影片
食家推介
野食相冇影 因为太颓翻工会经开深井，未食过呢开见有早餐谂住试下，新屎坑～ 见到早餐餐牌其实唔算平，蛋饼40几蚊😅 后面小食30几蚊。。。唯有叫个面食，咪当试下冇所谓啦～我叫咗个卤水牛𦟌 & 鱼腐 乌冬 热柠水味道先唔评价住，始终我冇影相冇证据，但系想问吓收多钱系发生咩事？原本我谂住嗌新竹米粉，服务姐姐：米粉容易发胀使唔使帮你加分汤，要加两蚊我：咁唔使啦，我改乌冬唔该当时冇为意收咗几多钱，后尾返到公司食先至发现收咗$45第一，外卖要加钱其实就冇乜大问题，普通茶餐厅都要收一两蚊第二，明明话分汤先要加两蚊，到最后我冇，点解都要加钱？第三，餐牌写赠送嘢饮，到头来我杯柠水又要加一蚊？我叫个$42嘅早餐，外卖总共要加多3蚊，系唔系好大问题？唔算，但系点解唔一早写清楚？？仲要佢嘅煮食系冇写到明两蚊系外卖钱，直接加入食物钱，反而热柠水就有写要加一蚊？？？好心作为餐厅，一系就直接写外卖要加$3，一啲写得唔清楚一啲又写得好清楚？如果我唔好彩同佢讲分汤，即系总共一个外卖要俾多5蚊？？？再讲食物味道卤水牛𦟌：白灼咁，基本卤水嘅颜色都冇唯一份量系可以接受 (有5块 差唔多纸咁薄)鱼腐：2嚿汤底：冇味 叫做有条白灼菜送(都系𠮶句 我食左 冇影相冇证据 个人感受)
继续阅读
一共叫了3份午餐，第一度台式盐酥鸡刀削面（蕃茄汤底），鸡肉滑多汁，外脆内暖。刀削面口感可以选择软硬程度，十分烟靭弹口。台式盐酥鸡翼刀削面（猪骨汤），鸡翼有四只，肉有拌菜，鸡翼炸得十分香口及入味。盐酥鸡卤肉饭，装满满的饭，卤肉多汁，青瓜拌菜爽脆，充足嘅𩠌，十分好食。总括来说，值得一试。三样味道都十分好，食物质素份量足够😋。另外叫了三杯饮品，热豆桨，有很浓郁豆味、冻乌龙水果茶少甜、冻仙草奶绿少冰少甜，亦十分不错喔！
继续阅读
见以前光荣位置开了台式食品，抱住一试心态。伏伏伏，伏到唔知点解店主咁有勇气叫自己台式餐厅排骨招牌卤肉饭， 基本就系一堆肉加个汁打个茨， 一点台湾卤肉味都无排骨？ 港式松肉粉腌到霉， 炸过下就系台式？到底店主同厨师食过台湾嘢未？ 识唔识食得出少少台湾味道都无？ 知唔知点整？ 上影片分享网站 睇下啦几十蚊揾自己笨唯一可赞嘅就系环境整洁， 够光猛， 有用即热滤水机员工有礼，对每个客都好好招呼， 用QR Code 落单亦方便，以上所有嘢都无法挽救食物出品
继续阅读
新开台湾小店今晚试吓新开张嘅餐厅本来喺门口睇Menu觉得好少选择后尾职员行出嚟话因为新开张好多菜式要喺App睇咁见到佢有乌冬，就入去试吓香酥鸡排卤肉饭 都几大碗个汁调得唔错，唔会太重味鸡排都炸得外脆内嫩+$10 仲有限定水果茶香酥鸡翼乌冬乌冬喺我钟意既软度汤底喺猪骨汤底鸡翼香脆可口正餐价钱可接受，但甜品觉得有啲贵本来想试埋个甜品但甜品价钱同个正餐差唔多价钱如果有埋新竹米粉就好啦期待将来更多新菜式🥰微茶深井深井村55号地舖
继续阅读
深井刚开了一家台式食店。这𥚃装修简洁舒适，光线充足，服务员都是热诚有礼的。原来九时后只有糖水供应，就点了两款甜品。腐竹蛋糖水腐竹细滑，鸡蛋有蛋香，甜度适中。海带绿豆沙这碗热腾腾的绿豆沙，幼细的海带和绵绵的绿豆，两者的香气扑鼻而来，入口既有海带的味道也有绿豆的味道，甜度刚好。和老板娘闲谈，原来店舖饭市的出品都是采用新鲜肉的，而稍后会推出更多款甜品。这么有诚意的食店，下次要再来试其他台湾食品、饮品和其他糖水。
继续阅读