影片
电话号码
29841265
营业时间
今日营业
11:00 - 15:00
17:30 - 21:00
星期一至日
11:00 - 15:00
17:30 - 21:00
以上资料只供参考，请与餐厅确认详情
由东涌行到梅窝，行山一般行完都会揾地方同朋友一齐食饭。今日专诚去德仔记寻找我们的胡椒猪肚汤😄可惜老板话要备料原来佢系家族生意，由原来舖位搬到前排熟食档，知道我哋专登嚟捧场老板送咗例汤，仲承诺咗下次我哋如果想食胡椒猪肚汤可以提前1-2天预约打电话畀佢，佢会准备材料煮畀我哋食，真系有D感动🥰今日我哋仲叫咗其他嘅小菜都好出色，临近海边全靓view 食大排档啤一啤真系一个不错嘅选择。
继续阅读
今时今日咁嘅服务系唔得㗎，完全违法商品说明条例。午市套餐写明配奶茶或咖啡，落咗单之后，转头出嚟话冻热都要加八蚊㖞，佢个餐牌又唔搽咗佢，咁就完全违反商品说明条例啦。一个年纪大嘅女员工仲话自己新黎做，好多野唔识，咁奇怪嘅事讲咗你信唔信呀？同佢讲一下，话会违快限商品说明条例，佢就送两个例汤畀你啰。不过之后送餐上枱，佢又会送错枱㖞？仲话之后同啲同事讲返声餐牌问题。我话你攞个marker过嚟啦，我帮你搽咗佢啦，好声好气咁样同佢讲，费事误导下一个人啦，佢就收起张餐牌，个人相信会有下一个受害者。记得，到梅窝熟食市场，右边有问题𠮶间叫德仔记，左边叫华记，小心行错呀。原本想影一影餐牌畀各位睇下嘅，但系佢又好醒目咁样话个餐牌唔用㗎喇。实说实话，送嘅例汤味道正常，炒嘅面都唔差，可能市道真系差？所以做衰咗自己个名啰。
继续阅读
#搞串个pantry嚟到#梅窝 ，除咗有啲靓景cafe之外，仲有好多地道小菜餐厅🍽️。临近码头⚓️嘅熟食中心就已经有好几间，但系今次就行入少少，一间靠近马路、海滨长廊嘅餐厅💕。今次我哋嗌咗椒盐鲜鱿($98)🐙、豉椒炒蚬($98)、干煎大虾碌($188)🦐、红烧乳鸽一只($75)🐦，价钱尚算公道，同外面大部分同档次嘅餐厅差唔多，系大虾碌略为贵啲💰。椒盐鲜鱿🌟🌟🌟🌟一嚟到就闻到好香嘅椒盐味🤤，份量正常。食落口感，外边嘅炸粉非常薄同埋好脆。味道方面，椒盐非常香口，同时都食得出鱿鱼嘅鲜味😍，唔会太干，食落亦都唔会太霉，口感弹牙有咬口😬。豉椒炒蚬🌟🌟🌟分量都正常，但总系有个错觉就系蚬壳比俾蚬肉多😂。味道正正常常，同外面大部份嘅豉椒炒蚬一样🤩。有人抵赞嘅系，成碟嘅蚬肉都冇沙，非常干净！干煎大虾碌🌟望落非常吸引，每只虾都好大只🦐，不过食落口就唔同讲法啦。每一只虾口感都好霉，一啲都唔爽口弹牙😖。用嘅应该唔系新鲜大虾，而系急冻虎虾。虽然调味唔错，但系口感就唔太好啦🫠。红烧乳鸽🌟🌟🌟🌟烧得非常香，食得出乳鸽嘅油脂香味😋，肉质嫩滑，外皮有少少脆口，点少少淮盐非常正。而且仲有虾片做伴碟，都几适合配住乳鸽嚟食🤗！大家下次嚟梅窝，无论午餐晚餐，都可以嚟试吓㗎🏃🏻💨。
继续阅读
望海的大排档，十分之写意。今日没有太多有人去梅窝，所以交通都十分之畅顺。已经第三次嚟食德仔记，佢嘅乳鸽真系好好味，奇怪的就是今次的蜜糖鸡翼用了超多炸粉，感觉上很奇怪。梅窝真是一个好地方，有美丽的沙滩，大排档的价钱不太贵，但风景十分之美丽。大排档都有洗手间，尚算干净。但是由于有梯级，另外洗手间很窄，所以不方便轮椅人士进出。有趣的是，就是大排档会每次煲滚热水来为你加水，所以你叫他加热水的时候，大概要等五至十分钟，以便厨房煲滚一煲水来为你加水。
继续阅读
德仔记喺码头附近，行大约5分钟到就到啦。今日平日唔系好多人，可以坐到海边位。望住呢个靓景，心旷神怡，食咩都好食。天气都有啲热，所以坐低就带咗汽水饮。汽水🥤够冰够冻。爽吖！我哋叫咗椒盐鲜鱿🦑炸粉唔厚，鱿鱼好弹牙。都几好食。一路食一路饮汽水，慢慢倾吓计，都几开心。另外，仲叫咗个唔系餐牌上嘅干炒牛河。我哋都系见到隔篱枱有炒粉面，先至问吓有冇得叫。$65都几大碟，好有镬气。埋买单两个食咗$214。有呢个靓景，价钱都算抵食。😍
继续阅读