德利餐廳 (已結業)

今日lunch time去到荃灣, 原來荃灣廣場外面咁多街舖咁多嘢食。 見有幾間都排隊排到好長龍， 與時搵咗是但一間， 呢間個樣舊啲但係都算企理， 咁就行入去食下佢個lunch。 46蚊一個餐， 鹽焗雞飯， 都好有多兩條菜， 不過唔知點解生菜入面夾咗兩條通菜。 鹽焗雞個味道都ok嘅， 但唔算太大份， 46蚊嚟講唔算平， 不過佢都有返個菜湯跟。 但菜湯就好似比較甜啦， 酸味唔係好夠。 杯凍檸茶都大大杯， 間嘢唔多人呀， 如果要求唔係太高， 都可以接受呀。 當然附近有好多食肆， 如果價錢差唔多嘅， 又唔使等位， 就未必會行入去啦。

垃圾又漏單又難食又貴！個奄列係太陽蛋求其摺埋夾火腿就算！唔係年初三度度唔開一定唔食佢！個奄列加爛q公仔麵加凍奶茶收我五十蚊！我屋企自己煮都好食過佢！永久black list

晚飯諗住住試下舊式扒房，有幾間選擇，見呢間無乜人，點知真係瀨晒野，一入去見有個阿伯怒插d 扒有味又韌，百幾蚊又唔係平，即刻打退堂鼓唔敢試佢d扒，改食80蚊晚餐焗意粉，仲衰，我和朋友的紅、白湯都無味，個局意粉出晒水，見到唔想食，個汁無味，d肉變晒味帶點酸，食落口有想嘔嘅感覺，杯凍檸茶淡而無味，甜品都唔敢要，剩返3份2無食，速速埋單走人去第二度補飛，點解呢d水準仲可生存，仲要價錢拍得住前幾間高級少少嘅餐廳！睇返open rice評語，原來好多人話好難食係真嘅，真係嚴重影響呢帶食肆形象！

28-10-2017(Sat)同老公睇早場,買完飛至食早餐,戲院對面有好多食肆,我o地先求祁o黎呢間,入到去唔多人,我叫o左$34.00o既司華力腸羅宋湯通粉,要熱檸水.老公要$28.00o既西煎雙蛋火腿通粉,加$2.00要凍檸水.飲品正常冇問題, 之後羅宋湯通粉同西煎雙蛋火腿通粉都到o黎,先食羅宋湯通粉,味道唔濃,冇羅宋湯應有o既酸味,而且唔濃似滑o左水,一啲都唔好味;蔬菜都幾多但過腍;通粉都腍o架.而食食吓,諗諗吓,$34.00一個早餐就只有呢個羅宋湯通粉?睇返menu,有司華力腸個喎,問吓侍應,佢答係未俾,炸o緊.啊,重o岩o岩炸好端上添.司華力腸又大條又粗,切開同老公share,好彩冇炸過火,外脆.而老公o既西煎雙蛋火腿通粉呢,味道對版冇問題.味道: 2.63分環境:唔知係咪老店,卡位坐墊已經爛到要用封箱膠紙黐住.服務:好好禮貌.抵食2.5分

今日同朋友去睇戲 、咁見有時間就去食個飯近近地就去番呢間，點知中哂伏一個人話難食都算 ，幾個朋友都覺得難食比茶記更貴既價錢 但食物質素 真係差到冇人有食個晚餐推介「雜扒飯」 豬扒同雞亦都有異味 個樣睇落番炸好多次 想掩蓋變左味既食物，炸到勁乾、一番扒值幾錢阿 慳埋呢D小數目奶茶冇茶味、檸茶冇茶味。第一次去都幾好食 所以在去， 但估唔到變到咁差，我相信係換左個唔識煮既師傅，一間餐廳差 最大影響既就係師傅！！真係永遠不在去

少有港式茶餐廳會用珍珠米，之前都有食過同一個炒飯，覺得很好吃，念念不忘，所以每次經過都會留意有沒有出，因為a-c餐的快餐每日都不同，無固定更換，唯有撞彩，好好彩，今日再有。個飯原本有蔥，但因我唔食蔥，老闆好好人，特別叫廚房另外再炒，牛柳粒量多，飯也炒得乾身，味道也不錯，可能太多xo醬炒得有點咸⋯⋯另外想分享一下是餐廳的例湯，雖然說天下例湯一樣味，但起碼我飲到有冬瓜湯既味，因為我每次去食都叫中湯，留意到每次都有落雪耳，感覺好似好飲d

未食過咁難食的茶餐廳，入到去間野一陣味。凳又爛。羅宋湯無味，溝晒水咁，叫左2個快餐，賣相唔得，食落都唔得。相都唔想影。食完最後補影張飲左2啖的羅宋湯，真係好差.....難食到我真係無話可說。

一個人在荃灣辦完事找飯吃，沒料到在小店食到很正的海南雞飯。雞沒有去骨，肉不算肥卻腍滑，但不得不說一句雞有雞味！黃油飯正得很，啖啖豐富的雞湯味，單吃飯加上醬料還有滑雞已是滋味無窮。雞出色，飯亦是堅好食。

食鬆肉粉還是食牛扒？檸茶又有怪味😭😭😭，好差好差，未食過咁難食叫了牛扒七成熟變七成生為左呢間嘢我開了人生第一個open rice acc, 就是為了打這個comment!!!

