御滿屋日本料理

营业中

休息中

🍣超興奮! 屯市終於有間連鎖日式放題啦😍 仲要見到佢可以任食Häagen-Dazs同D24馬來西亞榴槤, 簡直心心眼呀! 呢晚同屋企人一早book咗位食放題~ 我哋個個食到勁飽, 勁盡興! 刺身多選擇, 特別赤蝦勁肥! 手卷仲要有海膽, 完全超值! 熟食都勁多選擇, 有小丸子最中意食嘅乳鴿添😋 重點要推介埋熟食區嘅三文魚頭, 滿滿嘅蛋白質~ 壽司都勁多選擇, 除咗魚生, 仲有火炙壽司, 佢嘅焦糖三文魚大讚~ 我哋勁開心, 瘋狂食咗好多轉D24同Häagen-Dazs 雪糕, 超perfect嘅一晚。雖然場內勁多人, 但見店員都好努力上菜同收碟~ 落完QR code單後, 都好快有野食, 就算未有野食, 出面仲要有前菜, 熟食, 甜品食住先👍

呢間新開屯門日式放題餐廳提供好多選擇，揀最平嘅餐，唔貴，一定食到飽飽。自助區有前菜、炸物、熟食，仲有飲品任飲，選擇多樣，方便又抵食。刺身、壽司刺身新鮮，款式多：有三文魚、油甘魚、赤貝、北寄貝、希靈魚、甜蝦、牡丹蝦、鮑魚等等。壽司亦有唔少選擇。手卷有海膽手卷、吞拿魚蓉手卷等等。燒蠔鮮美多汁，蒜蓉味好香又帶點辣。另外串燒選擇都好多，牛舌薄身爽口。雞翼鹹香適中。天婦羅外皮酥脆。熟食有花膠，質地豐滿，滋味濃郁。鍋物如牛肉鍋同烏冬，湯底香濃，牛肉滑嫩，烏冬Q彈。榴槤同甜品榴槤味道濃郁，鍾意食嘅一定唔好錯過。雪糕同甜品種類多。最正你Haagen Dazs 雪榚任食!

之前去屯市經過見到佢地個招牌已經知道佢地要係呢到開張，即刻同屋企人share呢個喜訊，係帶屋企人去試之前，就緊係要同我男朋友去試下佢地既質素先啦🍣佢分別有A餐同B餐，價錢相差$140左右，生日月份仲有生日優惠添，而小童同長者都一樣可以享有優惠價錢呢到全新裝修，所以食物區分配好有條理，地方都好闊落，完全唔使擔心會好迫同好亂。🐒極緻雙重黑松露鵝肝鮪拖羅汪洋盛宴(星期一至四)(晚市)💰$398完全set都可以免費升級極品馬來西亞榴槤任食，岩哂啲中意食榴槤既朋友，特別係佢個甜品真係必食食物方面選擇都好多，除左諗到既之外，特別啲嘅就有乳鴿，佛跳牆等等，而surprise到我既仲有夠哂酸辣既酸菜魚，勁開胃呀另外仲有一個surprise位係佢地既雪糕櫃，除左有Häagen-Daz同Movenpick任食，仲有各款唔同種類大牌子雪糕🍦我今次就揀左Dreyer’s既開心果脆皮雪條啦😍當日平日去到都坐滿咗八成，我諗除咗有街坊之外都有唔少人好似我咁特登過去，所以如果想確保有位嘅話記得打電話去訂座先呀，同埋訂咗嘅話可以優先入座嫁！

刺生點十發七，蟹啖啖有冰，降温一流鮑參翅肚，點一來三花膠味淡如水，加粉漿炒蟹一追再追才上，蟹殼堅硬，沒工具提供，反映完幫你夾一下，再反映食唔到才拿鉗來未完場，雪糕杯已沒，再提才加少少雖然經理落力解決問題，但這個價錢，這個食物質數，員工的錯漏，香港還有其他選擇

見最近屯門新開咗一間放題，仲要有馬來西亞榴槤任食，即刻試試佢。 地方寬敞坐得舒服。好多人放題最擔心嘅刺身同壽司種類多，夠新鮮夠甜，呢個價錢仲有海膽手卷任食。比較特別仲有泰式生蝦。熟食嘅選項多，乳鴿，花雕醉鮑魚，鹽燒青花魚，鮑汁燴花膠，炒蜆球等等。每次下單都可以試到唔同嘅嘢食，準備埋單我仲未試得晒全部🤣 絕對唔會咁快食厭！帶小朋友嚟食嘅放心🤭自助區有小朋友愛食既炸雞塊炸雞，同夾軟糖嘅區域，見當日在場嘅小朋友好興奮🤭而家做緊新店開張優惠，有Haagen-Dazs & MOVENPICK無限任食！放題有好味雪糕食先可以滿足到最後！

今日同Frd book咗食明明入去之前 個店員同我地講 自選時段去到8點 跟著我地先啱啱開始食一個鐘就叫人埋單啲野食仲食緊架嘛 就執曬我地啲嘢 好似趕人走咁啲刺身又唔係好新鮮 好失望..

