御泰坊-泰越菜 (已結業)

同朋友一行4人去APM食飯,諗唔到食咩情況下又諗起食泰國菜XD因為朋友放工比較遲,8點半到先拎位,等得唔算耐,30分鐘左右首先叫左個蒜蓉包,比較硬,但絕對唔乾,口感十足重有豬肉串燒,沙嗲汁好濃,唔辣但會上癮,啖啖肉配上沙嗲汁都好開胃香芒軟殼蟹紙米卷,都好大份,紙米卷好"煙韌",配埋個汁醬味道好清新,軟殼蟹就好似圖片咁都唔算細隻 馬拉盞炒通菜,炒得幾入味,唔會太老,見到都幾多人叫青咖哩南瓜豬頸肉,MENU上面有2隻辣椒,本身都怕會唔會太辣,不過其實又岩岩好,咖哩味好搶,叫左個白飯share黎撈咖哩汁,正!最後甜品叫左個泰糕點,一式三款糕點,賣相相當OK,好有泰式味道,同中/西式甜品好唔同,不過分4份,無咩試到個味道環境幾舒服,位置都比較鬆動,服務都幾好,侍應有時會自己傾下計,但唔會扮睇你唔到,令到氣氛唔錯,而且價錢唔貴,無限時間,值得再去

上星期同朋友食完下午茶即刻去左觀塘會合屋企人去食泰國菜我地去左御泰坊，呢間係我係九龍城以外食泰國菜既首選。我自己平時同朋友食飯御泰坊都會係選擇之一，加上佢入面坐位地方都闊，人多傾計坐下都方便舒服。係apm食飯經常性要等位，所以我地book定枱早啲到，6點食飯時間岩岩好。我地3個人點左6款食物，米紙卷，生菜包都係每次必點。生菜包少少辣連媽媽唔食得辣既都食到都話好味。米紙卷後來我地再加點多一碟今次試左幾款平時冇點過既菜式。豬頸肉沙律真係麻麻地，蔬菜絲味道好淡冇麥吸引力，係出面食過更好食既。反而扎肉河不錯，河粉好滑。平時3至4個人食要500元左右，因為有信用卡優惠我地今次只係用左300元就食到好滿足啦

同老公假日出街行下, 係觀塘apm行吓行吓已到晚餐時段, 觀塘apm商場頗大, 食肆好多, 我哋週圍尋覓食肆時, 看見前面某ㄧ間餐廳有好多人輪候, 我哋上網搜尋, 這間是泰國菜館 - 御泰坊, 。我的奄尖老公最愛泰菜, 而且這是觀塘apm唯ㄧㄧ間泰菜食肆。我哋大概等咗三十分鐘, 就可進入。這𥚃環境唔錯, 感覺舒服。我哋點咗兩杯特飲, 炭燒豬頸肉, 蝦餅及泰式炒粉絲。總括来説 : 食物味道唔錯, 尤其炭燒豬頸肉, 好腍好香。我會再來捧場的

每逢午市過後，這裡人不多，易搵位，既可以食全日餐牌、甜品，又可以食下午茶餐牌，最啱同朋友閑聊……餐廳的墻壁用書架和壁畫來裝飾，頗有文化的氣息。揀咗個幽靜的卡位，很有私隱性。小食＂蝦餅 + 素菜米紙卷＂，一碟點心兩個品種，分別配有辣醬同甜酸醬。＂蝦餅＂的外皮炸到酥脆，咬落彈牙，有蝦味。＂素菜米紙卷＂，包有生菜、紅蘿蔔、青瓜、冬菇等這絲那絲，咬落嗦嗦聲。主食＂椰青海鮮焗飯＂，一個字—－香！用椰青水煲飯，用椰子肉和雜菜粒、魷魚粒炒飯，飯在椰殼中整只端上，好有野餐的 feel 。由這個飯送來的那一刻開始，濃郁的椰香氣味就一直環繞在周圍，可以說是香氣逼人😍，食完飯有種黐唇感，好似飲咗高湯咁。上面的海鮮有青口、大蝦肉、鮮魷魚、乾貝，感覺還可以再豐富Ｄ😄。甜品＂芒果椰汁鴛鴦糯米飯＂，賣相吸引，口感也超贊👍。這道泰式的精典甜品，芒果選料新鮮水嫩，黑白糯米吃口軟糯、煙韌，本身微微甜，再淋上椰漿，食落真係大滿足😍！飲品＂ Mango Tango＂，有很純的嫩黃色和很香的芒果味，討人喜歡，上面仲有粒粒鮮果肉，正！呢間的泰菜比較啱口味，價錢也適中，難怪追捧者眾多。

