德興酒家

营业中

休息中

公司同事諗住打邊爐，想試下依度，都幾好食喎~ 訂7pm，一到就有位。叫0左芫茜皮蛋湯底+鯊魚骨豆腐湯底，不過好似無乜分別。同埋好多0野食：花姿片(好食)、牛肉滑(好玩，但味通普通)、墨魚滑(好玩，爽口)，肥牛肉(好有牛味呀~~又大碟)、鴕鳥肉(幾好喎~)、雲吞(普誦)、順德魚腐(ok啦~)、芝士腸(一般)、炸魚皮(好脆呀~)、花膠仔(幾特別，原來花膠打邊爐都幾好食喎~)、雞腰子(好大碟~)、鮮雞腸(雖然好肥，但好好食~~)、肥鱔片(好爽口呀~~)、豆腐("鞋"0左d...)、菠菜(打邊爐一流!!)、本地生菜、蘿蔔、水晶奶皇包(好味，d皮幾薄喎~~)、鮮蝦時菜餃、迷你小籠包(雖然細細粒，但裡面真係有湯0架~)。4個人食0左：任食大約$100 x 4啤酒$8 x 2紹興酒$98 x 1柑桔蜜$20 or $25 x 1加一10%依度個menu有中文、英文同日文0架！好方便外國人~~

之前果晚係屋企打完邊爐, 之後果晚又打, 因為d朋友仔想打呀嘛. 咁我就提議去德興啦. 原來佢地個個都未去過.我地由10點幾食到1點幾, non-stop! 好飽呀! d食物唔錯呀, 我一向覺得呢間德興幾好架啦. 又唔算貴. d阿姐既services都幾好, 好好笑容! 不過有時有漏單情況出現. 不過催完之後, 阿姐親自入去拎返俾我地.講下食物啦!d肥牛好食! 羊肉穌左少少. 炸魚皮麻麻. 魚腐ok. 唐HO菜正呀! 丸類ok啦. 水晶飽good! 帶子+花膠仔都good. 駝鳥肉唔錯. 炸魚肚勁腥, 入唔到口. 冬菇幾好. 田雞麻麻. 雲吞+餃子好好食!! um...大約係咁啦, 其實我地叫左好多... 不過唔記得啦! 其他果d都ok!我地叫左5支beer. 冇要醬. 冇要其他野飲. 埋單每人$98. 抵呀!下次會再來!

星期六同一班朋友仔黎打邊爐, 一行九人....其實係星期三既時候我地已經訂左位~ 9:00, becoz 9.00後平d~訂位個時已經話左有人擺酒, 可能要等一陣, 都可以理解既~ so 都ok 啦~~ 當晚就早d 去8.45 到, 諗住要等位ma~~點知佢地話無我booking~最後佢地都俾到張台我~~ 算係咁ga~ (因為門口已經有好多人等緊位!!)一坐低有兩個爐, 我地選左兩個湯底1)皮蛋芫茜2) 牛骨(其實我覺得兩個湯底都無分別!!)野食都算唔錯~~值得一食: 1)順德魚腐- 好滑, 好味....雖然唔算好彈~ 但係唔錯ga!!2)雞子- 的確係好鮮~ 好甜~~ 不錯~~3)小籠包- 都唔錯~~ 皮薄, 唔全係豬肉餡, 有少少菇~~ 4)鳦鳥肉- 都幾滑幾淋~~ 5)鮮丸- 都勉強ok~ 好過食雪丸~ 雖然唔係好彈` 仲有蝦丸供應~~服務方面~~真係無咩人理你~~ 但因為有人擺酒,伙記都好忙~~ so 可以體諒~~ 出菜同野飲都要追~~ oh!!$99/位包加一,醬油, 湯底野飲另計~ 叫左西瓜汁$38 一jar x 2有叫左5小支beer~~算係不錯啦~~當然唔可以同有骨氣,