真係超耐無食過放題啦🫣 今晚呢餐好豐富，都食得好盡興😚 晚市係出乎意料之外嘅好多人，超過100款食物都係無限任食嫁～ 飽到就嚟要捧住肚仔走😆套餐內有多款刺身、壽司、卷物、手卷🍣… 全部都係無限任食，而且師傅都好貼心，每件嘅都係細細件，唔怕浪費野之餘又啱哂我呢啲想試多幾款嘅人😍刺身都好新鮮，帶子大大粒，肥美嘅三文魚亦令人難以抗拒😚熟食方面有天婦羅🍤一品料理🍲… 🔥🔥仲有蒲燒鰻魚同埋蒜蓉燒生蠔🦪 真係食到舔舔脷👅甜品方面選擇多多，就連ʜäᴀɢᴇɴ-ᴅᴀᴢꜱ同ᴍöᴠᴇɴᴘɪᴄᴋ雪糕都係任食唔嬲嫁‼️ 鍾意榴槤嘅朋友千祈唔好錯過佢哋嘅榴槤甜品，味道香濃超細膩🥹🥹 快啲同屋企人或者朋友過嚟食餐勁啦🤞🏻

🍣「滿屋日本料理」以高性價比的日式放題聞名，現於屯門市廣場開張📢 兩小時任食，有不同價格的套餐選擇，今次揀咗套餐A(人均Hk$300内)，適合追求多元選擇與新鮮食材的的食客。店內人流極旺，絕對係區内人氣店🔥環境空間足，燈光柔和、桌面整潔，以QR 下單，服務迅速，至啱家庭/朋友聚餐餐廳最大亮點係「任食榴槤」，榴槤控可盡情品嘗甘甜果肉，絕地係回本之選 ‼️刺身拼盤包羅萬有:三文魚、帶子、甜蝦等多款選擇，每款均厚切且魚脂香氣鮮明，甜蝦晶瑩口感微甜。熱食表現亦不俗，天婦羅裹粉輕薄酥脆，油感控制得宜，蒜蓉燒生蠔香氣濃郁自助前菜區亦不容錯過，有脹卜卜炸蟹鉗、麻辣魚皮爽辣開胃、海葡萄帶淡淡海水鮮味。飲品亦有啤酒、汽水、果汁揀🍹甜品區更有驚喜，除自家製糕點、啫哩杯、水果等，亦提供多款口味Häagen-Dazs、MÖVENPICK及各式雪糕，為餐後畫上完美句號😍📍滿屋日本料理屯門屯順街1號屯門市廣場1期1樓1246-1266號舖 (港鐵屯門站 C1 出口, 步行約6分鐘)

✨ 適合人群：日料愛好者、朋友聚餐、家庭輕鬆小聚🌟 核心體驗：新鮮與多元的平衡作為屯門人氣日料店，御滿屋以兩小時任食套餐打響名號（套餐A $278/人），從刺身到甜點全程在線，適合追求性價比的食客。🍣 魚生刺身：新鮮度是靈魂• 三文魚、帶子，甜蝦，希靈魚等刺身厚薄均勻，魚脂香氣清晰，新鮮度四星• 推薦嘗試甜蝦刺身，蝦身晶瑩透潤，微甜口感讓人上癮。🍳 熱食與炸物：誠意滿分的日式風味• 天婦羅：蝦與蔬菜裹粉輕薄酥脆，油感控制得當，四星評價實至名歸。飲品與甜點：解膩與收尾的儀式感• 飲品台提供啤酒、可樂、無糖烏龍茶等任君選擇• 甜點環節是亮點：◦ Häagen-Dazs士多啤梨雪糕酸甜清新，MÖVENPICK朱古力雪糕濃郁絲滑；◦ 復古感滿滿的能得利雜果雪條、Mega薄荷朱古力脆皮雪條，瞬間喚醒童年記憶。• 環境：店內空間偏緊湊，但桌面整潔、燈光柔和，適合輕鬆聊天。• 服務：服務員反應迅速，加單、換盤及時，全程保持禮貌微笑，四星評價源於細節體貼。💡 實用Tips1. 推薦點單順序：先刺身→熱食→炸物→甜點，避免味蕾被濃味搶佔。2. 性價比關鍵：兩小時任食設定適合大胃王，建議多人同行分享更多菜

