御廚

兩大一細聖誕節$750⋯⋯款式不多，5:30開始有得食，環境舒適坐得闊落人不多。晚餐自助餐：沙律水果兩大一細連加一，晚餐自助餐共$750，壽司刺身火鍋熱湯甜品雪糕飲品，樣樣有齊，基本上除咗凍貝殼類沒有味道之外，估唔到每種食物都很有質素，個廚房出品好唔錯。首先長腳蟹有鮮味刺身三文魚甜蝦好食，燒臘檔同串燒，揀咗燒雞翼同台灣腸小朋友好鍾意，火鍋檔多款式及配料，巳食唔落酸菜魚好味牛仔骨唔錯，湯一般，食咗煙三文魚仲有個鬆化蛋散好甜嘅菠蘿西瓜都新鮮，甜品🍮焦糖燉蛋食咗好多個，之後再嚟一個南瓜西米露，同埋好味雪糕，飽晒。…查看更多

重陽節全家又坐艇過大海，指定動作~食自助餐，特地預訂新馬路附近的英皇，食完可以去逛街。11點9前來到，門前已大排長龍。就座後，先去看看有什麼好東西。 凍冰冰系列  水果三款，沙律，壽司，魚生 ，粉紅色凍肉凍蝦蜆青口皆有。餐湯  海鮮周打 和 黑豆紅棗豬骨湯白湯，對小米來說就是show me your love，再把啖啖肉的燒賣放在Chowder裡，更似Show Me Your Love。 熱盤 豬牛雞鴨炸魚青菜粥粉麵飯點心串燒台腸皆有。炸魚      家中不會浪費食油製作炸魚，所以喜歡在自助餐尋找炸魚。 炸魚漿粉薄但硬，魚味一般。紅酒燴牛尾     心知一般西餐廳牛尾的價格，所以特地多夾几件。牛尾肉質較實，下刀要用力才可分出牛肉，口感較實在，賈要多咬几下。嚐過多款肉類，要來一份青菜扮健康。雪糕無食到。甜品 很大路的款式，無驚喜。個人覺得是mass production。是日中式糖水=係紫米芋頭椰汁蛋散      很喜歡蛋散，又薄又脆但入口即化，無需牙力容易咬。 最後要來一杯Black coffee 作完美的句號。很喜歡醬油碟和匙羹變成的筷子托。…查看更多

餓鳥.....有話兒：「Happy Mid Autumn Festival🌕吃個划算的行政午餐為中秋開月🥰」-前陣子這家餐廳推出的半價午市行政套餐真的超火超爆滿，想約都已經Full Booking了🥲現在難得再推出，雖然只有7️⃣折，但要知道在南灣區用這個價格吃半自助午餐真是少之又少啊🤪這套餐包括了一款主菜和無限添飲的自助沙律吧、餐湯、小食及甜點，而主菜共有10款給選擇，選完Main Course，當然出去外面的半自助餐吧看看有啥啦🥴🔹《香煎三文魚配白酒忌廉汁》三文魚煎至皮脆肉軟，即便不蘸忌廉汁，調味也很夠😋還貼心地把醬汁分開上，這樣就不怕醬汁把肉質變腍軟了😬但份量只有一半三文魚排的size，吃著感覺有點沒滿足啊😳🔹《法國紅酒燴嫩雞》肉質軟滑，咸鮮醇厚🤤但記得要盡快吃，不然浸在濃郁的熱湯里會把雞肉慢慢變柴喔😌要是配上飯或意粉，湯汁加上肉汁，怕是把汁都給伴光了🤣🔹《自助沙律吧、餐湯及小食》當天的自助沙律吧🥗除了有不同的沙律菜和配料，還有日式壽司🍣和韓式醃冷盤🌶；而餐湯🥘有羅宋湯和紅棗豬骨湯；小食🍟則有炸薯角、麥樂雞、蒜蓉包和蛋散；還有些糖水伴侶🍬的涼粉和果凍～真的是主菜還沒吃都會吃飽人啊😆不過要注意每天的款色也有可能不一樣喔😉-🌟餓鳥優惠提示一下：結帳時記得用MPay支付，會享有額外7️⃣折優惠喔～最低70多塊就搞定一餐了🤩-✨餓鳥點餐✨行政午餐-香煎三文魚配白酒忌廉汁（$128）行政午餐-法國紅酒燴嫩雞（$98）*包括無限添飲的自助沙律吧、餐湯及小食-💥另加收10%服務費-…查看更多