是日晚餐——御泰坊 女朋友喜歡泰國菜，所以每次嚟APM都睇一睇多唔多人排隊，次次都排1個幾鐘頭先入到去食，今次好好彩，一嚟到唔使排隊，10分鐘後門口就企滿晒人。 😌泰國餐廳烤魚必叫是常識吧！

我諗，DINNER 時段喺 APM 搵食，最最最唔駛等位，恐怕係呢間 King & I 泰國菜。菠蘿雞肉炒飯：比想像中細兜......味道不過不失啦。香辣椰汁燒雞：外觀上似炸子雞，但食落似普通燒味檔的油雞 (油雞味欠奉那種)。香辣椰汁？......香辣只是那碟 FOR 你點來食的醬汁而已 (同隻雞無關)。椰汁？......只是伴碟的 "飯團仔" 而已 (它類似椰汁糯米飯果種)。呢味雞，廚房亂章斬，所以 D 雞件唔係齊口的，食時要加倍小心，因為好多被斬致亂龍的碎骨......口感較乾身，味道係冇味的，你當係食乾身又多骨碎的白切雞好啦！

真係好鍾意食泰菜，但係如果次次食都要入九龍塘又真係好唔方便，所以今次就去apm 食算！呢間餐廳啲沙律幾得意，佢會用個杯咁嘅兜懶靚咁裝住，我嗌嘅呢個軟殼蟹沙律，軟殼蟹炸到好脆，加埋佢嘅酸酸甜甜沙律汁同埋清新嘅配料，係幾開胃，食到停唔到口！ 炒通菜、菠蘿炒飯就一定會嗌，味道都ok不過不失咁，我反而幾鍾意佢個肉碎生菜包，可能因為我好鍾意食啲有咬口嘅野！佢有時仲會做東亞信用卡優惠，食五百定四百平一百，如果撞岩有優惠去食就幾抵嘅！如果無就有少少貴嘞，始終喺商場！

是日與幾位好閨蜜行山後，到apm食下午茶。假日處處都擠滿人潮，剛好御泰坊有位，就此來輕食也。這是單點菜中值得推薦一員：泰式鮮蝦金柚子沙律 Pomelo Salad with shrimps, dried fish and cashew nuts賣相：以玻璃瓶裝起沙律，既能清楚看見每款材料而且具層次感，鮮綠鮮橙顏色配搭亦搶眼不凡，幾條蝦尾從瓶口突出，很有動感。食材：金柚子果肉味道酸中帶微辣，柚子醬汁開胃。鮮蝦去殼，也去除蝦腸，這一點我可是非常在意的，加分!沙律菜份量不算多，但配有腰果碎，增加口感。如果再配上兩條素春卷或者米紙卷的話，就更完滿了！

周邊的餐廳已經爆滿.不想等太耐就簡了人沒有太多的御泰坊,等了十分鐘便有位,環境都算光猛,只是製作飲品的時候比較嘈.(香茅香辣雞煲:沒有影相),燒魷魚鬚和香茅香辣雞煲質素普通,通菜的味道適中.鴛鴦芒果糯米飯的糯米飯比較好,薄餅朋友很喜歡食,小弟沒太大興趣.

前排一直同男朋友食西餐，差唔多都係食意大利麵，於是決定轉下口味，食下其他菜式。黎apm都係貪佢就腳又有泊車優惠，咁岩又發現呢間野幾多人等緊，應該唔錯的(´▽｀)～～我地兩個人大概等左十幾分鐘終於可以入坐( ̀⌄ ́)食物1.炭燒沙嗲（豬肉）平時真係好小機會會食串燒，呢款串燒食落幾香，點左佢地個醬就更特別，不過肥肉就比較多，唔太岩我呢d怕肥既人🤣🤣2.馬拉盞通菜 炒通菜我平時最鐘意食，不過平時食開都較淡味。而呢一碟對我黎講就太咸，不過味道就幾特別，搞到想要返碗飯添。3.鮮蝦金邊粉 食泰國野既話，個人最鍾意食金邊粉，但坊間種類都幾多，都唔係好識分正宗與否，只在乎好唔好食🤣。呢碟金邊粉簡簡單單，食落都幾好味😊

