御小館

营业中

休息中

之前曾到這店飲過茶，有過不愉快的經驗，所以一直無再幫襯，上星期路過，在門口望吓宣傳海報時，有個剛幫襯出店門口的街坊，極力推薦這食店，所以又試吓。三點幾，下午茶時間都有幾多客，約有七成，座位間空間距離足，燈光較暗，服務態度還可以，出餐時間快。叫咗四個點心馬拉糕，有濃濃黑糖味，唔錯蝦餃，個樣就幾靚，原來唔只得個樣，都好食，滿滿蝦肉，餡料十分足炸両就麻麻，油炸鬼已淋，腸粉皮都可以燒賣都好奶好食，好結實這次經驗有所改善，可以再來。

以往係慈雲山拜拜完, 都會係黃大仙飲茶。 今次試下呢間非傳統大酒樓，偏小精緻嘅中式餐廳。 先講總結：平時我寫食評都會想客觀少少。 但今次，我單純想勸世，真係可以唔洗黎。 如果有興趣想知咩菜可以唔洗點，可以睇落去。 否則，我會建議去睇下其他餐廳同其他食評，唔好浪費時間。 等位/入座：三個人 ，公眾假期中午十二點。 自己見到有位就座。 但萬一坐入左死角位，基本上無樓面會理你。 落單/上菜：自己手寫落單，要自己行出去叫開茶落單。食物：首先，點心價錢固定。 係得茶錢會根據時段唔同。 可以見到其實都唔平。 食物係即叫即蒸嘅，但相對就一道一道要等好耐。 十二點二十分落單，一點先黎哂所有野食。 叉燒腸，不過不失，$35。 流沙包，$35。 其中一個黎到已經穿咗，入邊嘅流沙都偏甜，仲要係死甜果隻。 炸雲呑，$31。正常無特别。貓耳朵濃湯鮮竹卷，即係雲耳鮮竹，$35。 個湯幾好飲嘅，不過後尾有少少渴喉。 小籠包，$35。 肉質係好淋好軟嗰隻，無湯嘅。 潮州粉果，無咩特別到埋單嘅時候，先知原來有午市同下午菜優惠點心。但成張枱都無優惠紙。 咁又無人帶位，無人落單，更加唔會知。 啲姐姐上菜，都係揼啲點心落枱

喜歡飲茶食點心的人, 不用炒飯炒麵的就來這間吧！11：30來不用排太耐, 👍🏻特色：點心份量大👍🏻👍🏻環境似茶餐廳卡位, 自己scan QR code 落order但有時有些人...自己入座, 無人阻止不用排隊就..👎🏻👎🏻

仕應全程黑面，表現出一副可有可冇的樣子，十問九唔應的態度也給嚇倒了。至於食物質素方面也不敢恭維，例如‘桂花淮山’沒有桂花味，似白烚淮山，問她可否加多少少桂花她說愛莫能助！‘鮑魚雞粒砵仔飯’更離奇，雞粒數得出不過廿粒(每粒比手指甲還要小一倍)，至於鮑魚，我都不敢奢望有一隻出現(最後碎上，若7～8粒雞粒size)。最後沒有肚痛也應該感恩，應該不會有下次了。昨晚整場幫襯人數都不太多，都應該知道是為什麼吧！

第一次寫食評間野10點關門，我哋9點入去，有個侍應好大聲叫我哋落咗蒸飯先，之後所有野都係我哋唔問唔俾，包括茶水同特價menu，全部員工都係大陸口音阿嬸，間野十幾張枱得三枱客。食物方面點心全部都好難食，腸粉厚皮，牛肉球喼汁溝水，小籠包一pat野仲難食過微波爐叮嗰啲，實在太難食，價格平均30蚊一碟點心，唔算抵食，基本上除咗靜之外，完全乏善可陳。重點我哋15分落好單，佢35分先出到餐，40分叫我哋埋左單先，45分就行埋嚟叫我哋快啲食完佢哋就關門，我當堂真係呆左，你收咗錢即刻趕我哋走係咩玩法？咁我哋咪食快啲囉，點知過多5分鐘另一個職員又埋嚟催多一次，嗰下真係嬲到爆，然後佢光速收咗我幾籠點心。咁我咪嘈佢囉，你另外幾枱都未走你係咁趕我哋做乜？你唔想我入嚟你可以9點截單吖，你俾我入嚟你唔俾我食晒就收我啲野食？佢西住面咁唔出聲，我真係嬲到震，快啲執咗佢算啦。

小籠包個皮完全係爛嘅 冇任何汁 食落咬咗一堆粉 38蚊3粒 俾啲咁嘅質素人 仲衰過係超市買盒盒裝嘅返屋企自己蒸腸粉皮勁厚 好難食洗碗唔乾淨 衞生差 價錢又唔係平冇樣嘢係合格 冇下次

