德美壽司

营业中

休息中

叫了$102 lunch set...滿心歡樂等食~点知个歺送到來同menu上的圖片完全唔同！我以為送錯了叫侍應核對下~点知佢話冇錯,圖片用四方大盒~真實上菜用一個長方形窄盒~望落分量少咗好多之外~仔細睇真啲所有嘢都downgrade咗！餐牌上有刺身厚肉帶子,結果上菜變咗廉價的吞拿魚/魷魚/墨魚(我最討厭的刺身種類！)餐牌上是炸野菜天婦羅：賣相大方美觀, 結果上菜變了兩粒平價的炸薯餅！完全強烈被騙的感受！不過店員一於好少理,我決定將呢間店列入黑名單！

德美亦係長期人龍食店之一，無論係Lunch or Dinner都人龍不絕！之前食過佢哋嘅刺身好新鮮，好少食到筋膜，而且個醬油同Wasabi嘅味道同出面嘅唔一樣～除咗出名食刺身同壽司，其他食物亦好受歡迎～今次係Lunch叫咗野菜牛肉鍋（$71）😍材料新鮮，壽喜燒湯頭鮮甜!!定食入面有埋蒸蛋、麵豉湯同埋飯後甜品，性價比都唔錯！蒸蛋入面都有幾多海鮮，但唔會有腥味～飯後甜品亦好好食，係一個黑糖豆沙餅～個人喜歡嘅程度係想要多幾粒💓部份舊舖店舖位置比較迫，Bar枱或卡位相對坐得舒服啲～⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10（地方乾淨，舊店座位之間比較迫）打卡： 5/10CP值： 7/10（Lunch抵食）推介值：8 /10（可以再回頭）⋯⋯⋯⋯⋯⋯⋯⋯⋯⋯⋯⋯⋯⋯⋯⋯

賣相很美的〔德美〕星期日放底左個女，同老公風馳電掣飛車入左大埔去拍拖，Lunch我地去左食〔德美〕，果然有驚喜，我地叫左德美和食便當(秋刀魚)同彩の刺身便當，德美和食便當(秋刀魚)：秋刀魚好有魚香味，炸物炸得幾好，好脆口，刺身都好新鮮、個蒸蛋超滑的，彩の刺身便當：老公話個壽司飯好醋調味唔錯，天婦羅炸得好脆口，而且一d都唔油，整體都不錯，呢個有呢個質素，絕對係抵食！

其中一位男經理（冇帶眼鏡）態度十分不友善，說話不禮貌！明明食個開心生日飯都俾佢掃晒興致！之前已經有睇過幾個食評已經曾經講過有關問題，唔明點解管理層一啲都冇跟進！可以容忍員工繼續倒米！食物方面正常，刺身新鮮！但份量比以前縮水！價錢方便，同樣價錢可以有更好選擇！唔使食到一肚氣！

食物可接受,但經理的服務態度極之差,以後都唔會再去,食得非常唔開心.如果大家一邊吃,在傍的經理故意說冇禮貌的說話,而您又冇所謂就去這間店啦!其他職員服務態度也一搬,食一搬的日本菜,要受人氣,又不是很抵食,大家想下啦！

食物質素正常，性價比可以，唯獨是分店經理服務欠佳，其他職員都似有點不耐煩，對用餐體驗有很大影響,非常掃興，難以再次幫襯。其他分店並沒有此問題，不能理解為知態度這麼差。

本人於10月9日號下午13:00 到大埔德美食lunch,食秒還好，價錢公道，抵食，但個男經理就好冇禮貌，講野西口西面，收錢又就咁放係張台，我絕對會因為呢個男經理咁冇響禮貌而不再幫襯。……

睇食評，見好多人都盛讚德美壽司🍣，但我次次食完都覺得只係中規中矩，所以就俾多次機會，再去試下。一入到黎，你都未叫野食，職員已經好快手俾杯熱茶🍵、沙律🥗、面豉湯同埋茶碗蒸🍲，沙律菜🥗都尚算新鮮，茶碗蒸🍲亦正常發揮，蛋算滑，有一般配料，如蟹柳，雞肉，冬菇等，通常主菜未黎，你已經飽左一半。今次我就叫左豚軟骨石鍋飯🐖，如圖中所見，有隻溫泉蛋🍳係中間，好滿足，不得不讚，呢度豬軟骨🐖都算林身，坊間好多豬軟骨既軟骨都仲係好硬，蘿白都入味，入口即溶，完全冇渣，但敗筆既係，味道較淡，唔係好食得出個醬汁係咩味，要落D七味粉吊下味，雖然係石鍋飯，但完全冇飯焦香味，飯比較濕笠笠。總括而言，我會形容呢間係中規中矩既日本餐廳，有一定質素，但絕對唔好神級，不要抱太高期望。

大埔德美✨🦥豐富的日本菜新鮮飛機食材✨除了餐牌上常有的食品外，更可向店員查詢飛機貨的食材，雖然是高質食材，但價錢有平有貴，食得開心！😋首先介紹餐牌上壽司的部份，壽司和魚生也有很多選擇，可以散叫，亦可以套餐形式點，為了吃到自己喜歡的壽司，散叫會更佳。😆《貝柱花之戀》$55/1件花之戀有幾款配搭選擇，貝柱的份量滿滿，大大件的！《火炙白身魚壽司》$42/2件《火炙日本左口魚》$45/2件以兩件為一客，為自己挑選想吃的，單點是最好呢！《鮮蔥吞拿魚魚腩茸》$136推薦✨喜歡吃吞拿魚茸的必叫！共有六件小卷物，表面上舖滿了湧泉式的吞拿魚腩茸，很滿足！至於餐牌上沒有的飛機食材，可向幽默有趣的店員查詢呢！😆《日本白粟米》$80推薦✨近期當造的白粟米，超爽甜，甜道好高！這個白粟米是生吃！很好吃！！！！《水母刺身》$95通透的水母刺身，配上酸味味的調味，有咀嚼感而好吃！《鮮帆立貝刺身》$100鮮甜無比的新鮮味道。至於餐牌上熟食部份，《溫泉蛋天婦羅》$52推薦✨✨✨這個以天婦羅形式炸成的溫泉蛋，非常惹味，溫泉蛋流心的，相當好吃！《抹茶麵》$55大大份，可選擇冷麵或熱食，最後我選擇了冷麵，非常涼快。《鹽燒三文魚