我都係睇左呢d既comments先去試既...(!)首先...講左我去book位先...我覺得d接線生好膚洐囉...我一共打左2次電話...佢地好中意o係你未講完一句野就叫你等等...之後飛俾第二個聽...跟住你問佢一句...佢就答你一隻字or兩隻字咁....態度麻麻..><(2)等位....本身book左8:30pm...我地六個人...去點果陣係8:00....點知都要等到九點幾先到我地....佢話冇位wor...但係三四人既desk...就好快有...所以下次三四人去既話會快d有位先...(3)食物....整體黎說都係普通...以九點後食呢個價錢就覺得唔係好值...因為好多野都好似俾人賣晒咁..(你問d waiter...佢地唔會講)....好似帶子..蝦丸等等...由頭到尾都冇出現過.... 張選菜單上有好多野揀...但係大部份都唔係上價貨..仲有就係....佢地上菜實在太慢...好多都唔齊(唔知佢係有定冇)...好似肥牛咁...叫5碟上4碟...仲要係..唔同時間上....最厲害既係叫烏冬同粉絲...竟然要半小時後先上..你同佢講差邊樣未黎..佢地個個都會

朋友想打邊爐, 見呢間食評都唔錯, 又唔限時, 就決定試下胡椒豬肚湯底- 豬肚份量幾多, 而胡椒味好淡, 湯底味道唔算濃肥牛- 有雪花同牛味羊肉- 唔夠蘇, 但完整一片片, 比坊間好多任食既都要企理四洲魚腐- 似一舊好淋既魚蛋花膠仔- 好少任食有呢樣, 雖然味道普通, 但叫左好似抵d群翅- 有d腥同硬, 麻麻雞子- 好大粒同新鮮, 好味油麥菜- 普通九肚魚- 細細條, 灼一陣食就最滑鱔片- 普通豬紅- 普通豬皮- 吸收晒d湯底精華食都幾好味水晶叉燒飽- 每人得一粒, 不嬲都唔係咁欣賞呢種粉皮, 麻麻出前一丁- 臨打完邊爐前食番個一丁會覺得好滿足任食($88) x 2生力($8) x 9混醬($8) x 2湯底($8)加埋d雜項埋單$330, 以任食來講呢間真係幾多選擇, 有番兜機會

17/11(五) 8:15pm跟好久不見的加國玩伴聚頭,一行6人3男3女訂了8:15,友人先到,自己與另一友人隨後趕到.甫入酒家內已見全場爆滿,連走廊也放滿臺椅,場面認為墟冚!環境無疑稍擠迫,但無論如何總比旺角店光猛企理.被安排坐吸煙區亦不太嗅到煙味,證明抽風系統做得不俗!星期五,六,日9點前入座任點任食每位連加一盛惠$121,屬中價路線.友人點了鴛鴦湯底,味道不算突出,尚算過得去.火鍋料方面選擇頗多,特色的如水晶叉燒包,水晶奶皇包,小籠包,花膠仔,帶子,蝦丸等,食味皆挺新鮮!其餘的推介有脆鯇魚骨腩,鱔片,肥牛,各式餃類,魚肚,墨魚丸,墨魚滑.另點了酸梅湯一渣$2x,甜度適中,梅味天然.而漏單的情況亦有發生,幸好服務員的態度亦是禮貌周周的,面帶笑容.而此處另一賣點是任食沒時間限制,與友人們暢所欲言達3小時之久也沒遭白眼/面色.此外,這裏的洗手間乾淨且乾爽,確實令人喜出望外!價錢+環境+食物+服務=值得一試!

尋晚同兩個朋友再去打邊爐,不過同上次爭好遠。啲o野食都Keep到,帶子、花支片、支竹、菜、菜肉餃都好新鮮,但係啲肥牛連出兩張紙成四十五分鐘都未有!!!!過份。明明話左要非吸煙區,我地對面分隔一條行人路就已經係吸煙區,地方咁大,真係管理得好差!!!叫兩次先比番一壺滾水我地。邊爐水冇哂唔叫都唔識加!!!雖然我地就走,但係罐gas冇哂都冇人發覺。唉,下次再去千其唔好揀有人擺酒。冇人service你囉!!!