在英皇官網訂了聖𧩙住宿套票是包自助早餐的，所以今早就去試吓。餐廳幾大，但枱與枱太近，有點迫，食物選擇不少，但因為晏d要去氹仔食自助午餐，所以只有淺嘗。點心試左排骨細細粒冇乜肉，牛角包同葡撻可以用焗爐焗返，焗完熱食十分可口鬆化，即灼了碗牛腩雲吞肉丸湯麵，師傅給了很大份量，肉丸彈牙，牛腩有啲乾同奀，反而雲吞就幾好。蘋果汁、巴樂汁應該加了水的，淡淡的，反而咖啡就好香濃。如果下次再嚟，想試吓佢嘅自助午餐。另外，整間酒店的員工，都相當親切有禮。…查看更多

Buffet來講唔算多嘢食，不過百五蚊嘅buffet都算幾抵～雖然個位都有啲窄，不過環境都好舒服！平日都滿座～嘢食有中西湯，唔同嘅壽司等等，好presentable! 緊要係高質冬菇蒸雞飯～仲有黑豆紅棗紅蘿蔔豬展湯！真材實料！ 生滾粥，麵，冬陰公湯麵都可以即整，有好多海鮮揀～ 另外雖然無影到，海南雞飯都值得一讚。啲雞好亂同埋好新鮮！味道都唔楚本身就包餐茶不過可以加少少錢飲鮮榨果汁～啲員工都好親切服務態度好好～好滿足～…查看更多

應該都有2, 3年無黎食英皇食自助餐，見佢而家送龍蝦就再食。自助餐原價＄288加一（工商卡8折），我地買定食飛每位 $250連加一。自助餐不分時段，我地7點坐到10點。食物方面，選擇唔多，以下菜式己經無左，好可惜： 薑葱炒蟹，中式蒸魚同中式點心，而普通自助餐都有既長腳蟹同煙三文魚都無，失望！甜品種類多，可惜死甜唔好味。飲品方面，汽水任飲，另包一杯餐飲。全餐最正係任食HAAGEN－DAZS，100ML裝，有雲呢拿，咖啡，士多啤梨同朱古力味。…查看更多

見兩年半都無人寫過食評, 當係update下... 呢間餐廳還健在的, 平日每位$268+10%, 英皇卡有9折, 記得響地下開番張先上黎呀! 汽水飲任, 茶啡只包一杯.... 價錢黎計算最平既自助餐架喇! 星期一晚上20:30才到, 客人只坐滿半間餐廳, 出面拿食物的瞭瞭可數, 與自助山的人頭湧湧簡直天淵之別, 頗為舒服又唔駛爭食... 熱盤都頗多, 自助山有70米時, 呢度都有40米...最基本的就係有壽司, 不過我唔食...而最終目的當然係蟹腳, 不過呢度無蠔食, 我唔食蠔絕對fit晒我, 自助山則有蠔無蟹腳... 蟹腳質感一般, 味道有d腳咸有d腳淡, 咸也不是太咸, 我鍾意... 最離奇走果陣先發現d較剪係收埋晒, 要問職員取先有... 我係練到唔駛用剪食的最好味的竟然係鐵板燒, 淨係炒菜我都追加左一碟, 秘製醬汁喎! 反而肉就無乜選擇...乳豬都係呢度主角之一, 葡式果隻薄皮啦! 唔係鬆化皮, 冇乜肥膏...  都好食, 只係冇海鮮醬...食自助餐我都無乜幾可會食飯, 飽肚唔抵嘛! 但呢次抵唔住誘惑, 的式鳳爪排骨飯!!! 仲細過湯盅, 直徑只得三吋, 味道都係和平日酒樓食差不多, 都幾好食, 不一定要試, 只係個人喜歡食吧...甜品最敗北, 陰公... d cake仔還可以, 沒有滑溜溜的感覺, 但d大cake就弊家伙, cheess cake無cheess 味, 面頭d 乜berry醬好酸! d黑森林同雜果蛋糕有點乾鞋....不過如果計性價比, 呢度都算不錯既, 真係$268埋單... 服務真係弱左少少, 無人理, 少主動...…查看更多