御泰坊一向是家人喜愛的泰國食店之一，所以不時都有來。但今次發現食物分量少了🙄有個甜咖哩羊排骨，薯仔多過羊🙈但個咖哩是好吃的，配飯很好。個炒金邊粉都不知幾時已換了碟上，又比上次少了分量🌚今次食的新菜是這烏頭:很不錯呢，特別係面頭的黑色配料（唔知係叫咩），酸酸的，點埋個汁，辢辢的，正！我們亦叫了優惠飲品，青檸汁可樂，係有點青檸味，但好像飲緊冇氣可樂😂另值得讚的是那兒的服務一向都keep 得不錯👍有會員的確很抵食！

等媽咪放工之後就同佢來APM呢間泰國菜食嘢，之前都食過一兩次，都覺得唔錯，所以再翻兜啦。我哋總共叫咗四樣嘢食：柚子沙律、炸蝦餅、冬陰公炒飯、生菜包。柚子沙律：柚子好新鮮，而且爽口清甜，好開胃炸蝦餅：蝦餅炸得好脆，而且好厚，裏面口感好有彈性，好味冬陰公炒飯：冬陰公味係有嘅，但係唔太出嚟，不過不失。生菜包：揀咗豬肉，辣辣地好惹味，包埋生菜去除油膩感整體來講味道唔錯，不過個人覺得有啲貴，兩個人加埋就食咗成三百幾蚊。

很少會去APM, 因為總覺得消費不便宜又食物－般。今天朋友要我們幫眼買袋，先至去嗰度。－看餐牌，想唔到午餐價錢少於60,包餐湯前菜和甜點！個前菜係酸菜加米通，不過不失。湯也ok，清清地。我地各自叫了不同的野食，我食茄子鷄肉油飯，味道很好，不辣但很香，有蔬菜又有鷄肉，份量足。朋友叫的青咖哩豬肉油飯，賣相不錯，雖然有２個辣椒，也不太辣呢。另一個則吃冬蔭公麵，也很好呢，只嫌細碗些。甜品係柚子乳酪蛋糕，唔錯呀！總結，尼度地方都幾好坐，野食唔差，$60夫復何求！

今日黎食左個lunch十二點半都唔太多人唔洗等又好好坐Lunch set由$58-68有湯前菜飯仲有甜品呀淨睇餐牌係apm黎講真係超值試左個青咖哩豬排油飯青咖哩少少辣多多青豬排份量多，有成六七舊最正係個油飯非常香！諗起而家都想食多碗呀用黎撈咖哩岩岩好呀最後上埋個甜品食完個lunch番工都開心d呀

今日老細請食飯，我哋一行七個人去咗御泰坊食嘢。去到門口雖然比較細小，但係服務非常好。侍應接應我哋一行七人係一張好大嘅圓台食飯，好似飲茶咁，傾計非常之方便。因為預先訂枱關係，所以唔駛等枱度。Menu Menu ,有好多唔同種類嘅泰國嘢食！見到都好想食呀，我哋食咗好多好多款嘢食！叫左商務四人套餐。裡面有好多嘅嘢食，柚子沙律，海南雞，蝦餅，不過唔記得咗影餐牌。另外我哋仲叫咗咖喱雞，蝦殼蟹春卷，豬頸肉，同埋菠蘿炒飯，香芒糯米飯。泰式嘅醬汁真係好嘢味好好味啊！炸品炸得好鬆脆， 我就特別推介蝦餅，同柚子沙律仲有魷魚！魷魚辣辣地好好味好惹味。環境亦都非常之寬闊寬闊。如果想一班人來食飯，七個人嘅話，呢度係一個唔錯嘅選擇。總數大概1100百幾蚊！真係物超所值！呢個價錢，呢個質素，我相信我會再嚟下一次食嘅！而且仲附送甜品，係一款藍莓味嘅啲士多啤梨味嘅芝士蛋糕，下午時間如果容許嘅話食而家都真係唔錯！多謝大家