影片
港铁铜锣湾站 C 出口, 步行约1分钟
继续阅读
开饭介绍
此酒家以海鲜及火锅为主，亦有粉面点心等食物供应，不少大枱都有屏风隔间。
继续阅读
特色
适合大伙人
营业时间
星期一至五
06:00 - 01:00
以上资料只供参考，请与餐厅确认详情
食记 (72)
我冇影到相都想大家花少少时间睇下呢个comment。今日约八点去到，等左廿五分钟到就有位，不过reception阿姐好唔耐烦，问佢拎住张野拣野食，佢唔理，仲要唧我！你咁唔想服务啲客你做咩服务性行业丫？ok，拎到位，剔野食，注意肥牛你剔一等于一块，大家不妨剔十几块!九点前入坐收我$170，都唔系平，仲要唔包野饮，阿叔基本俾豉油我，拎住个托盘话加辣椒蒜𠮶啲话要加多七蚊！你唔好去抢，我同友人决定就咁要豉油。嗌左沙嗲加清汤汤底，食左少少清汤渌嘅野就觉得酸嘅！叫阿姐过黎，佢就试左我一啖汤话冇！我同友人都费事再烦，决定就咁食沙嗲𠮶面！顶！食食下发现乜粒虾丸都系酸！再食。。。发现我点个豉油先至系酸，唔系个清汤!最基本样野变坏左！系咪死得？之后我地直头连豉油都唔用！但系因为个死人汤底根本就冇味！到俾钱！丫个可乐冇收我地钱！啫系咩呢？我觉得系个阿叔呃我地要收钱但冇收到等我地唔好饮佢咁多罐汽水!啫系连个酱其实都可能唔收钱! 咁同呃个客有咩分别？我觉得佢地需要交代下啰！走𠮶阵先见仲有廿几人等台，请问有几好食？俾百七蚊出面有大把选择唔使食佢！食麦记食到八餐啰!
继续阅读
只不过系正正常常既一餐边炉啰，抵赞既系间野你点既野都几呼会黎齐，不过份量似中都系同出面大部份一样，都系叫五旧，黎三旧果种，唉都明既，惊人浪费系岩既，讲反野食，都唔知讲乜，新鲜程度正常啰，食完冇all冇呕，都算抵食啦cwb黎紧，款式几多，肥牛都算合格，拎出黎既时候睇得出系雪柜岩岩拎出黎，雪都未融，记得一定要摊阵，如果唔系就咁放d未融既落去「六」完上黎会好难食，墨鱼滑都几好食，咬落去真系有少少墨鱼肉架。
继续阅读
公司喺呢头，所以间唔时都会同同事黎呢度lunch!叉烧肠配药膳鸡脚$28,抵！同埋都真系几好食架㖞，药膳鸡脚个药膳汤底真系唔错！本人最中意佢但牛筋！整得好林，食落感觉充足骨胶原咁！好幸福！而家要一赞，佢地d牛筋处理得好干净！一条毛都无！有时一d地方食牛筋系有好多毛架！即时就唔开胃了，因果d毛又黑又粗又曲！但呢度食过咁多次都无见过，相对地食得比较安心！每次lunch平均每人$35,又坐得舒服！铜锣湾黎讲lunch平过好多地方啦！而且食物质素好好！番上半场既侍应同部长都特别好人！好nice!系番下午果个长头发既女部长定经理差d姐，又寸又无礼貌，每次埋单一句多谢都无，眼尾都唔望你一眼！too bad!!!但平均整体黎讲都好好既！
继续阅读
已有好一段日子未尝光顾任饮任食火㶽，很多时宁愿多花点钱，光顾一些口碑较好的火㶽店。今趟好友聚餐，难得有人安排，时间地点跟大围，最后选择于晚上九时后入座享用特价任饮任食火㶽。虽已订枱，但到场后仍旧要等一会。酒家环境一般，卫生情况普通，餐具及洗手间整洁尤其需注意。食品款式数量都算合理，肥牛丸类菜蔬一应俱全，海鲜食品较少，想吃高质一点的食物要额外收费。以性价比来说，各火㶽生料的品质食味皆算有交待，所点生料都有提供，无「限量供应」这情况。唯一美中不足是两小时时限这规则拿得很紧，不是每人多花$15多坐一小时，或是要忍受粮水皆无得添加这情况再短坐一会。整体用餐体验OK喇！
继续阅读
成班同事兴高采烈咁话去饮茶, 话当系开年饭咁话㖞.次次去饮茶都叫好多野, 今次都唔例外: 白云凤爪, 春卷, 上汤菜心, 炸豆腐, 叉烧肠, 绵花鸡, 炸鲮鱼球, 马拉糕, 鲮鱼球粥, 烧腩仔米粉, 切鸡米粉, 蜜枣糕, 奶皇煎堆, 红豆沙... 都唔记得咁多整体来说味道唔错, 各样点心都合乎水准. 其中比较欣赏的有烧腩仔米粉, 当中的烧腩份量不少, 而且肉质分布均匀, 皮亦够脆, 绝不因为伴著米粉而稍有欺场. 另外蒸蜜枣糕甜度刚好, 不会太浓, 而且烟烟韧韧得黎又唔会黐底, 值得一赞! 上汤菜心也是够味爽口, 甚合脾胃.
继续阅读