影片
平时都有喺深水埗同湾仔食车仔面，间中都会遇到惊喜，但亦有唔少中伏嘅经验。今次喺鸭脷洲试过新开嘅德哥面，店面面积唔大，但出品大大碗又好味！可以话系非常好味、用心、抵食嘅车仔面！重点要叫鱿鱼、猪软骨、牛腩同埋猪皮。萝卜又甜又冇根，可以话系非常高质嘅车仔面⋯⋯仲有罗汉果凉茶，亦系好唔错！可惜呢几次都系放工先去，有啲热门嘅𩠌菜会卖晒⋯⋯记住要另配藤椒鱼皮，唔使$20 一碟咋⋯⋯又冻又脆，一绝！好似赞得好夸张，试过就知道！
继续阅读
今日难得放假，和老婆去鸭脷洲街市食德哥面。一看餐牌就被大盛面所吸引🤤 好彩忍到手，只叫了胡椒虾水饺+卤水猪大肠+咖喱猪皮+灵魂辣汁+油面。老婆叫了手工鱼皮饺+红肠+招牌秘制五香牛腩+米线。再叫了滕椒鱼皮，炸饺和炸丸。天气太热，叫了菊花麦冬桂花金罗汉果茶（实在太好饮），所有食物都太好味…回想番德哥是由辣椒起家，由断魂到勾魂，其实不用那么复杂，德哥只要做辣椒油已能成功（真材实料）食过德哥辣椒油就不可能食第二只，但通常高手都是有要求的，不喜欢选择容易的路。之后德哥在中环插根，以靓汤+美味小菜为主。可惜遇到疫情，再到两𩠌饭热潮，和国内消费模式。香港像德哥这种仍然有团火的本地姜已卖少见少， 只能说住鸭利洲的街方有福了。临走前再叫了糭和麻辣酱外卖，大满足😊
继续阅读
早排试左呢间新开无几耐既车仔面店，唔错wor, 几好食，feel到系一间好有heart既店，猪软骨腍得黎又唔会烂、腩肉入味，老板话系自己焖。仲有个生炸鸡翼酥脆到呢…😍 鸡翼真系好脆，好好味🤤平时食车仔面会加腩汁，呢到有一款自家制既「灵魂辣汁」，又系另一个层次！🤤相信老板对佢个辣汁好有信心，先会整埋个咁搞鬼既灯牌🤣最好既系呢到有自己煲既菊花茶，对于唔钟意饮汽水嘅我实在系太好！鸭脷洲既街坊有福了！行过唔好错过！
继续阅读
德哥面前身系中环嘅德哥厨房专门做中餐外卖，间唔中有做私密食物汤炖汤，质素好高，我经常帮衬，过年后佢哋搬咗去鸭脷洲邨街市转型做车仔面，早几日趁住睇完戏去帮衬，叫咗大盛面$60，贪佢乜都有唔使伤神，再加鱿鱼，饮品就加$5要菊花麦冬茶，够哂清热.上枱见到碗面吓一跳，成个迷你盆菜咁，啲𩠌多到要逐层食，首先见到块红肠头即时加分，最出色系猪软骨炆到又淋又入味，牛肉份量好多，鱿鱼够香，猪皮入味，几款丸都唔似一般雪舖货色，最紧要加埋佢个灵魂辣汁真系好正，唔算太辣但系好惹味，碟炸物小食食唔晒打包返到屋企都仲系好食.一定会再回头试埋其他料
继续阅读