影片
我都明白有时价钱平,质数方面都心中有数架喇~但真系估唔到系咁离谱姐!话说上月24号同几个姐妹去打边炉, 因为团购左既关系, 已经预早几日BOOK定位,而且酒楼方面都有早一日confirm返我系19:00 既!!到左果晚7点松d去到, 已经好多人企哂系门口等紧, 咁我地就俾左几张团购from个知客, 顺便问大约要等几耐, 佢就塞左张飞俾我, 话:"等叫NO啦"(语气唔好) 好啦~因为我地未齐人, 就边倾计边等...19:30齐人, 我就问多次到未, 因为book左7点, 佢望一望个list话:"book左都要等架㖞!"我:"既然系咁, 我book黎有咩意思? 入面豆润咁细, 你就咪收咁多街客啦!!" (因我见不停入walk in客)佢唔出声, 话好快到我地咁话~无耐有班c9都燥底, 都系咁闹!!!我都废事出声喇, 唯有继续等...19:45我又问多次, 佢话埋紧单!! ok, fine~20:00我再问佢:" 阿姐呀, 你话埋紧单果张台系几号, 我睇下佢埋单埋成点!!咩单要埋15分钟咁耐呀!?"佢答:"3分钟有台!!!" []几经辛苦, 8点松D先有位... 一坐低即点野食, 肥牛,芝心丸,脆肉鲩等等...肥牛>>真系全部系白色肥膏, D肉唔知去哂边~~丸>>次次黎都得几粒, 点分呀!!鱼皮饺>>又酸又臭!!菜>>原全冇洗ga, 仲有沙!!款式选择少!!!熟食方面, 系要出去拎o既, 但因为我地8点几先入座, 咩都俾人食哂, 成张台好似打完仗咁, 而所谓任食"高级雪糕", 都系冇哂o既...漏单我都算, 叫左3,4次唔黎咪当冇啰, 虽然好想食脆肉鲩 但点知隔离台个中年女人同我一样都好想食脆肉鲩, 仲叫埋经理黎闹!!中年女人:"我突登黎食脆肉鲩, 你竟然冇? @#$%*#$2分钟后, 我眼见经理拎住2碟脆肉鲩放系佢台度, 我即刻火到黎, 揾经理!!我话:"你系咪放错左碟野系隔离台呢?我入左3,4次单都唔黎都算, 人地发火就有呀??" 经理:"都唔关我事架, 厨房执架㖞!!"之后死死地又拎返碟俾我~
继续阅读
在下向来都喜欢饮茶，就算在下自己一个人去，也可以饮得津津乐道。之前去饮茶、除了去过莲香楼外，在下多数去点心专门店，今次却走到观塘广场的一家酒楼饮茶。由观塘广场乘坐升降机到达十五楼，就见到了德星酒家，向接待员接过点心纸及一众食品纸后，侍者引领入座。入座后，其酒楼都几宽敞，坐位间也有空间，在下感觉都算舒适。当在下看过点心纸及勾选点心后，就品尝一下茶。茶壶内盛载的是寿眉，是在下喜爱茶叶之一，初时味道未有强烈，只是淡淡的一口，当热水泡过茶叶后，茶味渗出，开始味浓，之后亦有甘苦。虽然有甘苦味道，但在下并未加入白热水冲淡，只有让茶叶继续洋溢它原来的味道。首先上场的是蜜汁叉烧肠。叉烧肠粉看起来皮很薄，可以看到内涵。当在下用筷子夹开，未见散开，再呷一口肠粉，皮确是较薄，但肠粉未见滑溜。叉烧是呈现粒状而且较腍，味道是尚可的。然后轮到了鲜虾菜曲饺。从表面看来，虾饺较为湿润，似乎蒸得过了火候，不见得干身，而且夹起来已经散开了。吃下时皮较厚，菜曲尚算青绿及爽口，而虾仁则则较弹牙但未见爽口。至于潮州粉果，同样地与鲜虾菜苗饺有同一的问题，就是蒸得过了火候，粉果表面同样地湿润，当在下夹起第二件时，由于粉果太黏，结果就散开了。粉果虽然饀料丰富，但是今次却欠了爽脆，原因是粉葛较腍。最后是鸡扎。今次饮茶中此道点心较为好一点，腐皮把内涵包得结实，蒸得尚恰到好处。鸡肉都很嫰滑不嚡，鱼肚同样吸收了内涵精华，都几好吃，芋头虽然有点硬但蒸得很粉，(在下喜欢吃较粉的芋头，这是个人喜好)，逼鸡扎不用猪肚反而用上了火腿，是十分普遍的，也见逼火腿蒸得很腍。论味道，其实味道抦不差的，只是部分点心蒸得过份而言，若非蒸得这么湿润，味道就会更好。至于侍者的服务，也算是殷勤的，至少不会举手一段时间才会有人应。
继续阅读
一家3口....本来念住求其揾间野食...本身念住食晚饭的...但入到去见到好多人打边炉...咁就转左去打边炉....一坐低见到人出去拿果D熟食..好像好正咁...唔汁输我都去拿埋一份先...一出到去...哗咁多野食GE....拿左几转 (睇相)仲有串烧影唔切太抢手...个炉未滚我就半饱啦....98蚊低返晒.....
继续阅读
有个fd推介话哩间ok。于是同14-15个fd去德星打边炉庆祝生日。首先14/15个人逼埋1张枱已经好唔满意，劲逼。但哩间野既价钱算系几平，除左有火锅料之外，仲可以出出面夹d熟食。例如，鸡翼、茶叶蛋等。出面仲有两个筒装住汽水&啤酒。同埋有个雪糕柜(摆到好乱，有d雪糕连盖到甩左) 之后我地叫左d野食打边炉。单上写左7碟肥牛、2-3碟鲜鱿、牛柏叶、猪肚、牛肉、鸵鸟肉。几分钟后就尼野，但竟然尼既做只有1碟鲜鱿、1碟牛肉、1碟鸵鸟肉、1碟牛柏叶、2碟肥牛。货色都系无咩特别。 然后佢真系够担死。过左10分钟都唔尼野。于是同个部长讲，之后佢就肤显到拿了2碟肥牛比我地就算。(我地成14/15个人，你唔系玩野啊吗。尼咁少野。) 成日都无咩落过肚咁，真系亏晒比佢。 一定无下次。非常差的任食火锅
继续阅读
$88 自助火锅 任饮任食两粒钟食物: 唔评论, 因为一分钱一分货价钱: 在呢一区应该唔算特别平又唔算贵啦, 服务: 据网站所讲佢地收凌时12:00点, 我地约22:00到, 食到大约22:45经理走来说Last Order, 我地不约而同都觉得太早喇, 跟住好快手转个头就队张单埋黎...其实应该系因为收银小姐要收工, 所以咁早就要截单, OK, 但d食物饮品已经唔再refill, 问佢仲有无可乐, 佢话无之前刚刚上来时已经问左楼面仲有无可乐, 跟住楼面叫个阿姐入去拎D出来, 但听到果个阿姐应左"哦"之后转头就消失了......都算喇, 食到11点几D楼面已经走得八八九九......得返个一个经理一个楼面一个唔知咩员工.......灯又熄左部份, 令客人感觉很差
继续阅读