晚上約了友人在荃灣相聚，友人喜歡簡簡單單的食餐飯，故去茶記會最方便。雖然德利餐廳曾經到訪過，但是今晚又想到來這茶記，簡簡單單食番餐飯。羅宋湯是一向在茶記點來的湯頭，紅色的湯底有蔬菜，酸甜得來不辛辣，不再像從前有層辣油在湯面上，也不會有辣味。黑椒豬扒飯是今晚的主食，大大塊的豬扒幾厚的，外層煎得金黃，有點香脆，食落有點咬口，尔過黑椒汁就稀釋不少，沒甚黑椒那種香辣，而這種香辣要在碟面上的醬汁，才能稍稍散發。凍奶茶乃今餐餐飲，在茶記不飲奶茶，好像缺少了甚麼似的。奶茶都夠蘑香和茶味，是正常怎凍奶茶。食過今晚晚飯後，坐一會兒，結賬離開，繼續行程。

其實我跟車爸爸都愛吃茶餐廳喜歡它選擇夠多煎.炒.煮.炸任君選擇,這天在荃灣附近揾食找上了德利餐廳夜晚就試得多因為它的煲仔飯挺好吃的!!地道港式茶餐廳的午餐B送上羅宋湯沒甚牛羶味我大可當什雜菜湯飲吧!!酸微微的味道挺開胃而且內有不少雜菜我鍾意啊~{黑椒雞扒意粉}$40雞扒係一整件的不像某大快餐店得半件奉客!!係啊我真係見識過^0^這兒的意粉份量還超多呢!!黑椒汁係一貫快餐味道夠香辣撈意粉食一流,煎香的雞扒醃味不俗咬落嫩滑肉質不會霉爛的整體也很不錯^0^車爸爸午餐C{干炒牛河}$40上檯已散發香濃鑊氣,牛肉份量算不少聽他品評為好吃已知質素不俗呀!!忍不了吃啖河粉果然香氣撲鼻,每條河粉都均勻哋染上醬油香而不油好吃非常^0^我的例牌{凍檸茶}加$2沒甚茶味連檸檬也不夠酸香沒驚喜!! 車爸爸的熱奶茶更攞膽他用"要茶味冇茶味要奶味冇奶味"去形容這杯極品囉!!

還記上次來到德利餐廳，是吃個煲仔飯的，但今次卻吃一個鐵板餐，今次吃是因為上次話過想來吃個鐵板餐的，於是走來。餐廳與上次來的差無幾，又係餐牌功多，既然選定，就無謂多看。羅未湯是在下必點的湯頭，或十在家中不是經常做的，故此經常點來。湯頭依舊是酸甜味道，是幾醒胃的。菜亦足夠吧。牛扒伴珍寶腸。吃鐵板餐甚少吃牛扒，今次點來，是一嚐牛扒滋味，一客有兩塊牛扒，都幾多的。牛扒似乎被鬆得幾軟腍，也太過港式，沒有了那種鬆化的感覺。珍寶腸還好一點，皮還有點脆，有咬口吧。熱咖啡雖未至於很香濃，但喝一口都有點咖啡的香味，至於香濃，也未曾很香濃，再多一點香濃的話，就更好了。第二次到德利餐廳，與上次吃的都是不同菜式，但是又有不同的體驗吧。

此店不是主打賣牛扒嗎?  為甚麼越來越中式, 冬天出煲仔飯已無話可說, 現在還中式小菜?   可能照丈夫所說點份福建炒飯會食得更好!以往西式晚餐也有送甜品, 現在取消了。  晚餐我們點了A餐要蒜蓉汁。凍飲要加$2, 而我叫了凍檸茶, 居然有4厚片檸檬 , 而紅茶味道凸出也不澀, 已算是杯合格凍檸茶。是羅宋湯並非雜菜湯, 酸中有甜而雜菜煲得腍且滑, 啖啖融和, 最重要是吃到有牛雜碎在內, 真材實料!鐵板T骨扒 ... 一看便知T骨扒由鬆肉粉鬆至浮身, 上檯後等一等, 血從扒面不同部份冒起, 不知道為甚麼今天覺得這情況很鶻突。  鬆過的肉質已難辨別出那邊是西冷、那邊是肉眼, 嚐只嚐出T骨扒沾過粟粉後再煎的那種黏黏的、糊糊的粉質地, 味道是無, 也難怪檯上齊備鮮醬油、辣汁與喼汁。唯一叫好的是跟餐珍珠飯 , 黏軟適中又帶煙韌, 真是好飯來的。相信如無意外, 我們不會再回頭, 真可惜還聽到老街訪說:「以前當個仔仲細, 我地喺對面睇完戲, 必定會過嚟鋸扒......」

天寒地凍， 除了雞煲火鍋之外，煲仔飯亦是一個好選擇。在餐廳門外，看到有幾個煲仔飯爐頭，把心一橫就入內試試看。這是雙腸煲仔飯$66，飯內配有芋頭，潤腸水份均勻， 臘腸亦不俗。 但吃後，絕對要喝水，否則會過鹹。 另一款是豉汁排骨$66，排骨的份量頗多，而且豉汁味道不俗，但同樣要多喝水， 以免過鹹。另外，原本我有下單要一罐汽水， 但原來要加$15，不太划算，所以改為點了油菜一碟，也是$15

天寒地凍， 除了雞煲火鍋之外，煲仔飯亦是一個好選擇。在餐廳門外，看到有幾個煲仔飯爐頭，把心一橫就入內試試看。 這是雙腸煲仔飯$66，飯內配有芋頭，潤腸水份均勻， 臘腸亦不俗。 但吃後，絕對要喝水，否則會過鹹。 另一款是豉汁排骨$66，排骨的份量頗多，而且豉汁味道不俗，但同樣要多喝水， 以免過鹹。另外，原本我有下單要一罐汽水， 但原來要加$15，不太划算，所以改為點了油菜一碟，也是$15