尋晚五個人去尖沙咀食火鍋,真係好低。訂左夜晚七點去到未見人龍,但係個湯底等左15分鐘都未o黎,要催一催。啲肥牛勁正,帶子冇雪味,但係鈿粒左啲啫!!!鴕鳥肉都好滑,好食過牛肉。但係鵝腸同鯇魚肉就比較腥。美中不足o既係叫左生菜同支竹都冇o黎同啲帶子有絛細o既頭髮!!!。得一讚o既係未叫加水啲亞姐已經自動加水,唔錯。食完九點鐘門口有人龍,所以一定要訂位。座位好闊,唔會撞刑隔離o既人,抽風系統都正,食完都冇火鍋味。

我上個星期日去食過任食火鍋, 我覺得無論環境,食物都很好, 服務又好...而且那些待應對客人非常好!!因為我點了好多次帶子, 但都沒有來, 之後我與那些待應說, 他們每次都同我追, 之後更直接叫傅菜的嬏嬏係廚房　拿比我..還不停問我, 來了未??食物方面, 奶王飽幾好, 肥牛也很正的...選擇也非常多, 這樣的價錢都算幾低食...

一行五人去德興宵夜火煱. 這兒收一時, 大概十時來到, 還有很多時間.因為是任食, 所以盡情地點..點..點.不包酒水, 所以另外叫了兩支大喜力和柑桔.火煱少不了醬料, $8位, 可以製作自己的醬料, 都幾好, 可以再添加的.說回食物, 皮蛋湯底, 不過不失.點了肥牛..幾新鮮, 推介帶子/花枝片/魚蛋/生魚片, 全部都好新鮮好滑. d餃就麻麻...另外還有墨魚滑, 是一舊然後自己挑的, 菜都幾新鮮, 但有d可能太夜, 冇了. 仲有芝士腸, 魚皮, 山根, 粟米, 青瓜....很豐富...我們沒有點其它要另收費的食物...埋單每人$120. 很飽很飽.

由於12/8去過灣仔德興,有好多嘢都冇得食,打電話問過知道所有生料賣完就冇,唔會分開兩個時段(9點前同9點後)供應,而係先到先得嘅,所以今次book早啲,我同bf喺7:15準時到達,仲有好多張枱冇人坐…今次要講嘅係區域劃分問題,我book嘅係非吸煙區,起初那個帶位是帶我們到比較中間的位置,當差不多行近枱邊時,不知何故又把我們帶回剛才走過較近門口的座位,由於上次太遲,有好多嘢食唔到,我們甫坐下就開始點嘢食,帶子,花膠等當然唔少得…食咗冇耐,bf開始四圍咁望,心想…死喇,唔通有人得罪咗佢?冇理由ga,都冇見到有人行過,???原來係因為佢聞到煙味,由於bf氣管唔係咁好,對此非常敏感,所以好多時喺我仲未feel到嘅時候佢已經察覺得到,佢成日都話自己個鼻靈過隻狗,佢果然冇feel錯,隔籬張枱剛剛有人點著支煙,乜呢度唔係非吸煙區咩?正喺度懷疑梗嘅時候,又有另外兩枱嘅人拎支煙出嚟點,唔掂,一定要轉枱;bf即刻叫咗個呀姐埋嚟要求轉枱,但呀姐就掛住拎住個醬料盤周圍sell,只係講咗一聲”等一陣”就行咗去;bf火都嚟埋,再捉住過經理問點解我哋book非吸煙區佢居然俾咗個吸煙區嘅位我哋,經理話我哋坐梗嘅確實

