完全不敢恭维。如果唔系我同朋友一早冇食嘢，肯定唔会选择食呢间。呢次经历真系令我有啲后悔，我劝大家如果见到呢间士多，千祈唔好因为外表吸引而入去食，留返啲钱下山食啲正常嘅嘢，肯定会比呢度好食得多。
继续阅读