影片
【#熟食中心 】#德发今日又系熟食中心系列，目的地系长沙湾 #保安道街市。我去咗德发食。佢每日都有几款午餐，如果唔啱食仲有其他炒粉面可叫。今日就食咗个午餐， #干炒猪扒乌冬。食客可以望到厨房红红烈🔥咁炒野，所以一万个放心一定够镬气👍 猪扒斩件上起码有八件。炒乌冬比较浓味，油难免会多少少，间唔时一次半次冇计啦🤐#冻柠茶 茶味够，有茶香👍 好饮♥$39+1 有一碟热辣辣既炒野食，又有一杯好饮既茶，比好多又贵又差既连锁茶记冰室，算系 #抵食👍推介指数：7/10#港饮港食 #街市大排档 #长沙湾美食 #炒粉面 #午餐 #平靓正
继续阅读
又到左食晏既时间，同同事食野谂去边度食永远系一大难题今日咁岩得3个男人食饭，就想食返啲「麻甩」小小既餐厅，有同事提议去保安道街市既熟食市场食野，我地即时就同意喇，够哂「麻甩」呀！我地拣左「德发茶餐室」，既然拣左熟食市场就唔好对佢环境有好高期望，我地都系著重返食物既质素。我地3个都系选择左午餐，或一价钱港币34大元一个饭加热饮/汤，冻饮/转套餐就另外加钱。我地都无转套餐，就咁配热饮就算。今次我地叫左两种食物，分别系照烧鸡扒饭同姜茸叉烧炒饭。照烧鸡扒饭大大碟，鸡扒既肉质都好滑，个烧汁好夹，加埋两只流心蛋，正呀姜茸叉烧炒饭好有姜味，叉烧都够多，炒饭够镬气至于茶走唔会太甜，味道岩岩好！整体黎既唔理餐厅环境，呢个价钱同食物质素系好抵食既！
继续阅读
每个星期都会系长沙湾返工一日，每一次食lunch都会去到长沙湾市政大楼一间叫做德发茶餐室食lunch。上到去都好多人㗎啦已经，餐厅得两个人招呼客人，一个负责煮饭，一个负责落order，佢哋每一次都有最多六个lunch套餐选择，但系每一次我都净系食椒盐猪扒饭，个套餐$31包一碗例汤或者嘢饮，而且另外仲有杂果冰同埋红豆冰选择，呢两样饮品都系加＄3咋。例汤每一次都唔同，我记得之前饮过青红萝卜汤，今次就系薏米汤，个汤好鲜甜，而且大大碗，饮完啲汤底下仲有好多材料添，有我最钟意嘅薏米，我即刻食晒佢啦。椒盐猪扒饭佢嘅酱汁系用豉油加辣椒再加葱加埋蒜蓉一齐炒，猪扒非常好味呀，仲要系辣辣地，而且猪扒好爽口，好林好容易咬到，成大碟饭我都食得晒呀，所以真系要推介椒盐猪扒饭啊。
继续阅读
23/Dec.又是一个要出外吃午餐的日子, 好自然地行十几二十分4钟去顺宁道揾食! 无他学友人A话事计-长期粮尾是也, 而即使愿意俾多十多二十蚊那午餐质素也好不到那里, 坐位反而连脚都伸唔直的居多, 这里熟食档无冷气主要是室温, 对无冷气会断气嘅后生来讲的确有点吃不消尤其是夏季! 而来这里预咗系食呢D学生餐, 每档都是那5/6款食物, 唔使点拣省时方便, 是日快餐系: 扬州炒饭, 粟米石斑煎蛋饭, 搾菜牛肉饭, 烧汁鸡扒煎蛋饭, 椒盐猪扒饭, 鸡扒炒公仔面, 共6款全部均一价钱29, 可以讲全场最底价,包汤或者热饮添, 当日试烧汁鸡扒煎蛋饭, 米饭没有太削刚刚好咬口, 鸡扒半块煎得煎得熟又还剩余肉汁, 腌味不过浓, 煎蛋才是精彩部份居然系有两只, 当然系细蛋啦, 烧汁系现成货不过厨师也懂在顶洒少少木鱼片整下色水, 算系有D心架啦, $29只能拣汤或热饮, 要咗杯热奶茶, 有些少茶味, 而另一日30/Dec.就在同店试咗干炒牛河, 属于现代清怡版, 所以油水色是不足的,但还好味道没有太淡, 牛肉的肉味虽不足但也没有过份使用化学武器!除咗牛肉之外其他伴炒嘅料头算系充足了,06/Jan再来一次, 转一下口味试茄子牛仔骨饭, 这次要例汤-南北杏蜜枣甘荀粟米猪骨汤,有蜜枣甘荀粟米煲汤头实甜, 猪骨系烧猪骨但今次这猪骨似乎汞过水味道没有另一档的那么浓味, 比起热奶茶我宁可饮这个汤, 饭一拿来眼前一亮,呢个摆碟同淋汁有d功架㖞, 饭同𩠌分开一半半, 个汁好似一层有色透明薄膜芒住D茄子同牛仔骨, 不过个汁就稍嫌咸咗D同时个味实在分辨唔到是石蚝油汁?因为个色似但全无蚝油味, 只知咸中有少甜, 这个汁非常之配合白饭食, 就系有汁牛仔骨的肉唔多都可以食得晒d饭, 牛仔骨份量大概有1-1.5块,肉质则是经梳打粉化学处理, 所以唔讲的话, 讲系舵鸟肉都有人信, 脑海中谂到厨师将梳打粉捞牛仔骨的情景, 闪出了几句”BadThings”的歌词: Am I out of my head? Am I out of my mind? If you only know the bad things I likeDon’t think that I can explain itWhat can I say, it’s complicatedDon’t matter what you sayDon’t matter what you doI only wanna do bad things to youSo good, that you can’t explain itWhat can I say, it’s complicated By Machine gun Kelly with Camila Cabello言归正传, 茄子就过咗轻油, 切碎件除咗悭成本外, 亦系短时间令茄子熟的程序之一, 不过最近经过好似连这里都要$30/ 快餐了
继续阅读