好差！未食嘢已經一肚氣5個人俾2張分開嘅枱 隔成條走廊咁遠 個經理真係有病 好差！遲早執 咁嘅安排 仲要唔俾人加張椅喺走廊 又唔作其他安排 究竟想點啫 叫同一家人分開2張枱食 隔條走廊搬啲點心咁啊？ 用個腦諗下啦！真係仲好意思叫我哋入嚟 又唔講清楚要分開咁遠 冇枱就唔好叫我哋入嚟啦 一家人未食嘢就因為咁而嘈交 我勸大家千其唔好幫襯 真係唔係好食又要等 又要受氣啲員工服務態度真係極差 冇諗過幫客人處理問題 服務業之恥 angry angry

陪台灣朋友去黃大仙廟，佢好想吃點心，找附近商場lunch，見呢間御小館的食評不多，不過睇相都吸引，蝦餃燒賣都新鮮，老干媽金錢肚好惹味，鮑魚雞粒蒸飯d飯粒粒分明，好怕d蒸飯黏住，值得一試

今日早上同屋企人飲茶，適逢御小館一周年早午同下午茶都免加一，茶錢每位 $10點左3份孖寶 ($38.8) 、1個特價點心 ($23.8) 、3份特價燒賣 (每份 $10.8) 同一個正價點心 ($32)----------孖寶牛肉球有芫茜同陳皮香，口感軟滑彈牙，唔錯；叉燒包質地同樣綿密，甜度適中，餡料叉燒有蠔皇味道但略嫌醬汁太多；時菜鯪魚球魚肉新鮮，口感細滑輕彈，加入陳皮、香蔥同胡椒粉，味道唔錯；鹹魚雞粒蒸飯餸份量夠多，雞肉好滑又Juicy，鹹魚質素正常，飯索左汁味道唔錯，不過質地偏濕；灼唐生菜夠嫩，豉油甜甜地幾好味；粉果我冇食，屋企人話唔錯特價點心鮮蝦韭菜餃蝦肉都幾爽有鮮味，不過油份偏高同餃皮較粘特價燒賣調味偏甜左少少，肥肉比例較高，但整體都算唔錯正價點心叉燒腸粉叉燒半肥瘦有蜜汁香，仲加左香口芫茜，腸粉皮軟糯煙韌又夠滑，出色！----------5個人埋單 $255，人均 $50 左右食到9款點心，質素唔錯，性價比極高；加上環境都幾舒服，所以平日早茶去到十點幾都仲有人等位

點心都可以，但晚飯小菜太油膩，蒸茄子變油浸茄子，生炒古魯肉，之前問侍應是否豬頸肉，又話唔係，嚟到碟肉真係豬頸肉，激死.點心都可以，但晚飯小菜太油膩，蒸茄子變油浸茄子，生炒古魯肉，之前問侍應是否豬頸肉，又話唔係，嚟到碟肉真係豬頸肉，激死.

執咗成日屋，真係手都軟埋😅 Mammy話為咗獎勵我哋，提議去食 #日式燒肉 🍖 順便喺商場入啲貨🛍️ 既然有老細請食飯，#小秘書 當然樂意奉陪☺️ 滿心歡喜嘅我，竟然忘記咗呢日係公眾假期… 無預先訂位嘅我哋遇上大排長龍🤨 唯有轉陣去食 #中餐 … 失望👉🏻👈🏻 我哋上到商場三樓，幫襯開嘅 #中菜館 似乎轉咗手，新裝修嘅「御小館」晚市只做 #小炒，而mammy至愛嘅 #中式點心 就只有午市供應😌 不過一場嚟到，都費事走來走去，就當試吓新嘢啦！我哋點咗 #水蜜桃咕嚕肉、#剁椒蒸大魚頭 同埋 #小炒皇 做 #主菜 🤤 先講杯茶☕️真係好唔掂，用茶包泡茶已經好無誠意，仲要啖茶淡到一個點… 佢啲茶包唔會係循環再用卦？講返啲食物，品道偏鹹😅 不過個 #咕嚕肉 都做得唔錯嘅，味道甜甜酸酸再配埋啲 #蜜桃 一齊煮，好開胃🤤 至於碟 #剁椒蒸大魚頭，魚肉都蒸得幾滑，不過就比預期中辣🥵 完全同我哋要求嘅BB辣好大出入😅 而呢餐最令人失望嘅係碟 #小炒皇，無諗過 #蓮藕、#粟米 先至係主食😅 雖然裡面都搵到少少 #豬腩肉 同 #鮮魷 嘅，不過就完全唔係我食開嘅口味，除咗無咗啲 #海味 同 #韭菜花，師傅反而加咗大

菜苗餃內包報紙 外加鐵線鮮竹卷 三件都係酸臭啲貴公司請注重、唔好以為啲客都係公公婆婆、而出品求求其其、另外廳面服務態度真係差、個個都唔關佢事😡😡😡今時今日咁嘅出品！！將心比己、😱😱😱😱😱😱😱😱😱