想喺大埔食餐滿足日本菜，每次我同我朋友都會嚟德美晚飯，一個又開心又好食的地方。食物質素一直保持高水準，份量足夠價錢合理，三文魚腩刺身，油甘魚刺身，實在新鮮非常肥美，油脂豐富，壽司種類很多，小朋友需要食到熱食小朋友要吃的壽司，一定有很多選擇。很喜歡帶子鵝肝卷，外面是一層厚厚的帶子，帶子很新鮮，有質感，內裏是入口即溶的鵝肝；牛油果軟殼蟹卷，軟殼蟹的size不少，牛油果充足，熱食串燒種類繁多，雞軟骨串燒乾身有口感，少少鹽花，雞翼Juice雞皮脆口。溫泉蛋腐皮必食之選，加上海鹽蛋黃流心，小朋友致愛。

幫襯左好多年，一直覺得呢間性價比高既壽司店，平時去食夜晚多。滿心歡喜帶兩位朋友黎食lunch set, 嗌左個壽司加細烏冬set, 餐牌上面原本個set圖片顯示有三文魚腩壽司同普通三文魚，咁我問個侍應點解set上面無三文魚腩壽司，佢同我講無哂😌咁我再搵另一個侍應嗌一客三文魚腩壽司，點知又有wor, 咁姐係你間野唔係無，係唔想比個客食，就唔好講大話啦。如實地同我講唔會擺落set，改埋餐牌上個圖片啦。咁樣如同呃人有咩分別 雖然餐牌只寫有6件壽司 但係好唔鍾意咁樣present😀係態度既問題😌😌😌😌

呢日因為掛咗8號風球，所以夜晚入到去就即刻有位坐啦平時行過見到都覺得要等好耐先入到去，今晚試到呢度嘅壽司同埋串燒，終於明白點解會咁受歡迎啦覺得佢啲串燒全部都水準以上，壽司同埋刺身嘅材料都好新鮮，特別推介大家食嘅一定係天婦羅糖心蛋嗰晚因為掛住食所以唔係見到好多相大家如果想食日本嘢都可以試吓呢間呀！

德美位置離屋企比較遠，所以之前都未食過。自從有次同同事落黎食過一次lunch之後，我就成日都念念不忘，好想過黎食飯。午市冇加一，每個lunch set都會有湯、沙律、茶碗蒸同埋甜品。當日係同媽咪黎食，我就獨孤一味，照舊嗌我最愛嘅吞拿魚茸飯。三文魚籽同生嘅鵪鶉蛋係畫龍點晴之筆，吞拿魚茸俾得一d都唔小氣，醋飯亦都有加入到飯素拌勻，食落會帶點鹹香。媽咪就揀咗是日推薦嘅三文魚+吞拿魚茸望落去材料大同小異，只係鵪鶉蛋變咗做溫泉蛋，青瓜同大蔥就變咗沙律菜。整個組合似乎比起吞拿魚茸飯遜色，果然我嘅眼光係比較好 佢魚生/熟食都好多選擇，推薦俾大家，值得一試。

嗰日兵仔自己行街，經過呢間門口掛晒日式燈籠嘅日本餐廳，午市都幾多人，諗住入去試吓💂🏼‍♀️《豚軟骨石鍋飯》$78午市套餐都會有個前菜沙律、茶碗蒸及麵豉湯，食完呢三樣嘢其實都有啲飽飽地沙律係胡麻醬所以好開胃，茶碗蒸整到啲蛋好滑好好食😋麵豉湯唔會太鹹好飲！豬軟骨石鍋飯好快都上到枱，上面仲有隻溫泉蛋配埋啲香蔥撈勻一齊嚟食好正！豬軟骨整得好淋，入口即溶。配埋啲蛋汁同飯食真係無得彈！因為石鍋上所以仲有少少飯焦好有咬口。食完主菜仲會有甜品送，係紅豆日本菓子，煙煙韌韌幾好食😋仲要唔收加一，整體覺得CP值好高，下次試吓佢啲魚生飯頒發軍階：上將🎖🎖🎖🎖

北海道三色魚生飯$86刺身質素一般，無驚喜😐壽司定食配牛肉細烏冬$95壽司🍣款式普通，終於明白鄰店長期排隊原因細牛肉烏冬，份量剛好；配埋壽司飽晒前菜：沙律清新配刺身，一般溫泉蛋牛柳石頭鍋飯$86牛柳嫩滑，大慨8-9件算多，石鍋非常保溫，食到尾仲熱辣辣。前菜：茶碗蒸蛋，味道香滑和風格調似日本居酒屋有一間獨立房2張4人枱。自成一閣🤭Bar枱見著師傅做菜，別有一番風味入門口十分優雅門口怖置充滿東瀛風味整體來講唔差，不過有比較顯得失色🫣食完太口渴，味精重😣