見新開，所以book咗位去試下，點之中哂伏刺身d蝦唔甜，其他正正常常叫三文魚籽手卷比錯海膽手卷，個海膽得一舊仔係上面，細到食唔出咩味，因為比飯蓋過哂一口牛柳粒韌嘅海皇粥好似係白粥煮完就咁放d蝦，鮑魚，蟹柳，瑤柱，粟米咁，定煮得唔夠耐，個粥底無海鮮味，食緊白粥咁鮑汁燴花膠，個花膠係完全無入個味，食緊一件無味嘅滑捋捋嘅物體咁竹笙瑤柱蟹肉魚翅，成碗嚟到好似一d芡汁咁，入面無咩材料食到試業價$298一位，但呢間店無下次👋🏻

打算開開一家人食生日晚飯，點餐混亂用QR code點餐的，食到一個鐘頭45分鐘還未有一件壽司和軍艦上過，上的全部都係熟食，例如湯，通菜，焗元貝等食物，如果想食燒物等成一個先出少少，出面自助區完全冇人refill食物，種類選擇少，餐牌上寫嘅雪糕完全冇見過，也沒有其他雪糕取替，總結食物味道很一般，服務冇，不值這個價錢⋯同我之前比較食其他放題，這間直的很差👎出邊咖啡機撳不到咖啡，可能需要換咖啡豆或者換奶，找員工幫忙，話要忙完先😕

話說當天訂了晚上8:30 ，咁我哋在8:27左右去同個侍應講book咗8:30，侍應即刻帶我們入座，我們以為是宵夜時間的價錢，所以就跟他入座，誰知在埋單的時候，竟然是收我們貴的價錢 我們都很無言。食物方面 亂來的 有叫沒叫都給我們，亂上，刺身等了很久才上，buffet吧，很多食物飲品都沒有，也沒有refill！雪花肥牛鍋 甜到以為自己食緊糖水，榴槤好味道，刺身質素一般 帶子很腥，枱上很多空碟也沒有即時去收 儲了一大堆才有人去收碟！服務員態度尚算幾好，但認真未必有下一次了，呢個價錢我都係去食大x喜好過！

屋企人睇到網上嘅片話想食就嚟咗我哋夜晚去食..要咗B餐..見到片係有生蠔杯結果坐低 睇咗個QR code落單 只有海膽杯.開頭見啲人話要等好耐嘢食都有啲擔心但係第一轉啲嘢食都算上得快.但係唔知係咪新開人手唔係好夠冇人收嘢..好多次都係自己將啲碗碟放落去執嘢架車度😂😂😂.留單嘅情況 都有少少多之後又會上咗啲冇叫嘅嘢😂😂😂.最後埋單差唔多$500一個人呢個價錢選擇又唔算好多暫時應該唔會再返嚟食住😹🙈

屯門已經好耐冇放題店了，見到再有即刻嚟幫襯，其實旺角那間已經麻麻地！諗住再畀多次機會佢，都是失望離去！刺身本身都有問題，劍魚腩唔知食咗咩落肚;三文魚好似新鮮但沒有鮮味。蝦天婦羅温熱但很淋；羊架、牛舌硬到咬不開，壽司不精美。😮‍💨燒鰻魚等咗好耐竟然係不熱嘅;鵝肝薄有怪味；比目魚又係凍嘅；燒蠔最好笑，全部都係縮水兼難食。🤣最後咖啡機咖啡竟然沒有糖，我問職員是否沒有？他話有....經過二位店員全店搜索之後，原來係無嘅！我諗如果用哂都應該有個空盒剩低，但現場連這都没有，唔通開了幾日都是飲齋啡！跟同級對手差很遠，不合格。😮‍💨第一次亦都係最後一次！🤣🤣🤣

10分滿分、5分合格的話，目前我只能給2分我是26日中午惠顧A餐的首先自助區，飲品雪櫃不凍，12點拿第一罐是暖的、1點多拿第二次依然是暖的，點心方面，超市買的叮叮點心還比這裡的好食，蝦餃粉皮蒸唔夠，入面D蝦"梅"的，紅酒入場已清空見底也沒有補充，其他不過不失...QRcode下單的食物質素比其他分店差，焗扇貝”梅”，比目魚一丁點味都沒有，榴槤炸彈應該是圓形但上枱時卻是扁平的，還以為是燒餅，脆蒜酱燒牛肉壽司竟然可以原片生牛肉上枱，一丁點都沒有燒過的痕跡，熱薰類食物（除了煲仔及湯外）大部份上枱時温度只有微暖、甚至凍當日嚴重扣分的是上菜時間，刺身類平均15~20分鐘，壽司類25~30分鐘，乳鴿竟然要40分鐘，2件榴槤都要30分鐘，最離譜是清酒煮蜆1小時20分鐘（仲要追單2次才有）最後的不滿是，3小時放題，最後落單時間寫明14：30，但14：20之前已經取消了我那枱的下單QRcode最後提醒想到這裡用餐的各位，如果有長者/小童同行的話，埋單時記得看清楚單據，我當日和長者同行，出單前已看了長者卡，但之後埋單的單據全計成人