45
1
4
| 餐厅: | 德國餐廳 (Wetland Seasons Bay) |
|---|---|
| 优惠: | 国泰会员凭「国泰 - 亚洲万里通」应用程式內会员二维码，赚高达HKD4 = 2里。受有关条款约束。 |
|
条款及细则:
|
|
|
|
影片
以上资料只供参考，请与餐厅确认详情
优惠
| 餐厅: | 德国餐厅 |
|---|---|
| 优惠: | 国泰会员凭「国泰 - 亚洲万里通」应用程式内会员二维码，赚高达HKD4 = 2里。受有关条款约束。 |
|
条款及细则:
|
|
|
|
我近排lunch饭堂就系Wetland嘅德国餐厅！佢嘅lunch Menu好抵食😋食物质素又高👍🏻😆值得推荐比大家！入到去环境好企理干净阔落～落地大玻璃望住对面消防局，小朋友超级钟意睇消防车🤣餐厅亦有BB凳同儿童餐具非常友善！装修点少得德国餐厅元素！蓝白色格仔布枱同埋木水桶嘅酒庄～彷佛身处于德国餐厅里面🩵职员有礼貌！已经成为熟客打成一片～美食⭐️⭐️⭐️⭐️⭐️牛扒意粉（可选择薯菜同米饭）hkd76牛扒好大块✅冇根！呢个价钱仲可以选择成熟度👍🏻我拣咗五成熟啱啱好😋小朋友钟意佢哋嘅酱汁捞饭👍🏻仲可以拣多汁添😍份量超级足我同小朋友食都好够饱！
继续阅读
离谱，睇到有set dinner 6-70蚊就试下 (未计加一)餐牌吸引入去结果全部嘢都系白灼呢个牛扒薄到呢！仲衰过大家乐 茶餐厅招牌既猪手白灼的无味猪扒 都系白灼的 又鞋又靭特价鸡翼鸡锤 黑到甘都俾人食 粟米汤加$10 全部都系渣 真系冇人会再去第二次☹️ 隔离茶餐厅好过
继续阅读
首先，是日餐汤+$10系蘑菇汤，好水，系水加蘑菇榨汁，应该冇落盐，冇味道！其次，主菜系德国白猪手配薯菜，猪手好多毛！薯菜都好少！成份都唔够热！然后，甜品+$8，系一口cheese cake。系仲未退冰嘅cheese cake! 切都切唔开，硬过我条命！餐厅环境方面，因为门面得店员一个人，斟茶递水，收嘢，上菜，收钱都系佢。每次有人一食完嘢，佢都推车出嚟，好大声咁收拾，铁刀铁叉好大声！冇咩环境气氛可言。点餐系扫QR code，斟水基本上只系入嚟时，比一杯水你，无咩服务。但要收10%服务费。总结而言，可一不可再，不推介呢间餐厅。
继续阅读
山长水远来到湿地公园郊吓游，又见呢间德国餐厅，真系有好多分店啊，又有BB櫈，今日同屋企人就拣呢间德国餐厅食个early晚餐啦🍖🍖 德国咸猪手配酸菜及薯仔沙律 ：🌟🌟🌟🌟🌟无错又系小Sun最爱嘅脆卜卜嘅猪手😋啲猪手帮我哋切好晒，易分易食，屋企人大赞猪皮脆口，外脆内热咁😍真系极度滋味！真系差杯啤酒🍻🍽️ 德国香肠并盘：🌟🌟🌟🌟当然，食德国嘢一定要试埋佢哋嘅德国肠😋我哋少少地叫咗个细并盘试吓😋今次有四款德国肠，长长嘅脆片肠、香草猪肉肠、芝士夹心肠同辣肉肠，由于小Sun比较喜欢芝士，所以真系劲爱佢哋嘅芝士夹心肠，配咪大大碟意粉真系饱到上心口😂🥩 烧纽西兰肉眼配红酒汁：🌟🌟🌟🌟5:30都仲有Brunch 咁就叫咗呢个肉眼试吓，虽然个汁有少少Overcook，但肉有牛味，烧得均匀，整体系ok嘅！算平靓正饱肚之选✨呢度装饰都好有心思同圣诞气氛🥳几Baby Friendly，今次都系食得好开心！而且有Lunch Set/Brunch Set！真系平靓正之选🥳
继续阅读
唔知系咪外卖既关系，食品跟图片有出入。原本系想食烧的猪手，但原来是白猪手，排骨汁唔够，肉的质素好普通，肉食谱系冰鲜肉味道。薯蓉真系好酸，唔啱香港人口味。德国白猪手和排骨薯条德国白猪手：没有经过烧过，并且没有味道，太肥。其特点应该系外皮香脆，内部多汁。而家系冇味道加上太过肥腻的口感。可能系因为烹饪过程或调味不当所致。排骨薯条：排骨没有味道。这可能是因为调味不足或烹饪方式不当所导致的。应该没有任何腌制，同埋排骨的汁唔够
继续阅读