影片
做完gym， 觉得个人有少少虚脱咁样，个肚饿到咕咕声，就入咗去呢间茶餐厅食啲嘢，入到去又唔知食乜嘢好，就求其叫咗自选车仔面嚟食，因为通常食车仔面都唔会衰得去边。我拣嘅自选车仔面，系三𩠌车仔面， 三个𩠌就系豆卜，牛腩，鸡翼， 面就系粉， 豆卜够圆够大食落好香， 牛腩煮得唔系好够淋但系就好入味，最好食就系𠮶啲鸡翼，好淋好滑好入味仲好香，碗面𠮶啲汤系牛腩汤嚟，我觉得饮落都几好饮， 因为通常𠮶啲车仔面嘅汤都会好咸，但系呢个汤我觉得系唔错嘅。加埋一杯鸳鸯，真系冇得弹。
继续阅读
又系去到大角咀做嘢，因为想食个early晚餐，见到有间茶餐厅有粉面饭既下午茶，就中左入去食，呢间系旧式嘅茶餐厅，都有唔少街坊系入边。下午茶都有唔少选择，本身就想食炒贵叼，但系原来冇河粉，所以就拣咗个星洲炒米再包一杯热柠水都系$31。过咗5分钟左右，星洲炒米就到咗，但系觉得好似冇咗一忽咁，可能相片唔系好睇到，都算啦唔系咁肚饿，米粉还算爽口，唔会炒得太湿，而且个辣到都够，入边都系有叉烧虾仁，牛餐肉，入边仲有最钟意食嘅熟洋葱，味道一般，未有十分惊喜，值得赞嘅系唔系太油，下次赶时间嘅时候都会再嚟食，贪佢都多选择。同埋佢个侍应姐姐好得意，外表有点凶恶，但声线十分之温柔。
继续阅读
今朝起身唔舒服朋友仔陪我睇完医生后黎呢度试下d早餐叫左两个set我要左沙嗲牛肉银针粉拼餐肉煎蛋朋友仔食左榨菜肉丝公仔面奄列沙嗲牛肉银针粉：估唔到有银针粉食,份量唔少,汤底都几好味,沙嗲牛肉用梳打粉腌得过龙无晒牛味,沙嗲汁虽然唔够沙嗲味,但都算几好味餐肉煎蛋：餐肉煎得面头够脆,煎蛋亦唔油榨菜肉丝公仔面：试左少少榨菜唔会过咸,但个汁有d含糊,不过朋友仔话味道唔差,只系d汤唔够热奄列：包住火腿丝,火腿份量唔少,ok另外跟既热柠茶够茶味牛油方包既包身够软熟ok以16蚊一个set系超抵食
继续阅读
呢间茶餐厅无乜特别,但系一定要介绍佢一项好好食又好抵食既食品,就系$6大大碟既炒米粉,好好味架!而且有好多架!米粉炒料唔同种类既菜,包括雪菜,椰菜丝,生菜丝,红萝卜丝等,炒得黎一d都唔觉油,唔会食到个口油淋淋,所以几好!味道唔会好似某店咁偏咸,反而令人觉得清清地,而且份量算多,我试过买黎带番公司做午餐都好够,而且番叮都唔会难食,推介得过!
继续阅读