影片
由御守岩岩开就帮衬到依家但唔知系咪有稳定客源唔愁生意定其他原因whatsapp好多次系办公时间内都唔覆机讲紧系晏昼tea time或者6点几个阵都唔覆仲要唔止发生一两次我都当可能忙睇漏眼挂？😅直到有次whatsapp落单叫个饭佢话冇哂某款食材但冇讲可以转做其他食材代替定需要我重新拣过另一款饭唔主动提供解决方法 我都明白既一百蚊都唔洗既食店我都唔期待会有体贴啲既服务咁我主动问下：会有其他替代定需要我拣过款饭呀？我已经系秒回佢 希望应该会live time chat到但结果等左十分钟到都未收到任何回覆结果我都系放弃算唔想食个饭都好似沟女神咁痴痴地等人覆我😂最后我讲返声我唔需要啦thz佢又秒回到话唔好意思😂可能系我小心眼？点解成日落单/问少少野都唔覆？一话唔需要了就可以秒回？定系根本一直都睇到 只系懒唔想做？唔系要求有星级服务但几次都被无视 感觉真系好差已经唔想再比机会了相信都唔差我一个客仔🙏🏻祝福大家🙏🏻
继续阅读
小店御守寿司.同朋友叫外卖食呢间觉得有啲惊喜送到黎大家都好意发现佢个包装好靓而且极速就送到包装既招牌猫好靓😍好有日式既风格外卖黎讲超靓！我地都系附近随便拣一间但原来食材佢系即叫即整架～仲好细心地餐具附上豉油碟 对我地一班人系出面食既话好方便鱼生丼仲有粟米中华沙律同螺肉 卖相好精致整体寿司都好新鲜 大家可以一试-寿司盛盒A&B-精选鱼生饭-火灸三色饭-蟹子甜虾饭御守寿司大角咀海庭道8号富荣花园地下4号铺
继续阅读
有次系 Openrice 见到哩间啲寿司刺身好似几吸引, 今日就买嚟试下,哩个包装袋几靓冇得输, 叫咗个火炙三文鱼饭, 三文鱼都几多, 啲饭粒粒肥嘟嘟,尤其啲三文鱼沙律真系超级好食, 系我钟意嘅日式饭
继续阅读
今日去完大角咀探朋友, 顺便买啲嘢返屋企食,经过被呢间有卖刺身丼饭吸引， 兼且有同茶星人cross over, 就决定今餐喺呢间落脚啦。 .比起茶星人， 呢间特别在可以有套餐优惠， 我同我男朋友就叫左2 人餐。 先黎个大合照先 牛油果蟹肉饭对于好中意食蟹肉既人黎讲呢个系必试 😻 蟹肉多到可以捞饭。 加埋蟹籽可以令个丼既口感又加分。 值得一赞仲有个玉子， 好厚实， 份量大到可以切成两旧食 😹香葱吞拿鱼腩蓉饭佢鱼蓉打得好绵滑， 可见得出食材系好新鲜。 有时一d 冇咁好既餐厅会比较粗身， 代表食材品质未必好。 加埋醋饭一齐食特别开胃年糕同鸡翼系我好惊喜既小食， 因为跟餐本身冇咩期望 , 估唔到鸡翼做到明太子辣辣地鸡肉又好juicy 既感觉。 同埋年糕就算外卖拎到番屋企都暖暖地， 烧得好入味。跟餐仲有得补差价叫茶星人两杯草莓撞上番石榴真系有粒士多啤梨喺入面， 加埋番石榴好清新冇死甜。 香蕉朱古力脆皮有时有d 香蕉好有药水味， 但呢个完全冇， 朱古力同香蕉好match 同场加映外卖袋一个， 可爱到唔舍得扔
继续阅读
叫咁多次外卖，未试过一间系一收到袋食物时巳经想写食评好靓呀个猫猫外卖袋！ 应该用有coating 面不织布， 我好小心拎啲食物出黎惊整污糟个袋。但其实食物嘅包装都好好。 就咁寿司卖相不错我叫寿司set F, 有7 款鱼类组合， 我地两个人食， 惊唔够就叫埋2 个反卷。 加洲卷颓少少，唔够多三文鱼籽， 鳗鱼芝士卷，用料充足，食落唔错几好味， 几新鲜. 今次第一次帮衬， 如果唔系另一间连锁截了单， 都冇机会试到呢间店。希望店方再多啲选择就更好。下次都会再帮衬
继续阅读