御 ‧ 家上海

营业中

休息中

睇完戲都21：30, 有D肚餓,唔想食得too heavy...經過見可以食吓麵,點心,good😁同知客講兩位,已經同我講就快截單,最多坐到22：15. OK啦,輕食夠時間啦.坐低,上茶水,menu,侍應都客氣嘅☺️ 點咗紅燒牛肉麵,菜肉雲吞同炒萵筍.三樣嘢都正常發揮😁兩人消費大約300蚊.香港地係咁㗎啦🤣

同屋企人三個去飲下茶，有人蔘烏龍茶正，$13位上海煙燻脆皮雞（半隻）外皮脆脆肉質嫩滑，小骨隔籬嗰個汁好特別，出面都冇，少鹹少甜小辣咁樣啦😹紅燒小元蹄Braised Lucky Pork Knuckle新年一定會食，橫財就手(祝福語) 成日行嚟行去要補下身，小白菜好新鮮，肉質彈牙好多肉食，加埋啲汁好似食緊鮑魚咁招牌十景揚州炒飯，比較乾身，吾會油👍飯粒分明，幾香口，飯有鑊氣的味道流心奶黃千層酥Wa, 呢啲糕點食得人最開心，好鬆化啲流心冇偷工減料，勁多，好香蛋黃味小食推介

今晚三人去大圍吃晚飯，在圍方商場的上海菜，排隊等候的人潮似乎從未間斷，據說這店生意不錯，因此分店數量也越來越多。然而，對於我來說，這裡的食物質量卻讓我感到失望。三個人的晚餐總共花費了$2200，我們叫了一碟海參及蟹，性價比實在低得令人咋舌。我們點了甜品高力豆沙和豆沙窩餅，這些都是預製菜，但催促兩次才上桌。看來餐廳是集中一起為所有枱上甜品，這樣的等待讓人感到不耐煩。此外，服務質量也不盡如人意，明顯人手不足，服務員來來去去，忙得不可開交。整體而言，這家餐廳的服務、食物和環境都屬於中規中矩，並沒有帶來任何驚喜。相比外面的私人小店，這裡的價格卻高出了不少，讓人不禁懷疑是否真的值得。或許下次我會選擇其他地方，尋找更高性價比的用餐體驗。

一大班人食飯，今日就選擇咗位於商場入面嘅上海菜試吓！當日平日六點幾去到都已經人山人海，最後等咗差唔多一個鐘先有位，想食嘅朋友記得提早訂位🤓⭐️麻香雞絲粉皮 $68呢度嘅花生醬比較厚身，花生味濃！配上青瓜同雞絲，口感豐富，中和花生醬嘅濃味，作為前菜非常適合！⭐️女兒紅醉雞 $88醉雞好嫩滑，配合酒香，而且好夠凍，少有香港食到嘅高質素醉雞！⭐️蔥油開洋拌麵 $68拌麵質感彈牙，配合香噴噴嘅蔥油同特製醬油，美味可口！⭐️醬香素鵝 $68每次食上海菜都必定叫嘅一個小食，呢度嘅素鵝符合預期，睇相都見到佢嘅腐皮炸得好香脆，而且餡料充足好惹味！⭐️脆煎灌湯小籠包 $58呢度嘅小籠包質素唔錯，佢嘅感覺有啲似生煎包嘅改良版，脆底配上小籠包皮薄多汁！⭐️乾煸四季豆 $88四季豆炒得好香，而且佢嘅肉碎配料都好香濃入味，略嫌比較鹹，送白飯就啱啱好啦！⭐️上海粗炒 $98睇相都見到佢唔算好油，而且配料同上海粗麵炒得夠乾身，配埋佢地自家既豆瓣醬好好味😋⭐️流心奶黃千層酥 $52千層酥十分香脆，而且流心奶黃好香濃，但係唔會太甜，作為甜品小食非常推介！