12/8原本想去有骨氣,但限時食兩個鐘,所以最后去咗灣仔德興,貪佢夠多嘢食又冇時間限制嘛…由於要工作至7點關係,諗住訂位訂8點左右,點知接線生話咁嘅時間嚟到可能都要等,咁咪可能要9點先有得食;既然係咁,點解唔訂9點喎,食嘅嘢一樣,但係就平20元喎,所以就決定訂9點喇…一坐低第一時間ORDER酸梅湯,好唔好彩…賣晒,4個人點咗成40幾碟嘢,當然包括特別標榜”第二度冇”嘅帶子,花膠同田雞啦,另外仲加咗個象拔蚌($168),桂花蚌($28)同珊瑚蚌($28),醬料拼盤每位$8,一個叫就要全檯叫晒,係成個托盤咁上嘅;終於等到啲嘢嚟喇,首先係桂花蚌,我唔客氣喇;就係咁食吓食吓,過咗兩個鐘左右,啲嘢食幾乎俾我哋食晒,自己都覺得好犀利,埋單$750多;OK啦,咁多嘢食都唔駛$200喎,但後來諗返,原來冇食到40幾碟咁多ga,有啲嘢叫咗但最後都冇嚟,好似最想食嘅帶子,仲有花膠,水餃,同埋啲水晶皮嘅蝦肉雲吞同小籠包呀咁,唔好話食,根本就見都冇見過,唔知係咪俾之前早過我哋啲人食晒呢?好彩我哋自己另外叫咗其它嘢咋,唔係咪得返好少嘢食;又或者係佢哋見我哋有咁多嘢食驚我哋食唔晒會嘥咗啲嘢特登唔拎俾我哋呢,冇得食

昨晚和老公來這裡打邊爐，幾正！7 點9 入座, 都幾多人, 地方夠闊落，服務不錯同坐得舒適，食物選擇多又新鮮，叫咗個日式紅蟹湯底，其實係番茄薯仔湯加一隻細蟹但個人覺得太淡, 普通好味。我們吃了魚頭(好新鮮, order 4 rounds)、鴕鳥肉、花枝、皇帝菜、通菜、花膠、好多菇、蝦丸、鱼腐(不夠彈口)、牛肉滑(not good) 、墨鱼 滑(不夠彈口) 、田雞、水晶叉燒包、小籠包、竹笙、帶子、豆腐、雞肉、出前一丁(有埋味粉同麻油)等等。唯一美中不足之處就是不包飲品，we order a jar of Mr. Juice law.....

昨晚和家人食飯，啊媽最愛打邊爐，帶咗我哋去灣仔德興火媧，一個字，正！！首先地方夠闊落，服務不錯同坐得舒適，因為開佐冇耐，環境好，廁所清洁！食物選擇多又新鮮，叫咗個日式紅蟹湯底，其實係番茄薯仔湯加一隻細蟹(真係有蟹)，幾好味。(仲可以不斷叫蕃茄薯仔，加入渦中，令湯味特正。)。仲有佢用超猛電爐，火力勁，好爽！混醬八元任用，當中最好的是佢有紹酒，比較特別。(有XO醬,麻油,花生醬,魚露,紹酒,蒜茸,辣椒等等)食品:首先肥牛新鮮，有牛味，唔係果D成舊冰死實實的牛肉。當晚我們吃了帶子(好多)、魚肚、鱼唇，牛眼筋、鴕鳥肉、冮仔記魚旦、炸魚皮、花枝、菜、菇、黑椒牛丸、蝦丸、鱼腐、芝士腸……. (多到唔記得啦) 特式:牛肉滑、墨鱼滑、牛脷、田雞等。仲有蟹柳，好正，唔係下價冇味貨，有誠意。以上只係食品紙上的一半左右，仲有好多未試。八點入座,人都幾多,食到十一點幾，大滿足！！所以我覺得依度係自助火鍋嘅首選！其他值得一提的是，有波睇，又有無線上網，真係照顧周到。九點前去食每人都係$128(連混醬)，唔貴。九點後就$88。唯一美中不足之處就是不包飲品，好彩當晚啤洒PROMOTE HK15 三罐.

試過幾款湯底，個人最唔鐘意紅蟹湯底。其實係番茄薯仔湯加一隻細蟹。不過食物幾好，肥牛幾新鮮，不過每次去食都有上錯食物0既情況發生。星期六日九點前去食每人都係$110(唔加混醬費)，唔貴。九點後就$99。