电话号码
23593899
营业时间
今日营业
12:00 - 23:00
星期一至五
12:00 - 23:00
星期六至日
09:00 - 23:00
食家推介
好姊妹要出嫁啦，趁佢未做人妻，想搵间餐厅放工近近地，又可以chill下，又可以放心啤一啤⋯⋯ 我即刻谂起德国咸猪手配啤酒！睇openrice搵到呢间城市绿州嘅 Das Bier! 位於Mikiki，又系downtown, 唔驶去到西贡赤柱都可以Chill～两个女仔谂住都主要系饮酒倾计，所以冇嗌到好多嘢。最後我哋叫咗一个香葱芝士薄饼，加德国咸猪手配酸菜及薯仔沙律！再加一杯Hoegaarden两份饮（一睇就知唔系饮开走但又想Chill下）我哋本身以为都唔系叫咗好多，但嚟到就开始担心了。因为原来份量都几多，薄饼有成八九块，可能因为有埋芝士所以更加「漏」，但我个人觉得好好食，所以我食到停唔到口。不过我唔系好锺意个酱，觉得唔系几夹，所以我都系空口食件芝士薄饼，就咁食都觉得好好食。香葱味几浓㗎 ！另外个德国猪手真系不得了，因为原来真系好大份，食到三份一嘅时候，我哋有谂系咪要打包返屋企。啱晒大食嘅人！猪手都几好食，个皮基本上好脆身，不过有啲位就有啲太烟韧啦～ 肉又唔系好乾身喎，几好食！酸菜又未到人哋Table 18嗰啲咁酸（好易入口）！呢个组合都够晒我哋倾足一晚，配埋啤酒坐低倾计都几舒服，店员有冇赶住要你食完就走。呢晚都食得几开心。
继续阅读
即兴去左新蒲岗觅食，因为想饮啤酒，所以拣左呢间德国吧！成日都觉得去德国吧最稳阵一定系食德国猪手所以第一次都系叫左佢！ 呢间既猪手个样几靓仔！调味唔差，不过皮有一半脆，另一半脆得黎又淋淋地，肉就真系唔够热啦似翻叮叮熟左外皮，但入面唔热，酸菜味道一般，个薯仔就唔好食啦，如果系薯蓉会吸引d！佢跟左两只芥末，一只好辣身，一只系蜜糖芥末，两个芥末都好一般....整体普普通通啦。啤酒就唔错啦，有我锺意既黑啤！见到佢都有手工生啤，不过唔系my favourite
继续阅读
已经好耐无同班旧朋友聚会，我地黎到咗呢间Das Bier紧系要慢慢坐低倾下计探个丰富的晚餐。餐厅环境好舒适，装修精致，座位也比较宽敞，非常适合聚餐的好地方。德国超级香肠拼盘对於这盘香肠的评价，就是juicy! 尤其是切开的时候，肉汁直喷出来，看看那横切面就知晓了法式烧春鸡只鸡大大只,只鸡脾大大件啖啖肉,有肉汁唔会话食落好乾争争咁,鸡肉嫩滑既,附上既两个酱同只鸡味道都好夹!!!墨西哥香葱芝士薄饼，味道同中式葱油饼差唔多，好香香葱味，不过同中式葱油饼唔同嘅地方系，呢道菜仲有芝士同牛油香味，饼底亦都比较薄身同脆，配搭埋鹰嘴豆蓉，好食！这里的菜式多样款式多，口感纯正喇。服务：服务态度好，店员脸上常有笑容。 环境ok，消费有比较亲民
继续阅读
星期日同女友去Mikiki附近食Brunch可能早咗啲所以隔离几间都未开门所以入咗呢间试吓每人都点咗个Brunch Set而今次嘅体验令我以後都唔会再帮衬…首先，食物质素确实对唔住价钱…啲杂菜沙律上面嘅醋汁稠到果酱咁…劲酸劲难食…而且因为太稠，根本拨唔走…而火腿, 烟肉, 香肠都整得劲油…薯饼更系被炸到过火变咗啡色…除咗食物质素…店舖嘅规矩及店员嘅态度更系令我坚决唔会再去嘅原因…我想将炒蛋转成煎蛋(因为见有其他Set系有煎蛋)点知店员话唔转得，话因前系Set...而店员嘅服务更系奇怪帮我地落咗单之後就自己拎啲外卖早餐出来在我地隔离枱开餐佢地开餐期间更在高声吹水彷佛间餐厅就系自己屋企咁另外，我地埋单走咗之後先发现进餐期间被蚊钉咗几吓…因为餐厅嘅玻璃门保持常开而外面对正露天花槽…而因为玻璃门常开嘅关系…令厨房油烟飘散全间餐厅…我地食完走咗之後就发现成身油烟味…基於以上各项…真系唔愿意比任何分钟…
继续阅读
黎到呢度感觉好似日本居酒屋咁，有几枱岩岩收工既上班一族，点左啤酒同小食，谈天说地。我同女友坐低睇下食咩好，见到好多德国啤酒同手工啤都好想试 (不过岩岩拗完柴，女友话要我戒口唔饮得喎。。）烧鸡，猪手，德国肠，牛扒。。样样都好吸引，我又好肚饿。终於点左一只烧鸡同一份安格斯肉眼扒 (medium rare). 烧鸡烧到好靓，金黄色，见到都想食！最重要系皮脆肉嫩，鸡肉唔鞋口，好好食。略嫌下面既薯角有少少林，如果脆d就仲正！肉眼扒肉汁丰富，牛既油脂味煎得好香，夹埋拌碟既鲜甜脆肉瓜，好味又唔腻，正！今次啤酒有得睇无得饮好惨无人道呀。。下次黎要叹埋德国啤咁就一百分～
继续阅读