食完埋左單後離開時，職員在門口大聲問我埋單未。雖然我即時show單據比職員，但職員睇完後仍然態度差勁，同埋職員係其他客人面前已經搞到我超級尷尬。咁大間餐廳唔會check清楚客人埋單未就追住客人大大聲話「請問埋左單未」？唔明點解可以用咁既態度對待同埋咁樣冤枉客人。 事後完全冇誠意道歉！

😋蟹黃大湯包Size確係幾大，有支飲管俾你去啜啲醬汁。都有充足嘅蟹黃味道，味道都唔錯。🤔拍蒜三層鹹肉炒萵筍絲 高湯味比較突出，反而冇咩蒜味同鹹肉。啲蒜頭切到好大粒好，如果係蒜蓉炒，咁會蒜香多好多。同埋啲鹹肉粒可以細啲，可以再食到多啲mix 嘅味道。🤔新豬肉蟹肉紅油小雲吞紅油味道係甜豉油加花椒味。偏甜。完全冇食到蟹肉嘅感覺。❌雪菜黃魚煨麵 冇咩魚湯味，淡如水，杰杰的。黃魚片勁碎，唔係一片片。雪菜都唔香。冇樣好味。完全唔推介。環境：★★★★☆ 食物： ★★★☆☆ 推介度： ★★★☆☆

御家上海位於大圍站圍方三樓，交通十分方便上海海參酸辣湯酸辣湯酸中帶微辣，加上營養豐富嘅海參作配搭，口感更豐富上海煙燻脆皮雞（半隻）外皮脆脆肉質嫩滑上海擔擔麵在香港吃到的擔擔麵通常都減了辣度，湯底偏清淡會以較多的芝麻醬取代辣油擔擔麵上灑上豬肉碎、櫻花蝦，蔥花增加口感適合一班愛吃小辣的朋友金牌小籠包（六件）人氣之選招牌菜即叫即蒸,新鮮出爐肉質鮮嫰有嚼感鮮肉鍋貼鍋貼皮厚薄適中，底部煎得香脆配上薑絲，醋和豆版醬，味道提升了一個層次注意一下用餐時間90分鐘結賬後，會送出一張100蚊優惠券，可以下次使用

小籠包值得一讚，花雕雞可以，炒蒿笋也不錯，排骨太甜了，酒釀丸子缺料無味，這最後上的甜品最是扣分的，熟悉本幫菜的應該會有要求，餐桌太小了吃完一個菜必須徹走盘子，用餐環境擁擠影響體验感，二個人消費五百多不算便宜，其實可以做得更好。

正常上海料理，上菜速度快，服務質素好好。9人去食有小朋友，限時90分鐘，夠鐘立即催埋單。小朋友仲食緊，職員大大聲嗌「嚟緊入10位」。收完錢就催客走，立即執枱。如果想試上海菜嘅快餐可以去下，但係三五知己想聚下傾耐啲，去M記好過佢。

到圍方吃晚餐，因大家很久沒吃上海莱，便找上這間😄，這兒佈置富中國色彩，但空間比較迫，可能人流較多，入座起計，限時90分鐘，因此員工工作較緊迫，令到客人用饍氣氛也緊張起來。。。。🤣~餐前小食~雲耳，豆腐粒，青瓜，微酸辣。~水晶肴肉~膠質與肉質鬆軟。~蘇式燻魚~炸得不硬實也不甜，魚肉軟腍。~金牌小籠包~皮薄多汁🤞~脆煎灌湯小籠包~鐵板上，熱騰騰脆底爆汁👍~鍋塌豆腐~外皮軟腍，豆腐嫰滑。~大上海牛肉餅~煎過焦致外層硬實，牛肉一般😑~流心奶黄千層酥~外層脆硬，流心湧現，奶黃過咸🫣~原桶黑豆腐花~黑豆味淡，豆腐花甚滑溜✌️