餐廳採用英倫式設計風格，古典華麗，感覺置身英式宮廷。有駐場樂隊live show，有駐場廚師現點現做。:)匯聚各國美食，照顧各層次食客的需要。刺身很鮮美，琳琅滿目的甜品是一大賣點，哈根達斯無限量享用。全日供應…查看更多

英皇既自助午餐都可以啦...mop108 + 10%冷盤有: 三文魚 / 凍蝦 / 翡翠螺 / 青口熱盤有: 炒飯 / 炒河 / 蒸魚 / 羊肉 / 咖哩牛/ 椒鹽三文魚骨 / 炸雞中翼 / 唔知咩魚塊車仔面檔點心檔燒味檔 (雞 / 鴨)意粉檔中東咖哩檔甜品: 蛋糕, 雪糕沙律d食物都可以的...咁其實呢個價錢..有以上既野食都可以去試下既.…查看更多

成個行程己經算係食盡澳門美食- 葡國菜/葡撻/豬扒包, 所以最後就嚟一餐自助餐, 專揀百幾蚊酒店入手, 除此之外, 用渣打咭仲有9折, 實行用盡晒所以優惠魚生- 三文魚 / 吞拿魚 / 八爪魚 / 甜蛋 / 蟹柳, 三文魚最肥美出色海鮮 - 凍蝦 / 翡翠螺 / 凍蟹 / 普通青口 / 藍青口, 最正係凍蟹, 蟹蓋仲好多膏添熱盤 - 大約有10多款, 生牛肉 / 羊扒 / 燒味 / 牛尾 / 蔬菜 / 蝦 / 魚 / 乳豬 / 血鴨 / 芝士焗蠔 / 焗薯蓉等等, 最ok係焗蠔, 蠔雖然細隻咗少少, 但好好味encore咗幾次串燒 - 雞軟骨 / 雞肉串 / 秋刀魚等等 - 雞軟骨不錯呀車仔麵檔 - 都係一般材料, 所以只叫咗一碗菜, 但落咗沙菜醬好好味沙律 - 配料多, 沙律醬都有幾款, 仲有凍火腿等等甜品 - 大約有10多款, 芝士蛋糕 / 3款什果撻 / brownie / 咖啡蛋糕等等, 仲有自製西米露, 多款生果, 朱古力噴泉… 雪糕係有幾種味添後記 : 質素只屬一般, 但以 $160 嚟講係食得過, 現場仲有人live, 但……查看更多

睇晒開飯自助餐食評,總括黎講似乎英皇的buffet是最平靚正,book左9-11時段,到了才知是日式放題$158/位(唔加一, 抵!)其實也不是什麼放題,行了一圈都是一般自助餐菜式,不過...........先來每人一杯sangria (估佢唔到會有呢,開心死我,本身易醉又想飲,而家送一酒杯仔我卻之不恭)再送椰汁燉雪蛤膏最讚有凍蟹,sashimi,葡國雞,煲仔粥,檸檬車路雪糕+waffle,朱古力火鍋燭光晚餐+live band其他ok,款式都ok多, 以百幾蚊價錢真係平靚正服務員有禮坐得又舒服唯一美中不足: 左右都是吸煙的,我成了二手煙食客…查看更多

Macau濠食之旅 : breakfast buffet @ 御廚 御廚 ( 英皇娛樂酒店9樓 ) 原價 mop150 breakfast buffet, 種類很多, 食物 quality 一般la. 算係 平平 地 滿足 一下 食 buffet 的慾望. 點心, 飽類, 以 蝦餃 為出色 (但是 想食到 新鮮熱的, 要到皇廷閣 中菜廳 飲茶了, opening at 11am-3pm)日本 冷麵 小食, 中/ 西 美食, 粥粉麵飯, 水果應有盡有. 我試了英皇娛樂酒店 的 breakfast buffet 同 dinner buffet ~~~~食物 quality 差吾多~~~REALLY 種類很多~~~~平平 地 滿足 一下 食 buffet 的慾望!不過, 住客食 dinner buffet 有 7 折 coupon, 十份抵食 ~ mop 120+ ~ 晚上 仲有 life band, 雖然 我吾識欣賞…… dinner buffet 仲 有 Häagen-Dazs 雪糕 任食~ so happy. …查看更多

