影片
以上资料只供参考，请与餐厅确认详情
走入去呢间店，空气中已经飘嚟阵阵烤物嘅香味，令人垂涎三尺。首先，佢哋嘅蒜香烧扇贝真系得意得嚟，一咬落去扇贝嘅鲜味同蒜蓉嘅香气就喺口腔中弥漫，卖相又靓，真系令人一试难忘。接著啲烧韭菜、烧蒜芯、烧翠玉瓜，每样蔬菜都烤得恰到好处，尤其系翠玉瓜啲肉质爽脆同烧烤出嚟嘅香味美妙融合，好食爆！而家啲火鸡肾满当当，咬落去弹牙又唔会过硬，鱿鱼须烧得外脆内软，咸香味刚刚好，唔会好似有啲地方恶心咸口。另外，台湾肠同牛舌都系必试款，牛舌烧得外边微焦咁，入口即化，十分过瘾👍。烧海鳝片段滑溜，外皮烤得啱啱好，薄脆鱼皮包住不同于平时嘅鲜味，成品质感极佳。最后，蒜香牛油焗娃娃菜虽然味道算系对路，但系蒜同牛油味稍咸，如果搅和能再均匀啲就Perfect！整体黎讲，喺呢个不起眼嘅角落，烧得一手好串，啖啖肉，口口爽，实在系好正🤤！下次探食，仲要叫多几样新嘢试下！
继续阅读
搬左黎何文田2个月，返工每逢收夜第二日放假就会去呢间串烧店食晚饭，因为懒得煮男朋友都会陪我黎呢到食，已经食左4,5次了，最想推介呢到新推出既炒肠粉，超超超级好食，因为本身on diet, 所以唔敢食咁多淀粉质，但真系食唔到口，D客唔知系咪老板既朋友，好nice，又会一齐啤啤酒又吹吹水。。。。最紧要系只可爱嘅猫猫皮蛋，有时几可爱好痴人，有时又咬下你咁，仲之就好cute呢间变左我地既食堂会继续帮衬顺带提一提，鸡扒、鳝鱼都好好味😋
继续阅读
叫左十几串串烧，有生蚝、菠萝、韭菜、鸡皮、一口牛、羊架、鱿鱼等等。佢竟然用一个大发泡胶盒装哂全部！蔬菜果啲明显会出水、有汁，完全浸哂其他要脆既食物（例如鸡皮，鱿鱼）。成堆野炒埋一堆，我完全唔知食紧咩，咩味打咩味。 再讲，9成串烧都系烧焦既味道，好夸张。其实，店员烧完自己睇都应该见到出事啦？点解仲可以比人食？太过分了
继续阅读
🤭️✍🏽太多好食写唔到咁多 特别推荐大家✅鸭舌✅鸡皮✅鸡软骨✅火鸡肾✅烧猪颈肉✅烧鱿鱼须✅原条茄子✅烧翠玉瓜✅烧大啡菇《鸭舌》厚肉又香口🦆👅，孜然味又唔会太浓，肉又嫩，好好食，叫杯酒就一流🍺 💰$28《鸡皮》烧到冇晒脂肪，好脆🐥，食落完全唔觉得肥，好似薯片咁😌，so yumm😋💰$24/2串《鸡软骨》骨够软🐤🦴，好咬口又香口，口感一流👍🏻💰$24/2串《火鸡肾》好爽口✌🏻💰$18❗️《烧猪颈肉》❗️猪颈肉有少少肥🐷，入口溶化，肉质劲嫩，一啖食落去会爆汁出嚟💦，好好食🤤💰$20《烧鱿鱼须》鱿鱼须弹牙🦷，容易咬开💰$18《原条茄子》超多蒜蓉🧄🧄，成个茄子比较浓味🍆，好香又软，一丝丝咁食☺️💰$36《烧翠玉瓜》未食过咁juicy嘅翠玉瓜串😍‼️超多汁，一咬爆汁，又唔会淋晒🤩💰$12《烧大啡菇》好多蒜蓉🧄，烧到唔系干晒🍄，系juicy架，唔会过咸，好正呀🤫💰$18*💰$20蜜糖烧菠萝🍍、💰$20蒜香牛油焗金菇and💰$20娃娃菜都非常唔错，酸酸甜甜、juicy、清清地，解下腻又再食过👄👄**饮品建议大家叫💰$18自家制酸梅汤🤗，好够味，💰$20自家制樽仔奶茶都唔错***❌鸡翼就唔建议大家叫，冇乜特别，留返个肚食其他嘢****得1个人烧同即叫即整👨🏻🍳，等嘅时间会耐d👥，不过系值得食，可以慢慢食😋😋*****串烧店唔系好大，有人先会开折櫈折台，唔建议落雨食😂
继续阅读
黄埔红磡基本上系小店嘅区，特别系芜湖街同观音庙附近，出名嘅舖头非常多。有拉面店，越南河粉店，豆浆店，鱼蛋烧卖等小食店等等，大部分都系名店，一个月唔重覆都可以食好耐。有人推荐我呢个德利美食，主力食串烧。一个人试左几样。最好一定系鸡翼，惹味得很。海胆丸加辣后，烧得够热。鸡肉同肠又系烧得好好，食足两串。饮杯五花茶下火，食串烧唔一定饮啤酒。整体感觉不错，唔算太贵，坐外面又最好，地方够空旷，食串烧又唔会有味，大推。如果下次再食，就要食下海鲜，感受有冇分别。
继续阅读