環境唔錯，裝修古色古香，有種中國傳統既味道！位置都唔少，仲有圓枱提供，多人既一家人就可以一圍過，唔洗分枱坐👍🏻1. 麻醬雞絲粉皮 $68永冇失敗既麻醬雞絲粉皮, 味道正常, 麻醬都幾香, 不過雞絲份量真心唔多, 粉皮同青瓜絲份量正常啦! 2. 女兒紅醉雞 $88醉雞都幾入味，酒香都濃郁，但份量唔多，雞肉以雞胸為主，啱晒健康/keep fit人士😀3. 菜肉餛飩拉麵 $78餛飩都幾大粒，有5粒左右🤔清湯…比較清淡，想清清地，唔想咁濃味既朋友就啱晒啦！麵既份量唔算多。4. 招牌糯米炒青蟹$438青蟹都幾大隻，糯米飯炒得都幾香，不過略嫌唔夠乾身，糯米有啲散開，同埋比較漿口。糯米飯會有啲蟹殼碎，所以食既時候都要小心啲。(未計加一服務費)利申：並冇任何試食活動/優惠！全部正價！(按餐廳MENU上價格付款)

11點半walk in唔洗等位，入面好寬敞，食食吓都開始坐滿人，qr code落單夠直接方便，店員好多可以密密幫我哋換茶😂🤣。上海小龍包，皮薄入面仲keep到有湯頭夠曬鮮甜，放上匙羹上面，篤穿個底，流晒啲湯出嚟，先飲湯，再點喼汁，滿足。上海煙燻脆皮雞，雞皮脆，加上飄來淡淡煙熏味道，肉質嫩滑，雞脂四射，垂涎三尺。地點:位於圍方商場3樓，食完可以行商場，又可以儲MTR商場分。環境:上海建築特色，木系嘅裝修加上中式古風嘅設計。

身為上海人特意前來一試，結果與期望相差甚遠。熏魚尤為難食，和熏魚根本不沾邊，就是炸過的糖醋魚。生煎包的皮非常厚，湯汁近乎沒有，每口都感覺像在吃面粉。酒釀圓子裡竟然放橙子，究竟是哪個天才想出來的？總之非常失望。

昨晚聯同三五知己去到大圍車公廟路圍方閒逛揾食，遠處看見一間食市門外擠滿了輪候等位的客人，原來是‘’家上海‘’，想必這間食市一定有其吸引之處，於是就決定一嘗這間菜館的美食，結果等了差不多一個小時，終於可以入座了。鎮江官肴蹄（水晶肴肉）$88這是一個冷盤，肴肉有微微的鹹香味，再加上少許醋，提升了肴肉的香味。蜜汁脆鱔 $98這道菜我就覺得一般，鱔炸得太脆，好像是炸魚皮，沒有鱔肉的口感和香味，而且這個酸甜汁太濃味。鹹肉火腿津白 $88這道菜有火腿、津白和草菰。火腿的鹹香味滲透在津白裏，再加上鮮甜的濃湯掛滿了津白上，提升了津白的香味。鐵板灌湯三煎包 （四件）$58熱辣辣的鐵板灌湯三煎包端出來香味四散，食落包裏的免治豬肉和爆出香濃的湯滿佈口腔裏，軟軟的包身再加上微脆已煎香的包底，層次感十足。上海粗炒 $98這道菜有上海麵、木耳絲、冬菇絲、椰菜和白菜仔。上海麵、木耳絲和冬菇絲吸收了醬汁的味道，椰菜和白菜仔夠鮮嫩爽脆，整碟菜炒得夠入味和乾身，不油又不膩，十分好味。流心奶黃千層酥 （三件）$52千層酥食落十分脆口，再加上酥皮裏包裹著香甜的奶黃醬流進口腔裏，豐富了我的味蕾，滋味無窮。

點了幾款食物，水準都中上。但服務態度扣了很多分，不會再試。茶水要叫才會加水，只係見到食完就馬上收碟，茶就唔自動加，像趕客快啲走的感覺。像這樣中高價位的食肆，沒想到有這樣的服務態度。