澳門三日兩夜的行程，我和朋友第一頓晚餐選址在英皇娛樂酒店九樓的御廚。踏進門口便可看見以Haagen-Dazs雪糕為甜品主打的設計，身旁的女知客索取我們訂位的資料後爽快的引領我們入座。自助餐檯以回字擺設，外口三面靠牆主要是餐湯、熱葷、燒牛肉車、車仔麵、點心、刺身、龜苓糕、生果朱古力噴泉、窩夫及Haagen-Dazs四款雪糕。內口圍著的是沙律、凍肉、凍海產、芝士盤、壽司、新鮮生果片、小甜品及蛋糕。 開飯了…三文魚刺身---雖不是魚腩，排列脂肪有序，新鮮。八爪魚刺身---沒有太堅韌的感覺，容易咬開，正!吞拿魚刺身---沒有渣，全吃了~凍蝦---熱食該會加分。凍花蟹---新鮮好肉。凍翡翠螺---彈牙有嚼勁，可惜部份懷有螺子。:(燒賣---一般水準。蝦餃---皮薄蝦多，好食。蒜茸焗蠔---太細隻，無甚蠔味。黑椒牛仔骨---肉質惹味，汁水調教功夫好。蒜茸蒸帶子---蒜茸提升帶子鮮味，翻食。清蒸石班---蒸得過火肉質有點韌。非洲雞---雞夠嫩滑，只吃了一件，實在太飽了。薑荵炒蟹---老是找蟹鉗埋手，4隻也不嫌多。燒西冷---本來想吃燒牛肉，但嫌賣相不好，結果挑了燒西冷，肉質夠嫩。枝竹黑草羊---枝竹有點乾，黑草羊很大件，炆得不夠腍身。龜苓糕---想不到會有她的出現，藥味濃郁，但是欠缺膠質，吃起來像果凍。椰汁黑糯米---黑糯米不夠軟。雪糕格仔餅---格仔餅雖然是預產，品質還是好的，雪糕加上朱古力漿，口感一流。雪糕椰果---臨尾再添，拜Haagen-Dazs所賜的美味。 御廚餐廳雖不至裝修得特別金碧輝煌，傢俱布置卻充滿歐陸情懷，非常典雅。現場還有live band 演奏唱歌，顧客可邊吃邊享受著輕鬆的音樂節奏進行晚宴。:)論到這裡的食物質素、產品種類肯定是沒有新葡京自助山般的波瀾壯闊賓虛場面，但整體還是令人感覺滿足爽意。說到服務，可能人手關係，飲用水是預先倒在杯裡，很容易發生污染問題，像我的朋友吃熱葷時，便被一隻小蒼蠅冒死沾污了。御廚面積有數千呎，九成滿的入座率只看到不足十個服務生跑來跑去，所以收客人空碟及聽餐茶也須要花點時間。…查看更多

熱食比香港一般自助餐味道來得好, 只係有d位唔夠熱, 再熱d會更好~一黎 我就忍唔住食 "花插" 即係d人所謂0既帶子但我聽水上人講 呢d係花插 唔係帶子wor~好味呀~~ 仲有牛仔骨 我呢隻牛魔王 至喜歡食牛仔骨 魚 我就選擇左魚鰭黎食 夠滑嘛~仲有羊肉 蟹 都好好味, 可惜我怕殼太多 食左兩隻就收工......但味道好好0架~之後 就係我最喜歡0既冷食 翡翠螺~ 我狂食呀~ kakakak係甜品 就差少少~本來想繼續再食 可惜同行朋友話食得多 對胃唔好 所以又提早收工 嗚嗚嗚~我仲食左好多野~ 剌身啦 haagen dazs雪糕啦~唔錯~…查看更多

又係package包一餐既宵夜buffet, 可能對佢無乜期望, 所以比預期好喎宵夜黎講, 食物款式算多架喇, 都有凍海鮮喎, 當然無生蠔長腳蟹果d喇, 最令我印象深刻當然係一入到場, 見到有haagen dazs喎....點飽都要食番球, 仲有朱古力噴泉, 加上面, 變左個脆皮雪榚熱食有粉麵檔, 鐵板燒, 點心, 中菜等等, 刺身就得2-3款, 但都算新鮮既, 甜品就麻麻喇, 只係雪榚最ok囉呢度有live band, 都唔算太嘈, 佢地唱得都有d水準架:)…查看更多